Marakut 2:7 - Ala Wone Peenok Peebi Mbanak

⁷ “ Aap yi, nonggop nduk togop yigi mbakop? Nit maluk eekwi lek eerogo pinanege menggerak nogo, at Ala nen mban eeke nogo lek a? Togop aret kwe, Ala miyuk-meya agago pege yi, wologwe!”

Marakut 2:7 ပူးပေါင်းရင်းမြစ်များ

Ayup 14:4

Aap kiik aago ambi nen kikak naka'lek eekkoloorak op mbaken? Lek aret o!

Ndawi 130:4

Kat nen ninomaluk lek eerogo mbo pege menggendak me, Kat paga ninagabiti kombako monggoorak o.

Yetaya 43:25

An o. An Ala aret me, an lombok nen inomaluk lek eerogo piige, Inomaluk eekaarak nogo an abeke lek nami age, Eeke minggirak o.

Ndaniyen 9:9

Kat koone ari nogo, Eeriyak nineebi o, yinuk, mbo pogoorak kagak kwe, kat ninogoba Ala ninabuwa mbake logonet, ninomaluk lek eerogo pinanege menggendak o.

Mika 7:18

Keyate kwak kapuri kiniki kundugu ando yumbunik nogo, maluk eekwi iinok, inomaluk lek eerogo pege, Kat koone yugu taganogo pugwi iinok, mbo punuk, mari eerogo pege, Eeke menggendak kat Ala kwak ambi ta wonage? Lek aret o. Kanini mondok-mondok ninombaka'lek ninabuwa lombok ninombake logorak kinikilom mbake menggendak me,

Matiyut 26:65

Yorage mbareegi, at Ala unde inowe nggwok nogo nen ayum mondok nggoguk togon eerogo nappege logonet, “Wologwe! Ala miyuk-meya eerogo pege yi kagak, wone ambi ngge inom yo'niraawak nduk, tokkogo ogotik? At yegerak abu konenggotak me,

Matiyut 9:3

Yoreegerak nogo paga it Ala wone liiru mbanak unde nogo nen yogo logonet, “Ie! Aap yi, Ala miyuk-meya agago pege agaarik ubi,” yinuk, yereegwaarak.

Marakut 14:64

At Ala miyuk-meya eerogo pege yi, muk kinaruk konenggotak me, nonggop eeriyak mbakop?” Yorage mbareegi, it abok nen, “Mondok wariyak aret o,” yereegwaarak.

Marakut 2:6

Yoge mbareegi, it Ala wone liiru mbanak unde ando time kwi'ndak wonogwe nogo inikime nen,

Marakut 2:8

It iniki togop mbakwi at Yetut nen yelok iige nagagerik, it yorage logonet, “Kit nonggop nduk kiniki togop mbako ogotik?

Lukat 5:21

Yoge mbareegi, it aap Ala wone liiru mbanak unde nogo inom, it aap Pariti inom, nen iniki mbako logonet, “Aap Ala miyuk-meya eerogo pege yi ta mbakop? Nit maluk eekwi at Ala nen mban lek eerogo pinanege menggerak nogo lek a?” yinuk, mbareegwaarak.

Lukat 7:49

Yoreegerak nogo, it mbi noorak nduk inom kwi'ndak wonogogwaarak nogo it-it yogo logonet, “It aakumi inomaluk lek eerogo piige nogo yi ta mbakop?”

Yaya 10:33

Yorage mbareegi, it Yakuri mendek nen, “Kat obeelom eekendak paga koorugun lek o. Ata, Ala miyuk-meya eerogo pege, ndi, kat aap aret kwe, Ala aret eekko'net nage, eeke ti paga aret koorugun o.”

Yaya 10:36

nogoba nen leenogo panege nagagerik, nggween paga yime nappani wagagerak an nogo nen, An Ala aput aret o, yokkirage paga nonggop nduk, Kat Ala miyuk-meya eerogo pege agandik o, yinuk, yo'nogo ogotik?