Marakut 5:18 - Ala Wone Peenok Peebi Mbanak

¹⁸ Yogo mbareegwa, at Yetut yiiro paga unggwikit nduk eeke mbareegi, aap kugi inikime lik yereegerak nogo nen, “Nimbirak nawok o,” yinuk, oone nabek togon yoreegerak kwe,

Marakut 5:18 ပူးပေါင်းရင်းမြစ်များ

Ndawi 116:12

At Aliku ALA nen Obeelom mban eeppanit wundi wage menggerak me, An nen onggo nano wogoriyak mbakop? Lek o.

Matiyut 4:24

Eerit nege wone nogo, o Tiriya time abok aret wiganinuk nage nagagerak me, aap kugi warak apit aret andi alitak lombok kunik mendek inom, inoba andi-pandi aago inom, kugi inikime lik yegetak mendek inom, kugi ineenggi-iniyok puk-puk eeko logonet, kanggwi-ineenik ogwe, eeko menggaarak mendek inom, ineenggi-iniyok nggilik-nggelok aago inom, abok aret wogoret at owagam wogo mbareegwa, at Yetut nen obeelom eeginake nagagerak.

Marakut 5:15

Yetut owagam nogo nogogwaarik, aap kugi ambik inikime lik yereegerak nogo, aap iniki age nagagerik, yum yippunuk, time aret kwi'ndak wonage kogo nogogwaarik, inagabiti agagerak.

Marakut 5:16

Inagabiti age mbareegi, it inigen kogogwaarak nogo nen kugi aap inikime unggwagagerak wone inom, wam niyo ndonggoninabeegerak wone inom, mbininogo yorogogwaarak.

Marakut 5:17

Yorogo mbareegwa, it aakumi nogo Yetut it iname nen wundi nawak nduk, inoone nabek togon yoreegwaarak.

Marakut 5:7

oone nggwok paga kwa ari logonet, “Yetut wae. Kat Ala tiyanak lombok menggerak aput yi, an nonggop ee'nabikit nduk wagan o? An koorigin lek o, yinuk, Ala endage kumbunuk, yo'niru o,” yoreegerak.