Marakut 9:4 - Ala Wone Peenok Peebi Mbanak

⁴ it Eliya Muta imbirak Yetut inom lambumbunuk, wone mbanggwi iyareegwaarak.

Marakut 9:4 ပူးပေါင်းရင်းမြစ်များ

Matiyut 11:13

Yaya awo waga'lek kagak, Ala wone yugu liiru mbanak nogo pekkenok, ineenu ogwe, it Ala yorage kagak yoraga nen yorogwe, eeko nogogwaarak paga o peebi eeriyak lombok wone pagak yereegerak nogo

Marakut 9:3

Enete alik lombok age nagagerik, ambogoyum laambu abinak ndelenak-welenak eereegerak. It mbogoyum laambu abinak aruwak nduk kooko mengga kwak ti lek o. Ata, abinak abu alik negen laambu lombok age mbareegi,

Marakut 9:5

Wone mbanggwi iigo nogogwaarik, at Peterut nogo nen Yetut yoge logonet, “Nogoba Ngguru wae! Nit yime wonogwe yi, obeelom aret me, kit logorak nduk, ooliya kenagan, ambi kat, ambi Muta, ambi Eliya, wurogo pinagawi o,” yoreegerak.

Lukat 24:27

Keritut wage kenok, “Togop eerigin o,” yinuk, wone Muta liiru mbaneegerak nogo kuli nen it aap Ala yorage kagak yoraga nen yorogo nogogwaarak liiru mbaneegwaarak nogo abok aret amburu mbaniragagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Lukat 9:19

Yorage mbareegi, it nen, “Aap ando nen, at Yiime Wuppiiga Yaya nogo aret yogwe, ando nen, Eliya aret yogwe, ndi, ando nen, Aap maan Ala nen yorage kagak yorogo nogogwaarak nogo mendek ambi eenik a'nuk, mi'nagaarak, yogwe, eeko agaarik o.”

Yaya 5:39

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me,

Wayu 19:10

Yo'nege mbaki, abu'me tebe yinuk, alut eerikit nduk eeke me, at nen yo'nege logonet, “Togop eeriyak mage o. At Yetut wage nagagerik, Ala ndogop menggerak o, yinuk, paganogo yoragagerak wone koreewi waganggo nogogwaarik, porogo wonogwe nogo inom, kat inom, an kit pogom Ala ayeloman aret me, Ala abu'me tebe yinuk, at mban alut eeke logot o. At Yetut nen paganogo yorage nagagerak wone nogo ti, nit abok Aberiniki nen yo'nirage kagak yorogo monggoorak me nduk, yokkigi o,” yinuk, yo'nege kagarak.