Marakut 7:22 - Ala Wone Peenok Peebi Mbanak

²² mbabi eekwi, aap inamendek uugwe-uugwe agan nugwi, maluk mban eekwi, inambokan laganggwi, iniki kumi paga mban lunik logonet kumili negen ugun-ugun eerit nugwi, kiniki aagi wungge, inabok mbanggwi, wogoppatit nugwi, kiniki mbanak negen eerit nugwi,

Marakut 7:22 ပူးပေါင်းရင်းမြစ်များ

2 Mbinineegwaarak 32:31

o nggween time iya tit agagerak nogo kin wakkaawak nduk, it aap Mbaben mendek inoweewi inendagembogut nen inawuri nappiya wogogwaarak ti eyom paga perak, at Ala nen abut mbangge logonet, iniki mbake nogo abok aret eenu aruwak nduk, mbo pereegerak.

Ndawi 10:4

“An iya,” mbarit nogo logonet, Ala mugurok nogwe lek mbo pugwi, “Ala lek,” mba'nuk, ugun koonit nugwi, Eeko menggaarak kwe,

Ndawi 119:36

“An ambi eekkola,” mba'nuk, Ti mban mugurok noorak ee'nabukwak, Aberak logorak wone yereegindak nogo Mugurok nage logokit nduk, nena koonogo panege,

Kini Wuppiige 12:23

Aap iniki penenak nen yi wone ndi wone ineenu nogo inikime tebembunuk menggaarak kwe, It iniki lek nogo nen aap wi yogo mengga kwak ugun-ugun agan nugu menggaarak.

Kini Wuppiige 22:15

Elege-aabologwe iniki koonggwi tabarak wonage nogo ti, aap iniki lek eerit nege menggi kwak aret wonogwe me, Yawi paga inookwi iinok, it koonggwi tabarak wonage nogo nggigik togon wungge menggerak.

Kini Wuppiige 23:6

Aap nggilimi mendek nen, “Mbi inom, niyo inom, ambinom nengge logot o,” yinuk, Oone abe lek onggo kunemenggerak inikime linggingge logonet, yokkirigin me, At ambi nengge, mbi ombat abe laremenggerak nogo kiniki nengge, eeriyak mage o.

Kini Wuppiige 24:9

Aap iniki lek wi eerit nugu mengga kwak eeriyak koonggwi paga maluk aret eekwi, Aap miyuk-meya eerogo piiga ti, aakumi nen ineebi lombok mbakwi, Eeko menggaarak.

Kini Wuppiige 27:22

Gandum yugum paga yigiko mengga kwak, aap iniki lek wi negen togop aret aan lebe eerogo pemenggendak kwe, Wi negen eerit nage nogo lek arigin lek itok aret logogin o.

Kini Wuppiige 28:22

Aap iniki nggilimi nen peebi amendek lek ariyak liippega'lek logonet, “Namendek mbet-mbet ambik aruwak o,” yinuk, mugurok nage menggerak.

Wone Alom Kibingga 7:25

An nen melak togon iniki warak alom inom, “Wone alom yi aret kagi,” mbariyak alom inom, liippege, Alom kwaarit unggwage, mugurok nage, eeke logonet, Maluk eerit nugwi ti, wi eeko mengga kwak eekwi nogo alom inom, iniki lek nen eerit nugwi ti, kumili kwak eekwi nogo alom inom, liippikit nduk, eereegirak.

Yetaya 59:13

Aliku ALA oone eeriyak nineebi mbakwi, At ambokan laganggwi, Ninogoba Ala munogo punuk, alik eerit nugwi, Eeko logonet, Aakumi tebenogo piinet nugwi, Tu alik paga nawak nduk, nomoniren nogwe, Kwe elege logombunuk ndake menggi kwak ninikime koombunuk pilit wone agan nogwe, Eerit wogoorak ti paga

Yetaya 59:7

Mbet-mbet aret maluk eerit nugwi, Aakumi maluk eerulik kagak mbet-mbet aret inoorogo piinet nugwi, Maluk eeriyak mban koonogo pit nugwi, Yi awi ndi awi nugu logonet, aakumi lek eerogo piinet nugwi, O yinik-minik eerogo pit nugwi, Eeko monggotak.

Yeremiya 17:9

Yi mendek ndi mendek obeelom eerogo puurak ti op aret kwe, Nit niniki ti nen perak, abu maluk lombok logonet, abe eeriyak kagak alik eeriyak yo'nirage menggerak me, Obeelom ariyak, ta nen liippunuk eeriyak mbakop? Meek aret o.

Matiyut 20:15

An namendek paga niniki mba'nuk eeriyak mage nduk yagan ya? Ndi, an inabuwa nen wogorage neenok, kat kanini nen yo'negen ya? yinuk, yoreegerak.

Matiyut 6:23

kinigen maluk wonage kenok perak, kineebe abok aret o apit aago pogom logomunggup o. Ti kenok, eya kinikime wonage nogo lek age logonet, o apit age kenok ti, kineebe mondok iya tit yumaak aago logorak me, liippinip o,” yinuk, yoragagerak.

Marakut 7:21

Kinikime nen maluk eeriyak koonggwi, komologwe tawe ugun eeginabit nugwi, yogoot waganggwi, aap wakwi,

Marakut 7:23

eerit nugu monggotak ti abok aret kinikime nen aret wunggetak paga mban maluk eekkinake menggerak o,” yoragagerak.

2 Korindut 10:5

At Ala mban ninenggaawak paga logonet, it abe wone taganogo punuk inoone we ugun agan nugwi nogo inoone lek eerogo piigwi, “Ala wone mban kineenu a'nuk logorak ti meek o. Ata, yi wone ndi wone abok aret kineenu ariyak perak op o,” yinuk, wogoppatit nugwi nogo tebenogo piigwi, ndi, nit niniki mba'nuk eeriyak koonit nugwi nogo tebenogo punuk, Keritut yo'nirage kenok mban eekwi, eerit nogo ogoorik o.

Pelaareegerak 15:9

Kit kiniki maluk koonggo logonet, Tahun we kolaanip, yuurak eyom tahun 7 nogo abu aret panggoni wagaarak me, yinuk, wogoroorak kineebi mba'nuk, Wo'niraanip, yemenggaarak nogo wogoraga'lek mbo piigo mbarumunggup, it nen kit eerumonggotak paga Aliku ALA yogwi iinok, Kit maluk eekotak, kiyookwak, liippogo logomunggup o.

Pelaareegerak 28:54

Kinawim nen kit kinawi kota-kota time abok aret pak wurik pungga wagak mban eeko logonet, yi mendek ndi mendek ambi kit noorak kinake teppinagaga'lek, it abok aret nunggwi paga aaninggin-paaninggin aago logonet, mbi abu nen aap ambi iniki abu yanggonak aakumi inabuwa mbaka nogo nen apuluk lombok warogo nengge logonet, at oreewi inom, at akwe iniki kunik lombok inom, apuri ineenik wonogwe nogo inom, Magaragibok nela nen nalik ninggirak, mbariyak kagak aret apuluk mbanak nogo ando ambi it magaraga'lek at alik mban nengge,

Pelaareegerak 28:56

ndi, nogo ti eyom paga, kwe ambi iniki abu yanggonak aakumi inabuwa mbaka eenggi warak me, tu iyok paga negeelik nogo mbi abu nen aagaluk awo ndake logonet, iyaande inom, aagaluk inom, kote kumaarogo nengge logonet, at ogonggelo iniki kunik inom, aagalogwe wologwe-komologwe ando inom, Magaragibok, nela nen nalik ninggirak, mba'nuk, iniki wakkoloorak kagak, alik nengge, eeko logogun o.

1 Peterut 2:15

It wone lengganogo yokkirogwe nogo ndak-ndak eerit namonggotak paga, aakumi iniki lek we ugun agan nogo menggaarak nogo, at Ala nen, “Inoone taganogo piigo logowak,” kinombareegerak me, kinogobamini nogo nen wone lengganogo yokkirogwe iinok, “E o,” yinuk, konenggo logonip o.

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.