Marakut 9:5 - Ala Wone Peenok Peebi Mbanak

⁵ Wone mbanggwi iigo nogogwaarik, at Peterut nogo nen Yetut yoge logonet, “Nogoba Ngguru wae! Nit yime wonogwe yi, obeelom aret me, kit logorak nduk, ooliya kenagan, ambi kat, ambi Muta, ambi Eliya, wurogo pinagawi o,” yoreegerak.

Marakut 9:5 ပူးပေါင်းရင်းမြစ်များ

Ndawi 84:10

An name ne seribu paga logorak ti, ninikilom aret kwe, Kawi wurik me ne ambit paga logorak ti perak, Niniki kundugu lombok aret o. It aap maluk eeka iname logonet, Neebe obeelom logorak ti, op aret kwe, Kat nogoba kawi wurik me Tungga'nggi paga arum logorak ti perak, Iya lombok me, an time logorak mbake agarik o.

Matiyut 17:4

Wone mbanggwi iigo nogogwaarik, at Peterut nen Yetut yoge logonet, “Nogoba wae. Nit yime wonogwe ti, obeelom aret me, kit logobagip nduk, an nen ooliya kenagan ambi kat, ambi Muta, ndi, ambi Eliya, wurogo pinagarak op aret mbaken ilik, lek a?”

Matiyut 23:7

yi mendek ndi mendek onggo kunggo menggam, Nit mban keyage wappinanuwak, mbakwi, aakumi nen, Ngguru wa, yinuk, yo'niroorak mbakwi, eeko logorak inikilom mbako menggaarak kwe,

Matiyut 23:8

kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o.

Marakut 9:4

it Eliya Muta imbirak Yetut inom lambumbunuk, wone mbanggwi iyareegwaarak.

Marakut 9:6

It nogo nen, “Ia!” yinuk, inagabiti ambik age mbareegi, nonggop yuubok kenok, togop yoreegerak.

Lukat 9:33

Iigo mbareegwa, it aap mbere nogo Yetut mbo punuk, lagi noorak nduk eekwi iigak, Peterut nen Yetut yoge, “Nogoba wae. Nit yime obeelom aret wonogwe me, kit logobagip nduk, ooliya kenagan, ambi kat, ambi Muta, ndi, ambi Eliya, wurogo pinagarak op aret o,” yinuk, yoreegerak. (Ti yoreegerak nogo we ugun eenggo'lek me, yoreegerak.)

Yaya 4:31

Awo wogwe iigak, at Yetut oone waganggwi nen Yetut yogo logonet, “Ngguru wae! Mbi yi namen o.”

Pilipi 1:23

An Keritut nimbirak logorak ti, op lombok mbake logonet, nggween paga yime mbo punuk, ka noorak, “Ao,” mbake kwe, kit ninom logonet eeppinagarak ambi wonage mban me, niniki abu mbere ee'nake o, noreewi.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”