Marakut 2:8 - Ala Wone Peenok Peebi Mbanak

⁸ It iniki togop mbakwi at Yetut nen yelok iige nagagerik, it yorage logonet, “Kit nonggop nduk kiniki togop mbako ogotik?

Marakut 2:8 ပူးပေါင်းရင်းမြစ်များ

1 Mbinineegwaarak 29:17

Nogoba Ala o. Aakumi inabut mbangge, it iniki abe paga kiri wogwe iinok, kinikilom inombake, eeke menggendak neenu me, yi mendek ndi mendek kuwak eerogo pi wagarak yi, niniki abe paga ale'nggen logonet, kake pege, ndi, it aakumi kat kapuri yi kunduk, iniki ale'nggen paga inamendek kuwak eerogo pi wogwe iige nagarik, an togon niniki ale'nggen mbake, eeke agarik o.

Ndawi 139:2

An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Kini Wuppiige 15:26

It aap maluk mendek nen eeriyak koonogo pugwi ti, Aliku ALA eebi lombok mbake menggerak kwe, Aap iniki kikak naka'lek nen eeriyak koonogo pugwi perak, Ala inikilom mbake menggerak.

Kini Wuppiige 24:9

Aap iniki lek wi eerit nugu mengga kwak eeriyak koonggwi paga maluk aret eekwi, Aap miyuk-meya eerogo piiga ti, aakumi nen ineebi lombok mbakwi, Eeko menggaarak.

Yetaya 55:7

It aap maluk mendek nen eerit nugwi nogo mbo pugwi, It aap iniki maluk nen eeriyak koonogo pit nugwi nogo teppugwi, Eeko logomenggaarik, Yungguninuk iniyokan Aliku ALA owagam woraawak o. Owagam wogwe iinok, Aliku ALA it inabuwa nen teppiige, Yungguk togon ninogoba Ala ka wogwe iinok, Ala nen inomaluk ambi teppigin lek abok aret mondok lek eerogo piige, Eerigin o.

Yetikiyen 38:10

At Aliku Itok Menggerak ALA nen yegerak nogo yi aret. “Eekwi ne ti eyom paga eeriyak inikime koongge logonet, maluk lombok eeriyak koonigin o.

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 16:7

Yorage mbareegi, it nogo ambi yagak ambi yagak yogo logonet, “Roti wonok woroolik kenok yo'nirage kogo o,” yinuk, yogwe

Matiyut 9:4

It iniki mbakwi nogo at Yetut yelok iige nagagerik, yorage logonet, “Kit nonggop nduk kinikime maluk aret koonggo ogotik?

Marakut 2:7

“ Aap yi, nonggop nduk togop yigi mbakop? Nit maluk eekwi lek eerogo pinanege menggerak nogo, at Ala nen mban eeke nogo lek a? Togop aret kwe, Ala miyuk-meya agago pege yi, wologwe!”

Marakut 2:9

Aap eenggi-iyok nggunanak yi, Kat komaluk lek eerogo pagagi o, yoriyak ti, iya a? Kagare'ngga ndoonak nogo yege menggendak ko'nok nak o, yoriyak ti, iya a? Kit yinip nda!

Marakut 7:21

Kinikime nen maluk eeriyak koonggwi, komologwe tawe ugun eeginabit nugwi, yogoot waganggwi, aap wakwi,

Lukat 24:38

Inagabiti ambik aganake mbareegi, Yetut nen it yorage logonet, “Kit nonggop nduk kiniki piirik logonet, kiniki yungguppegak eeko ogotik?

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Lukat 6:8

Inigen pippak agago pugwi iigak, it mbakwi nogo at Yetut yelok iige nagagerik, aap eenggi kambak negen nogo yoge logonet, “Mi'nage logomenggendik, oolo yayi mok o,” yoge mbareegi, aap nogo mi'na'nuk, oolo aret mi'nari nagagerak.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

Yaya 6:64

kit ando perak, kiniki noba panggombunuk, abet nombaka'lek kiigi o,” yinuk, yoragagerak. (Yoragagerak nogo ti, it aap iniki at oba panggombunuk, abet mbaka'lek inom, ndi, at onggo mbanigin nogo inom, aa'nduk nen Yetut eenu me, togop aret yoragagerak.)

Nappiigak 5:3

Eeke mbareegi, at Peterut nen, “Ananiyat wae. Nggween onggo wokkegaarak ando mogonogo teppakendak nogo ti, kat nonggop nduk Ibilit kinikime lik yi unggwage mbaki, Aberiniki ambokan laganggendak?

Nappiigak 8:22

Kat maluk eeriyak koonggendak ti, mbo punuk, kiniki mbakendak kogoba Ala nen lek eerogo pagawak nduk yoru o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.