Marakut 5:13 - Ala Wone Peenok Peebi Mbanak

¹³ Yetut nen, “E o. Time aret unggwi nanip o,” yorage mbareegi, kugi aap inikime nen wundit nogo nogogwaarik, wam inikime unggwogo mbareegwa, wam apit ineebe dua ribu aret, elan me nogome nen yuulu agan yi yenggenak me unggwit nogo mbareegwa, niyo nen ndonggoninabeegerak.

Marakut 5:13 ပူးပေါင်းရင်းမြစ်များ

Ayup 2:6

Yoge mbareegi, at Aliku ALA nen Tile nogo yoge logonet, “Ti yagandak kenok, eeppuurak mbakendak nogo eeppenok nduk, keenggime pagagi kwe, at eebe perak, wariyak mage o.”

Wayu 20:7

Ti kage nagarik, tahun seribu eeppunuk, yi aakumi ndi aakumi inanebunu lombok o Magok inom, o Nggok inom, irip-irip time abok aret kuwak eeppunuk, wim eeriyak inikime nggaganogo mambiinet nege logowak nduk, Tile keele maarak mbuun ambena wonage nogo piinogo nippi wage kagarak. Piinogo nippi wage mbaki, aakumi inikime nggaganogo manabit nage kenok, aakumi mbini-kale'ngga pogom togop aret kuwak eekwi iigirak.

Wayu 9:11

Ndi, at malayikat Kambunuk Nogo Menggam mbuun ambeme unde menggerak nogo ti, it wurin inowe endagembogut inarum menggerak at aret o. At endage ti, aakumi Iberani inoone paga, “Abaron,” yogwe, ndi, Yunani inoone paga, “Apoliyon,” yogwe, eeko menggaarak. (Ndi, nit ninoone paga ti, “Pup Eerogo Piiga o,” yinuk, yogo monggoorak.)

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.

Yaya 8:44

Kit yi, kinogoba Ibilit aret me, at eeriyak mbake menggerak nogo mban, Eeruwok, mbako monggotak. At o aa'nduk nen nok, yogondak kuli aakumi inooka aret menggerak o. Ala ndogop menggerak wone nogo at inikime wonage lek me, Ala ari menggerak nogo at mondok eeka'lek aret agaarik o. At pilit pugungge menggerak itok aret me, pilit pugungga iyagalo at aret logonet, at iniki nen wone ugun-ugun koombunuk, pilit-pilit pugunit nege menggerak.

Matiyut 8:32

Inoone nabek togon Yetut yogo mbareegwa, Yetut nen, “Nanip o,” yorage mbareegi, kugi nogo aap inikime nen wundi nogo nogogwaarik, wam inikime unggwi nogo mbareegwa, wam nogo abok aret elan me nogome nen yuulu agan yiime tabu-tabu unggwit nogo mbareegwa, niyo nogo nen ndonggoninabeegerak.

Ayup 1:12

Yoge mbareegi, Aliku ALA nen Tile yoge logonet, “Ti kenok, amindik-amendek abok aret keenggime pagagi o. Ndi, at eebe perak, keenggi mbaanggoorak mondok mage o.” Yoge mbareegi, Tile nogo at Aliku ALA owagam nen wundi nagagerak.

1 Endagembogut 22:22

Yoge mbaki, at Aliku ALA nen at kugi nogo yoge, Nano paga nduk-nduk irit namunggun o? Yoge mbaki, at kugi nogo nen, At eeriyak wone aap endagembogut yoga nogo nen pilit wone yogo logowak nduk, an wambi nage logominggirik, inikime lik yit nagin o. Yoge mbaki, Aliku ALA nen, Togop eeke keenok, nduk-nduk irit namunggun aret me, eeri nak, yoge kagarak o.

Matiyut 7:6

Nggeewo nen melak togon ineyak mbangginakwi iyo, Ala ake leenak abe mendek nogo wogoraagup o. Ndi, wam iniyok aan lebenogo pit nogwe iyo, wu kirin negen wam wonogwe me, inenggela'me mbo nappugup o,” yinuk, yoragagerak.

Marakut 5:12

it kugi nogo nen, “Ai! Wam inikime time unggwi nawok nduk nappinanu o,” inoone nabek togon Yetut yogo mbareegwa,

Marakut 5:14

Niyo ndonggoninake mbareegi, it wam ndegeninaka nogo, kole mba ganit wogo logonet, wam ndonggoninabeegerak wone nogo o kota nogome yorogwe, yaga'lelo lombok nogome yorogwe, eerit nugu mbareegwa, eereegwaarak nogo aakumi pekkaawok nduk nogogwaarak.