Marakut 5:34 - Ala Wone Peenok Peebi Mbanak

³⁴ Paganogo yoge mbareegi, at Yetut nen, “Nawuluk o! Kat kiniki noba panggombunuk abet nombakendak paga obeelom agan o. Andi eekkake nagaarak nogo muk lek agaarak me, kinikiigun kame nak o,” yoreegerak.

Marakut 5:34 ပူးပေါင်းရင်းမြစ်များ

2 Endagembogut 5:19

Yoge mbareegi, at Elita nen at yoge, “Kat kiniki ugun aret nak o.” Yoreegerak awo nage kagak,

Wone Alom Kibingga 9:7

Togop aret me, kit eekwi nogo Ala nen, “Op aret o,” yinuk, o yogondak aret kinombake me, kinale'nggen nen kinambi nunggwi, Kinale'nggen paga kinanggur amburu nunggwi, Eeko logonip o.

Ala Unde 14:48

Ndi, yugum nenenogo nappugu obaane'me mbenenogo pemenggaarak nogo aap an neebe unde nogo pekka nage logomenggerik, anggira o nogo paga ndoonogo pit naga'lek kage kenok perak, Anggira ndoonak lek aret me, o yi abu obeelom aret agaarak o, yinuk, yoruwak o.

Matiyut 9:2

aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Matiyut 9:22

Pigagangge mbareegi, at Yetut ena logurogon enegen pekkage nagagerik, “Napuluk wa! Kiniki kwi'ndak logot o. Kat kiniki noba panggombunuk abet nombakendak paga obeelom agan o,” yinuk, yoge mbareegi, kwe nogo ti eyom paga aret obeelom agagerak.

Marakut 10:52

Yoge mbareegi, at Yetut nen, “Kiniki an noba panggombunuk abet mbakendak nogo paga kenegen obeelom agaarak me, kame nak o.” Awo yoge kagak, enegen mbuk nogo pagak ari nagagerik, Yetut inom tu nggwok paga wogogwaarak.

Marakut 5:29

Ayum pigagangge nagagerik, amiya eeke nagagerak nogo nggaruk ari mbareegi, “Namiya eeke nagaarak nogo, yogondak perak, lek age kagi,” yinuk, mbake kagak,

Marakut 5:33

kwe nogo nen, “Obeelom ee'nakerak kagi,” mbake nagagerik, agabiti nen aganak nuk irit Yetut abu'me tebe yinuk, “An togop eekirak o,” yinuk, eereegerak nogo abok aret paganogo yoreegerak.

Lukat 17:19

Yinuk, Yetut nen aap nogo yoge logonet, “Kiniki noba panggombunuk, abet nombakendak paga obeelom agandak me, mi'na'nuk kame nak o,” yinuk, nappereegerak.

Lukat 18:42

Yoge mbareegi, Yetut nen, “Kat kiniki noba panggombunuk, abet nombakendak paga kenegen obeelom agaarak me, kenegen pagak yu o.”

Lukat 7:50

Yogwe iigak, at Yetut nen kwe nogo yoge, “Kiniki noba panggombunuk abet nombakendak paga kagap ndakkolagandak me, kinikiigun kame nak o,” yinuk, yoreegerak.

Lukat 8:48

Yoge mbareegi, at Yetut nen, “Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.

Nappiigak 14:9

at Pawulut wone yorage aruk konengge wonage me, Pawulut nen enegen looge nagagerik, “Aap yi obeelom ee'naburak mba'nuk iniki Ala oba panggombunuk abet mbake,” yelok kage nagagerik, at yoge logonet,

Nappiigak 15:33

Time wonogo mbareegwa, it inoreewi Ala apuri time nen iniki ale'nggen agago piinok, iniyok paga it nappiya wogogwaarak nogo inowagam nappiyareegwaarak.

Nappiigak 16:36

Nappiya wogogwaarak yori wogo mbareegwa, aap keele maarak mambiigo menggam arum waka nen Pawulut yoge logonet, “Ninoweewi o kota unde nogo nen Pawulut Tilat imbirak keele piinogo wumbiyet o, yinuk, yo'niri wagaarak me, wundi nogo logomonggotik, kinikiigun aret nanip o.”

Yakobut 2:16

kit ambi nen at eebe op logowak nduk wogoga'lek logonet, “Kambi ndonggorogon nengge, karogwiyum yikkolage, ee'nuk, kiniki ale'nggen paga nage logot o,” yinuk, yogwi kiinok, ti yogwi paga kit abet mbakwi nogo kin age mbakop?

1 Tamuwen 1:17

Yoge mbareegi, at Eli nen, “Ti kenok op aret o. Kat nen Iterali inogoba Ala nen wo'niruwak, mba'nuk, yogendak nogo, wokkirigin aret me, kiniki teeluk obeelom paga aret kame nak o.”

1 Tamuwen 20:42

Le ari mbareegi, at Yonatan nogo nen Ndawut yoge logonet, “Kat nimbirak niniki-kiniki kunik eeko logowok o, yinuk, at Aliku ALA endage kumbunuk, wone mbanggoorak nogo ti, at Aliku ALA enggaanom paga yogoorak me, at nen ninenggali wappinanege logukwak, kat inom, an inom, kat kapuri ndaganabemenggendak inom, an napuri ndaganabigin inom, mondok-mondok porogo logowok o,” yinuk, yogo nogogwaarik, Ndawut nogo ambime nage kagak, Yonatan nogo ame kota nogome wagagerak.