Marakut 3:7 - Ala Wone Peenok Peebi Mbanak

^7-12 It aakumi ambik obeelom eegi nabit nage me, it kugi andi kunik nogo nen Yetut ineenggi pigaawok nduk, panggo agan owagam wogwe iinok, obeelom eeginake, ndi, kugi inikime unggwagagerak wonogwe nogo nen Yetut inigen kogo nogogwaarik, “Ala aput kat aret o,” yinuk, kwa yogo logonet, tebe-tebe nogo nagaatik, wundi nogo mbareegwa, at Yetut nen it kugi nogo yorage logonet, “Kinigen yelok neegotak me, aakumi yoraagup o,” yinuk, oone omaawi paga inaruk wake, eerit nagagerak. Eerit nage yogwe nogo inaruk konembogo nogogwaarik, aakumi ambik o Nggalileya nen, Yureya nen, o Yerutalem nen, Irumeya nen, niyo Yoraran ene paga nen, o Tirut Tiron yi awi ndi awi time nen, abok aret at ambokan mugurok nogwe iinok, at Yetut oone waganggwi nogo inom yi yenggenak aa'nggi paga nogogwaarak kwe, kagak, muguren nogo mbareegwa, at Yetut nen, “It aakumi ambik yagabit ee'nakwi me, yiiro pipuk eerogo panggoppi woraanip o,” yinuk, at oone waganggwi nogo yoragagerak.

Marakut 3:7 ပူးပေါင်းရင်းမြစ်များ

Matiyut 10:23

O kota ambime nen piyak-payak eekkinakwi iinok, kole mbaganit o kota alik ambime namunggup o. Kole mbaganit aap Iterali iname kota-kota ando awo unggwit naga'lek kiigak, an aap aret nda'nagagirak nogo, woraagin aret o, yinuk, abet aret yokkiragi o.

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 12:16

“Aap yi nen eekerak, aakumi yoraagup o,” yinuk, inaruk wareegerak.

Matiyut 4:25

Eeginake mbareegi, aakumi ambik o Nggalileya nen, Ndekapolit nen, Yerutalem nen, Yureya nen, yi Yoraran enebagan nen, ambik aret at inom nogogwaarak.

Marakut 1:39

yorage nagagerik, o Nggalileya abok aret it Yakuri tamban eeko menggam wone yorage, kugi inikime unggwagagerak kenok, nggiginogo wumbiige, eerit nege nagagerak.

Marakut 1:45

Aruk warogo nappereegerak kwe, oome nogome nen wungge nagagerik, at eeppereegerak wone nogo abok aret yi awi ndi awi paganogo yoranet nege nagagerak. Yoranet nege nagagerak ti paga at Yetut nogo aakumi inenggaanom tena'me nege logorak meek age mbareegi, aakumi ineebe lek me time aret wonage me, aakumi yi awi ndi awi nen at owagam kuwak ari wagak mban eeko nogogwaarak.

Marakut 3:20

Ti'nuk, at Yetut nogo oome unggwi nanuk, time wonage me, aakumi ambik at owagam kuwak ari wogo mbareegwa, at oone waganggwi nogo inom mbi noorak meek agagerak,

Marakut 4:1

Ti'nuk, ne ambi paga at Yetut niyo Nggalileya yenggenak aa'-nggi paga wone mamuniragagerak. Wone mamunirage wonage me, yi aakumi ndi aakumi ambik aago at owagam kuwak ari wogogwaarak me, it aakumi nogo niyo yenggenak aa'nggi paga taati iigak, at Yetut yiiro paga kwi'nari unggwage nagagerik logonet,

Lukat 23:5

Yoragagerak kwe, it inoone panggok togon nabenak mban yogo logonet, “Lek o. Aap yi, wone mamuninabit nege logonet, aakumi o Yureya mendek abok aret o Nggalileya nen nok, o yi kuli aret inabut wurit nege menggerak o,” yinuk, yoreegwaarak.

Lukat 6:12

Ti eyom paga Yetut tamban eerikit nduk, puurom lagi nagagerak. Lagi nage nagagerik, oonikiya Ala yoge tit kagak, o weereegerak.

Lukat 6:17

At Yetut leenogo piyareegerak inom puurom paga nen wambi wogo nogogwaarik, kobappaga time puk ogogwaarak. Puk ogo mbareegwa, at oone waganggwi ando apit inom, aakumi ambik o Yureya nen, o kota Yerutalem nen, o Tirut Tiron yi yenggenak laut aa'nggi paga nogome nen, at Yetut oone konenggwi, kugi andi kunik obeelom eeginake, eeruwak nduk, at owagam kuwak ari wogogwaarak nogo inom, Yetut inom kobappaga taati aret wonogogwaarak. It aakumi kugi ogole warak mendek inikime unggwagak mban eeko nogogwaarak nogo obeelom eeginabeegerak.

Yaya 7:41

ndi, ando nen yogo logonet, “Lek o! Ala nen leenogo mippereegerak Keritut nogo yi aret kogo o,” yogwe, eekwi iigak, it ando nen perak, “At Ala nen leenogo mippereegerak Keritut nogo, o Nggalileya nen woraagin mbakop?

Yaya 7:52

Yorage mbareegi, it nen, “A puk! Kat kunduk, aap Nggalileya mendek me nduk ari agandik? Ala wone liiru mbanak liippit unggwage logot ubi! Liippit unggwage logomenggendik, it Ala nen yorage kagak yoraga mendek ambi o Nggalileya nen woraagin mbanak lek aret kaamunggun o,” yinuk, yogo nogogwaarik,

Nappiigak 17:10

O kiip age mbareegi, it ninoreewi Ala apuri time nen Pawulut Tilat imbirak, “O Mbereya nanip o,” yorogo mbareegwa, oonikiya nogo nogogwaarik, it Yakuri tamban eeko menggam unggwi nogogwaarak.

Nappiigak 17:14

it ninoreewi Ala apuri o Mbereya wonogwe nogo nen Tilat Timotiyut imbirak time iigak, Pawulut yi kole yenggenak laut ambet paga a woraawak nduk nappi wogogwaarak.

Yotuwa 20:7

Yoreegerak nogo at Yotuwa nen Iterali yorage mbareegi, it Iterali nogo nen puut nggelok-nggobok Natali inanggween mbanak Nggalileya paga o endage Kereti aret leenogo pugwi, puut nggelok-nggobok Eparayim inanggween paga o endage Tikem leenogo pugwi, puut nggelok-nggobok Yekura inanggween paga o endage Kiriyat-Araba ti, Keboron aret me, leenogo pugwi, eerogo pereegwaarak.

Yotuwa 21:32

Anebunu Natali mendek inanggween mbanak paga kota-kota wogorogogwaarak ti, aap wappunuk, wakwi iyo, agap ndakko'nok unggwage logowam o Nggalileya kota Kereti inom, kota Kamot-Ndot inom, kota Karatan inom, kota kenagan ti, wogorogo logonet, enaagan-ambokan inaanggumi inagari'ngga nenet nogo logorak nggween inom wogorogwe, eereegwaarak.