Marakut 4:14 - Ala Wone Peenok Peebi Mbanak

¹⁴ Aap awi yumbungge menggerak nen awi yumbunit nagagerak nogo kwak ti, wone obeelom wone yoranet nugwi ti aret o.

Marakut 4:14 ပူးပေါင်းရင်းမြစ်များ

Yetaya 32:20

Kit perak, niyo eneeri wundit wage menggim abok aret yi mendek ndi mendek awi yumbunit nogwe, Kinaanggumi tapi inom, keledai inom, inagari'ngga mbanogo nenet nugu logowak nduk, wondet eerogo teppiigwi, Eeko logonet, Kinale'nggen mban mbako logomunggup o.

Matiyut 13:19

Awi tu paga wambit nagagerak nogo ti, it aakumi Ala abu'me piyoorak wone inaruk konembunuk, liippega'lek iinok, at abu maluk lombok nogo nen wage nagaatik, wone it inikime yarak nogo ndininuk nage menggerak aret.

Matiyut 13:3

at Yetut nen yi wone ndi wone apit aret eegu laarogo yoragagerak. Yorage logonet, “Aap awi yumbungge menggerak nen awi yumbunikit nduk nage nagagerik,

Matiyut 13:37

Yogo mbareegwa, Yetut nen, “Aap awi obeelom mendek yareegerak nogo ti, aap aret nda'nagagirak an aret o.

Marakut 2:2

aakumi ambik kuwak ari wogo nogogwaarik, o nogome yagabit aago tu ngga'nggi paga lunik wonogwe iigak, wone yorage nagagerak.

Marakut 4:13

Yorage nagagerik, Yetut nen it yorage logonet, “Wone eegu laarogo yokkiragarak ti, alom liippogotak ilik, lek a? Liippega'lek kiinok, peebi wone eegu laarogo yokkirage neenok, nonggop togon liippumunggup mbakop?

Marakut 4:15

Awi tu paga wambit nagagerak nogo ti, it aakumi obeelom wone waganggwi kwe, at Ibilit wage nagaatik, wone inikime waganggaatak ndininuk nage menggerak nogo aret o.

Marakut 4:3

“Kinaruk logonip o. Aap awi yumbungge menggerak nen awi yumbunikit nduk nagagerak.

Lukat 1:2

Eereegwaarak me, it obeelom wone yoranet nugu nogogwaarak nogo iyaalok nen eerit wage inigen kogo nogogwaarik, mbininogo nit yo'nirogogwaarak nogo ndak-ndak,

Lukat 8:11

Yorage nagagerik, “Wone eegu laarogo yokkiragarak nogo eebe yokkira. Awi yumbunit nagagerak nogo ti, Ala wone aret o.

Nappiigak 8:4

It Ala apuri kole ma'narit nogogwaarak nogo nen, yi awi ndi awi wone obeelom wone yoranet nugu nogogwaarak.