Marakut 4:20 - Ala Wone Peenok Peebi Mbanak

²⁰ Ndi, nggween mili paga wambit nagagerak nogo ti, it wone konembunuk waganggaatak me, anggen yi'nage logonet, ero ando anggen 30 yege, ando anggen 60 yege, ando anggen 100 yege, eeke menggerak nogo aret o,” yoragagerak.

Marakut 4:20 ပူးပေါင်းရင်းမြစ်များ

Kolote 1:10

Kinake tamban eekwi ti, ninowe inikilom kinombaruwak nduk, ndak-ndak eerit nogo logonet, eyoonggen abe yi'nage menggi kwak, obeelom eerit nogwe, ndi, Ala eeke menggerak kineenu ogo logonet, kiniki kole ogwe, eerubagip nduk, kinake tamban eeko monggoorak.

Lukat 8:15

Ndi, nggween mili paga wambit nagagerak nogo perak, it aakumi wone konembunuk, iniki abe lombok paga pippak waganggo nagaatik, nabenak mban eeko logonet, anggen yikkologo menggaarak nogo aret o,” yinuk, yoragagerak.

Marakut 4:8

Ndi, ando nggween mili paga wambit nagagerak. Nggween mili paga wambit nagagerak nogo mbilambunuk, kwit agan lagangge nagagerik, anggen yi'nage logonet, ero ando anggen 30 yege, ando anggen 60 yege, ando anggen 100 yege, eerit nagagerak o,” yinuk, yoragagerak.

Matiyut 13:23

Ndi, nggween mili paga wambit nagagerak nogo ti, it wone inaruk konenggo nagaatik, liippunuk, eekwi paga anggen yi'nage logonet, ero ambi 30 yege, ambi 60 yege, ambi 100 yege, eeko menggaarak nogo aret o,” yoragagerak.

2 Peterut 1:8

Ti eeko logorak nogo mendek abok aret nggwok togon eerit nogwe mban kiinok, aakumi nen, “Inowe Yetut Keritut ineenu kwe, anggen alik mendek yi'nage kiraap!” yinuk, yogo logogun lek o. Ata, “Inowe Yetut Keritut abet aret ineenu me, anggen obeelom mendek nggwok togon yi'nage agaarik o,” yinuk, yogo logogun o.

Wakkagagerak 26:12

Ndi, at Itak nogo it inom nogome aret wonage logonet, yi mendek ndi mendek yarit nage logonet, “Ero ambit nen anggen ambiret mbanggolaagin,” mba'nuk, yareegerak kwe, at Aliku ALA ale'nggen oba pege me, ero ambit paga anggen ambik 100 negen aret yege me,

Oroma 7:4

Noreewi o. Ti ndak-ndak, kit kunduk, anggen yi'nage menggi kwak, Ala ake eeko logobagip nduk, at kanggo menggam nen eenik agagerak nogo kinogonggelo negen a'nuk, at oone konenggo logobagip nduk, Keritut kinom kunik logonet, kambeegutak nogo paga Muta yoreegerak wone nogo lek aret agagerak o.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

1 Tetalonika 4:1

Ndi, noreewi o. Wone irip paga iluk ambi yokkiroorak mbakoorak me yokkiraawi o. Ala inikilom kinombaruwak nduk, “Nonggop eerit nogo logorak?” mamunggirogogurak nogo, muk eerit nogwe aret kwe, ambinom mondok nggwok togon eerit nogo logobagip nduk, ninowe Yetut nen yo'nirage kenok lengganogo yokkirogo o.

Matiyut 13:8

Ndi, ando nggween mili paga wambit nagagerak. Nggween mili paga wambit nagagerak eebe lagangge nagagerik, anggen nggwok yi'nage logonet, ero ando anggen 30 yege, ando anggen 60 yege, ando anggen 100 yege, eerit nagagerak.”

Yaya 15:2

Eyo eno'mbak ambi an nimbirak kunik logonet, anggen yegeelik kenok, nogoba nen mbanogo mbo nappege, ndi, eyo eno'mbak paga anggen yege kenok, ambinom yi'nage logowak nduk, mbeenogo teppege, eeke menggerak.