Marakut 7:5 - Ala Wone Peenok Peebi Mbanak

⁵ Togop eeko nogogwaarak me, it Pariti mendek inom, it Ala wone liiru mbanak unde inom, nen Yetut yogo logonet, “Kat koone waganggwi yi, ninombomini eeko nogogwaarak wandek eeka'lek logonet, nonggop nduk ineenggi kooka'lek ugun aret mbi nonggo agaarik o?”

Marakut 7:5 ပူးပေါင်းရင်းမြစ်များ

Matiyut 15:2

“Kat koone waganggwi yi, nonggop nduk ninombomini eeko nogogwaarak wandek eekwi nogo taganogo mbo punuk, ineenggi kooka'lek logonet, mbi nonggo menggaarak?”

Marakut 7:13

Ti yogo monggotak nogo paga kinombomini nen eeko nogogwaarak wandek me eerit nogwe paga, Ala wone ti, taganogo mbo pogo monggotak o. Ti eeko nogogwaarak kwak, kit togop ambik aret eerit nogo monggotak kiigi o,” yinuk, yoragagerak.

Marakut 7:8

At Ala nen, Yogop ee'nu, ndogop ee'nu, wone yugu nogo tebenogo punuk, kinombomini eeko nogogwaarak wandek me eeko monggotak kiigi o,” yinuk, yoragagerak.

Marakut 7:9

Yorage nagagerik, ambinom yorage logonet, “Kit kinombomini eeko nogogwaarak wandek me eeko logorak mba'nuk, at Ala nen, Yogop ee'nu, ndogop ee'nu, yereegerak wone mbo pugwi yi, kit obeelom aret kiigi o.

Nappiigak 21:21

It aakumi nen, Lek o! At Pawulut nen, it Yakuri mendek kumi-aap endekem mendek inenggela'me menggaarak nogo mamunirage logonet, At Muta nen yereegerak wone nogo mbo pinip o, ari logonet, Kit kinapuri inagabolo mbanggwi, it aap Yakuri eeko menggaarak nogo eekwi, eerugup, yorage menggerak o, yinuk, yoranet nugwi nogo inaruk konenggaarak o.

Nappiigak 21:24

yogondak kat kinom nage logomenggendik, it inoba mbeenogo pakwi, kat kunduk koba mbeenogo pake, eeko logomonggotik, it ineeruwak mbaniyaawak nduk, onggo kat nen pi nanu o. Ti eeremenggendak paga Ala wone yugu liiru mbanak kat kunduk eeke keenok, Pawulut eeke menggerak konenggoorak nogo, alom lek kagak yogwe iigo o, mbarugun me, togop aret eeri nanu o.

Oroma 4:12

Ndi, inagabolo mbanak ti kunduk, inombo Abarakam aret. We inagabolo mbanak ti paga inombo lek o. Ata, at Abarakam nen agabolo mbangga'lek kagak iniki Ala oba panggombunuk abet mba'nuk, eeke nagagerak nogo, nit togon ndak-ndak abet mba'nuk eekwi niinok ti, ninombo Abarakam aret o.

Nggalatiya 1:14

Nit Yakuri inoone mugurok nogo logonet, an ninom ndak-ndak ndarak noreewi ando we mbuuluk negen eekwi iigak, an perak nombomini eeko nogogwaarak nogo, niniki aganggen kerek togon mugurok nage logonet, mondok ndak-ndak aret eerit nage nagagirak nogo ti, kineenu mban o.

2 Tetalonika 3:11

Kit ando kit kinobaalombok eekkolaga'lek aakumi inobaalombok mban eerit nugu logonet, yabu eeka'lek we ugun-ugun eerit nugwi yogwe iigirak me nduk, yokkirogo.

2 Tetalonika 3:6

Ndi, ninoreewi o. Wone, “Ndogop eeko logonip o,” yokkirogo nogogurak nogo, kinoreewi ando eeka'lek ineenggi tanep we nugwi iinok, kinom nugu logorak mage o.