Marakut 7:34 - Ala Wone Peenok Peebi Mbanak

³⁴ ena mbogut paga ni'nage logonet, “Ai!” mbake nagagerik, “Epata o,” yoreegerak. Ti yoreegerak ti, nit ninoone paga, “Paa'naru o,” yoreegerak.

Marakut 7:34 ပူးပေါင်းရင်းမြစ်များ

Wundeegwaarak 2:23

Peebi tahun ambik eeppunuk, aap endagembogut Metit mendek nogo kambeegerak kwe, kagak aret it aakumi Iterali nogo inayeloman eerogo piinok, yabu aaninggin-paaninggin agago piigo mbareegwa, inoone nggwok paga, “Aakumi inayeloman eerogo pinaninuk, ee'ninakwi yi, iyet o,” yinuk, Ala yoreegwaarak.

Yetaya 53:3

Aakumi nen, “Ogole o,” yinuk, meek ombakwi, mbo pugwi, eereegwaarak o. At aaninggin-paaninggin nen iniki wakko'net unggwage, Andi-pandi kage, eeke nagagerak o. “Aap yi ogole o,” yinuk, inete nobakkologo mengga kwak at kenok, “Ogole o,” yinuk, meek ombako nogogwaarak me, Nit kunduk, “Aap abe o,” yinuk, ayuk wurulik o.

Marakut 1:41

Yoge mbareegi, at Yetut nen aap nogo abuwa mba'nuk, eenggi nderogon pigagangge nagagerik, “An obeelom eekkaburak mbakirak me, obeelom agago pagagi o,” yinuk,

Marakut 15:34

Ndi, o kiyoma age kagak, oonegen 3 paga at Yetut nogo kwa ari logonet, “Eloyi, Eloyi, lama tabatani!” yoreegerak. Ti, nit ninoone paga, “Nogoba Ala o! Nogoba Ala o! Nonggop nduk an teppanegen o?” yoreegerak.

Marakut 5:41

Unggwi nogo nogogwaarik, Yetut nen kolaga nogo eenggi pippunuk yoge logonet, “Talita kum,” yoreegerak. Ti, nit ninoone paga, “Kolaga yi wae. Mi'na'nok nduk yokkigi o,” yinuk, yoreegerak.

Marakut 6:41

Kwi'narit nogo mbareegwa, at Yetut nogo nen roti 5 inom, ndi, ikan mbere inom woppunuk, ena mbogut paga ni'nage nagagerik, “Nogoba Ala wa!” yinuk, roti karerogo aakumi tumburiraawak nduk, at oone waganggwi nogo wogoragagerak. Wogorage nagagerik, ikan mbere waganogo abok aret nawak nduk, wogorage mbareegi, tumburirogogwaarak.

Marakut 7:35

Yoge mbareegi, aruk paa'nage, oone lek nogo oone warak age, eeke nagagerik, oone abe aret yereegerak.

Marakut 8:12

Yogo mbareegwa, at Yetut nen, “Aap yi yogwe, Ao,” mbake logonet, “Kit aakumi yogondak wonogwe yi, nonggop nduk, Nineenu ariyak mendek ambi eeke keyaawi, mban yo'nogo ogotik? Kineenu ariyak mendek ambi eeke neyaamunggup mondok lek o, yinuk, abet aret yokkiragi o.”

Lukat 18:42

Yoge mbareegi, Yetut nen, “Kat kiniki noba panggombunuk, abet nombakendak paga kenegen obeelom agaarak me, kenegen pagak yu o.”

Lukat 19:41

Yorage nagagerik, o kota Yerutalem panggo yi wage nagagerik, enegen kage logonet, le yereegerak.

Lukat 7:14

Yoge nagagerik, aap eewurik wonok wogwe me panggo yi nage nagagerik, eenggi pigaganeegerak. Eenggi pigagangge mbareegi, aakumi eewurik wonok wogwe nogo puk ogo mbareegwa, at Yetut nen, “Wulaga! Mi'na'nok nduk, yokkege agarik o.”

Yaya 11:33

Yoge mbareegi, Mariya inom, it aap Yakuri mendek Mariya mugurok nogogwaarak nogo inom, leenggu maakwi Yetut iige nagagerik, “Yi agaarak neebi o,” yinuk, iniki aagi wo agan lagangge logonet,

Yaya 11:35

Yogo mbareegwa, Yetut le yereegerak.

Yaya 11:38

Yogo mbareegwa, Yetut ne ambinom iniki aagi wo agan lagangge kagak, Latarut kambeegerak pereegwam nogome aret nagagerak. Kambeegerak pereegwam nogo ti, ndoome yugum tu narak aret wonage me,

Yaya 11:41

Yoge mbareegi, yugum ponggonogo nappogo mbareegwa, Yetut nogo ena ni'nage nagagerik, “Nogoba o. Kat an noone muk konenggendak me wa yokkigi o.

Yaya 11:43

Yoge nagagerik, at oone nggwok paga, “Latarut wae! Wundi mok o.”

Yaya 17:1

Wone ti yorage nagagerik, at Yetut ena mbogut paga ni'na'nuk, ogoba yoge logonet, “Ai, nogoba o! An ee'naburak eyom panggoni wagaarak o. An kaput nen kat tiyappagakit nduk, kaput an naa'nduk tiyappanu o.

Nappiigak 9:34

Kage nagagerik, Peterut nen at yoge logonet, “Eneyat wae. Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” yinuk, awo yoge kagak, mi'nagagerak.

Nappiigak 9:40

Le yogwe me, Peterut nen, “Kit abok aret wundi nanip o,” yorage nagagerik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagerik, “Tabita wae. Mi'naru o,” yoge mbareegi, enegen kubunik nogo pagak yinuk, Peterut enegen kage nagagerik, windak nogo mi'nagagerak.

Iberani 4:15

Ala unde ninowe nggwok nogo nen nit aap nggween paga mendek me, ninobaabut ninggin-nanggin eekwi niinok, “Eebi,” ninomba'nuk ninake ugun-ugun eekeelik o. Ata, “An kagagirak nogo aret eeginake o,” yinuk, ninake liirogon eeke menggerak o. Nit ninabut mbaniyak nduk, aaninggin-paaninggin ninoba age menggerak nogo, at togop aret oba age kagak maluk eeka'lek ogogumbuk logonet, waganeegerak eenu me,