Marakut 6:3 - Ala Wone Peenok Peebi Mbanak

³ “At kwe Mariya aagaluk o wuka yi aret nogo lek a? At awuri Yakobut inom, Yotet inom, Yurat inom, Timon inom, nogo lek a? Ndi, at awurilogwe komologwe ninom monggoorak nogo lek a?” yinuk, at Yetut ineebi mbareegwaarak.

Marakut 6:3 ပူးပေါင်းရင်းမြစ်များ

Yetaya 49:7

It aakumi nen, Ogole o, yinuk, abu meek ombakwi, It aap o maluk age kero pipporogo wonogwe, Eekwi inayeloman logonet inake eeke nagagerak nogo At Kikak Nakeelik Alik Leenak Wondet Eerogo Piiga Iterali inogoba Aliku ALA nen yegerak nogo yi aret. “An li'lak eeka Naliku ALA nen, Iterali inogoba Kikak Nakeelik Nalik Leenak Minggirak nen, Kat leenogo pagareegirak me, Aap inendagembogut nen kat wage inigen keenok mi'nogwe, It nagawan-nagawan nen kat eeke inigen keenok kayuk wukwi, Eeko logogun o,” Yinuk, yo'negerak o.

Matiyut 11:6

Ndi, kit an eeke minggirak paga kineebi nombakulik kiinok ti, kiniki ale'nggen aret logomunggup o,” yinuk, yoragagerak.

Matiyut 12:46

At Yetut nen it aakumi kuwak aago nogo, wone awo yorage wonage me, at agalo inom, awurilogwe inom, wogo nogogwaarik, at inom wone mbanuwok nduk, endekem wonogogwaarak.

Marakut 15:40

Ndi, at kwe Mariya awi Magaralena mendek inom, wulaga Yakobut awo tawe Yotet imbirak inagalo Mariya inom, kwe Talome inom, at Yetut Nggalileya wonage kagak, inaagaluk negen eeppunuk, wonogogwaarak nogo inom, it kumi weelek ambik at inom o Yerutalem unggwi wogogwaarak nogo inom, it abok aret tayorogon taati nen Yetut eyo paga nabenak wonage ina nakkogogwaarak.

Marakut 3:18

Andereyat inom, Piliput inom, Mbarotolomeyut inom, Matiyut inom, Tomat inom, Alepeyut aput Yakobut inom, Tareyut inom, “Ninalik aruwok,” yaga mendek ambi endage Timon inom,

Lukat 2:34

Pi wakwi iigak, at Timeyon nogo nen ale'nggen agalo-ogoba inoba piige logonet, at agalo Mariya nogo yoge, “Elege yi, it aakumi Iterali mendek apit aret tiyappiige-tebeppiige, eeke logowak nduk, at Ala nen mippereegerak o. Aakumi ineenu aruwak nduk, mippereegerak kagak, aakumi apit, Nineebi o, yinuk, yogwe nogo paga inikime mbakwi nogo tena'me age logogin o.

Lukat 7:23

Ndi, kit an eeke minggirak paga kineebi nombakulik kiinok ti, kinale'nggen aret logomunggup o,” yinuk, yoragagerak.

Lukat 8:20

aakumi nen, “Kagalo-kawurilogwe keyaawok nduk, wagaarak endekem wonogwe o.”

Yaya 14:22

Yorage mbareegi, at Yurat Ikariyot nogo lek aap Yurat alik ambi nen Yetut yoge logonet, “Nogoba o! It aakumi abok lek o. Nit mban keebe ni'niyoorak yagandak ti, nonggop mba'nuk yagan o?”

Yaya 6:42

“A puk! Aap yi, Yutup aput endage Yetut agalo-ogoba nineenu nogo nen aret ari yi, lek a? An mbogut paga nen wambi wagagirak o, yo'nirage yi, nonggop yo'nirage mbakop?”

Nappiigak 1:13

O kota Yerutalem unggwi wogo nogogwaarik, it wonogo menggam tilaabaga nogome lagi nogogwaarak. It lagi nogogwaarak nogo ineebe ti, Peterut Yaya imbirak, Yakobut Andereyat imbirak, Piliput Tomat imbirak, Mbarotolomeyut Matiyut imbirak, Alepeyut aput Yakobut togon, at “Ninalik aruwok o,” yaga Timon togon, Yakobut aput Yurat togon, nogo aret.

Nappiigak 12:17

Pi wako mbareegwa, at nogo eenggi paga nen, “Puk logonip o,” yorage nagagerik, ogoba Ala nen keele maarogo mambiigo menggam nen wonok wundi wagaarak nogo mbininogo yoragagerak. Yorage nagagerik, “At Yakobut inom, ninoreewi ando inom, wone ti, yora nanip o,” yorage nagagerik, lambembiinok, o alik me nagagerak.

1 Korindut 1:23

nit perak, Keritut eyo karo-karo paga wareegwaarak wone nogo mban paganogo yorogo monggoorak. Wone ti, it Yakuri nen konembunuk, “Wone yi yogwe paga yilunogo pinanege me, woorak nineebi o,” yinuk, yogwe, ndi, it endekem konenggulik mendek nen konembunuk, “Ti wi wone negen aret kogo,” yinuk, yogwe, eeko menggaarak kwe,

1 Korindut 9:4

“Lek o. An Ala eyabu eeke nogo onggo kinambi-kinagi ma'ninip o,” yokkiroorak meek mbakop?

Nggalatiya 1:19

it nappiigak ando ti, an nenegen abu iyoolik. Ninowe Yetut awuluk Yakobut nogo, alik mban nenegen kagagirak o.

1 Peterut 2:4

Yugum ambi eenik menggerak pogom, at Yetut ti, eenik menggerak me, yugum nogo obeelom aret kagak aakumi nen meek kenok, mbo nappereegwaarak kwe, Ala nen perak, “Obeelom aret kagak mbo pugwi o,” yinuk, leenogo pereegerak me, at ninowe abu'me mban kuwak eeri wogo logonip o.

Yurat 1:1

Kit ninogoba Ala nen yonggo pinagareegerak kinom kunik Yetut Keritut kinarum wonage nogo, an Yakobut ore Yetut Keritut ayeloman Yurat nogo nen aret keyage wappinagi o.