Marakut 3:14 - Ala Wone Peenok Peebi Mbanak

¹⁴ Kuwak ari wogo mbareegwa, it aap ineebe 12 leenogo piige nagagerik, inendage Nappiigak toonogo piinok, wone yorage logonet, “Ninom nugu logowok nduk leenogo pinagagirak me, kit nen obeelom wone yoranet nugwi,

Marakut 3:14 ပူးပေါင်းရင်းမြစ်များ

Nappiigak 1:8

Kit nogo Aberiniki kinoba wambi wage logonet, at omaawi eeppinagage kenok, o Yerutalem inom, o Yureya abok inom, o Tamariya inom, yi awi ndi awi irip-irip time abok aret inom, an eerit nege kinigen neego nogogutak wone nogo yoranet nugu logomunggup o,” yinuk, yoragagerak.

Yaya 15:16

Kit nen an mii'nabulik o. Ata, an nen aret kit miikkinake nagagirik, kit anggen ambik mondok logorak mendek yi'nogo logobagip nduk, leenogo pinagareegirak o. Ti eerit nugu logonet, Ti mendek wo'niraawak o, yinuk, an nendage kumbunuk nogoba nggino yogwi kiinok, at nen wokkiraagin aret o.

Nggalatiya 1:1

It aakumi nen mippanugwi, aap ambi iniki koombunuk, mippanege, eerulik o. Ata, at Yetut kambunuk nogo menggam nen eenik agago mippereegerak ninogoba Ala ninowe Yetut Keritut imbirak nen, nappiigak mendek agago mippaneegwaarak an Pawulut nogo nen, kit Ala apuri o Nggalatiya kuwak eerit nogo monggotak nogo, wone ambi yokkira o. Noreewi apit ninom wonogwe nogo nen keyage wakkinako o.

Lukat 24:47

Kit maluk eeko monggotak nogo kiniki koombunuk, kinomaluk mbo pugwi kiinok, Ala nen kinomaluk lek eerogo pinagagin o, yinuk, wone nogo at endage kumbunuk, iyaalok o Yerutalem nen yi awi ndi awi abok aret yoranet wundi nogo logogun o, yinuk, Ala wone liiru mbaneegwaarak nogo yi aret eeppanggaarak o.

Marakut 3:13

At Yetut nogo puurom lagangge nagagerik, nogome logonet, at inom nege logorak iniki koonogo pereegerak nogo woraawak nduk wiirage mbareegi, owagam kuwak ari wogogwaarak.

Marakut 3:15

nawone kilikkiraminggirak paga kugi inikime lik yemenggerak kenok nggiginogo wumbiigwi, eeko logobagip nduk nappinagagin o,” yinuk, leenogo mippiyareegerak.

Marakut 6:30

At Yetut nappiyareegerak nogo iniyok paga at Yetut owagam wogo nogogwaarik, it eerit nogo nogogwaarak wone inom, mamuniranet nogo nogogwaarak wone inom, mbininogo yoreegwaarak.