Marakut 5:23 - Ala Wone Peenok Peebi Mbanak

²³ abuwa warak nggo-nggo yoge logonet, “Yetut wae. An napuluk kolaga andi kambuurak eeke wonage me, kangge kero, eenik logowak nduk, keenggi pigogo obeelom eeri nanok o.” Yoge mbareegi,

Marakut 5:23 ပူးပေါင်းရင်းမြစ်များ

Lukat 13:13

eenggi awo pigagangge kagak, kwe nogo amborowak koonnage mbareegi, Ala wogoppereegerak.

Lukat 4:40

Ti'nuk, oonegen kilu yi nage kagak, aakumi nen inoreewi kugi andi alitik-alitak kunik wonogogwaarak kenok, wogoret Yetut owagam piya wogogwaarak. Piya wogo mbareegwa, it abok aret at eenggi piginake logonet, obeelom eeginabeegerak.

Marakut 16:18

waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.

Nappiigak 28:8

Nogo eyom paga at Pubiliyut ogoba nogo at ame logonet, inikime kani pege, aanubut eeke, eeke wonage me, at Pawulut nogo ka unggwage nagagerik, anobak eenggi pippunuk tamban eeke mbareegi, obeelom aret agagerak.

Lukat 4:38

At Yetut it Yakuri tamban eeko menggam nen wundi nage nagagerik, Timon ame aret unggwi nagagerak. Unggwi nage nagagerik, Timon owanggelo inikime kani nggwok pereegerak wonage me, Yetut nen obeelom eeruwak nduk, yoreegwaarak.

Marakut 8:23

Yogo mbareegwa, at Yetut nogo nen oore'nggam time nen eenggi piganok, wonok endekem wundi nage nagagerik, woori enegen me lenggembege, eebe eenggi pigagangge, eeppege nagagerik, “Yogondak yi mendek ndi mendek muk kenegen kagan a?”

Marakut 7:32

Unggwi wagagerak wonage me, it aakumi time mendek nen aap aruk logu oone lek me wonok, at Yetut owagam pi nogo nogogwaarik, Yetut nen eenggi oba pigaawak nduk, inabuwa warak nggo-nggo logonet, yoreegwaarak.

Lukat 7:12

O kota tu pak ambe mbanak me wok yi wogwe me, kwe togwe ambi aagaluk aap ambolom ndarak me kangge mbareegi, eewu'nuk wogwe iigak, it aakumi apit o kota time menggaarak inom, agalo inom, wogwe iyareegerak.

Marakut 6:13

Nugu logonet, yi kugi ndi kugi aakumi inikime lik yegetak nogo nggiginogo wumbiigwi, kugi andi kunik kenok, amburu inoba kilippiinok, obeelom eeginakwi, eeginabit nugu nogogwaarak.

Matiyut 8:3

Yoge mbareegi, at Yetut eenggi nderogon aap nogo pigagangge logonet, “Obeelom eekkaburak mbakirak me, obeelom agago pagagi o,” yinuk, awo yoge kagak, at awin aaga'ne kunik nogo lek aret a'nuk, obeelom agagerak.

Ndawi 107:19

“Nonggop eekkoloobok,” aganake mbareegi, Inoone nggwok paga Aliku ALA nggino yogwi iinok, Aaninggin inoba wonage nogome nen inagap ndarogo piyareegerak.

Ndawi 50:15

Eekwi me, maluk eeppinagarak eyom panggoni wage kenok, Ninagap ndaru o, yinuk, nggino yo'nugwi kiinok, An nen kinagap ndake neenok, Kit an nendage tiyappanggo logomunggup o,” Yinuk, yoraagin o. Ti yorage kagak kwe, aap maluk mendek nogo yorage logonet,

2 Endagembogut 5:11

Yoreegerak nogo yori nage mbareegi, at Naman nogo anini aago nage logonet, “At neya wundi wage logomenggerik, nawin andime eenggi tebembaninuk, Aliku ogoba Ala nggino yoge kenok, nawin lek arigin mbakirak kwe,

Nappiigak 9:17

Yoge kage nagagerik, o time nagagerak. Nage nagagerik, aap nogo ame unggwage nagagerik, eenggi Tawulut anobak tebembunuk, yoge logonet, “Nore Tawulut wae. Kat kenegen obeelom age, Aberiniki kinikime mondok lik yi unggwage, eeke kaanok nduk, kat tu paga yime wage me, at ninogoba Yetut nikkeegerak nogo nen, nappani waga o,” yoreegerak.

Nappiigak 6:6

leenogo piigo nogogwaarik, it nappiigak nogo inowagam piya wogo mbareegwa, inanobak tebembiinok tamban eeginabeegwaarak.

Yaya 11:3

awurilogwe komologwe nogo nen wone agago nappiigo logonet, “Ninogoba o. Aap kat kiniki kunik nogo andi eekerak wonage o,” yinuk, Yetut yori nawak nduk, nappiyareegwaarak.

Marakut 5:24

imbirak aret nagagerak. Imbirak nage me, it aakumi ambik at ambokan ninggi'nuk, nogogwaarak.

Nappiigak 8:17

inanobak ineenggi tebembiirogo iigak Aberiniki wogoragagerak.