Marakut 4:18 - Ala Wone Peenok Peebi Mbanak

¹⁸ Iri'ngga alok-palok enggela'me wambit nagagerak nogo ti, it wone inaruk konenggwi kwe,

Marakut 4:18 ပူးပေါင်းရင်းမြစ်များ

Yeremiya 4:3

At Aliku ALA nen it aakumi Yekura mendek inom, kota Yerutalem mendek inom, yoroorak yegerak nogo yi aret. “Alok-palok wonage me awi yumbunit nugwi ti, mbo punuk, Inanggween pena wonage nogo eeri ungguwak o.

Matiyut 13:22

Ndi, iri'ngga alok-palok me wambit nagagerak nogo ti, it wone inaruk konenggwi kwe, nggween paga mendek mban iniki aberit nugwi, inamendek lek ariyak kagak, inikilom mbarit nugwi, eekwi nogo paga nen Ala wone waganeegwaarak nogo mbanogo wuppugwi me, anggen abe yegeelik nogo aret o.

Marakut 4:17

inikime omanggen yaka'lek me, ne ambit logonuk, wone waganggwi nogo paga inoba aaninggin-paaninggin eerogo piigwi, piyak-payak eeginakwi, eekwi iinok, Wone yi, nineebi o, yinuk, mbo pogo menggaarak nogo aret o.

Marakut 4:19

nggween paga mendek mban iniki aberit nugwi, inamendek lek ariyak kagak inikilom mbarit nugwi, yi mendek ndi mendek iniki uugwe mbarit nugwi, ti eerit nugwi paga nen, Ala wone waganeegwaarak nogo mbanogo wuppugwi me, anggen yega'lek nogo pogom aret menggaarak o.

Marakut 4:7

Ando iri'ngga alok-palok enggela'me wambit nagagerak. Iri'ngga alok-palok enggela'me wambit nagagerak nogo ti, mbilaneegerak kwe, alok nogo lagangge logonet, mbanogo wurabeegerak me, anggen yega'lek aret wonagagerak.

Lukat 8:14

Iri'ngga alok-palok me wambit nagagerak nogo ti, it aakumi wone inaruk konenggwi kwe, ambi eeriyak nduk, Ao, yinuk, iniki piirik wonogwe, ineenggi warak eekkoloorak mban iniki aberit nugwi, nggween paga ale'nggen logorak mban iniki koonit nugwi, eerit nugu logonet, wone yugu nogo mbanogo wuppogo menggaarak nogo aret o. Anggen abe mendek abu yugulik aret menggaarak.