Marakut 2:5 - Ala Wone Peenok Peebi Mbanak

⁵ Wuppogo mbareegwa, at Yetut nen it inikime at oba abet mba'nuk wonok wogwe yelok iige nagagerik, aap eenggi-iyok nggunanak nogo yoge logonet, “Naput wae. Komaluk nogo lek eerogo pagagi o,” yoreegerak.

Marakut 2:5 ပူးပေါင်းရင်းမြစ်များ

Wakkagagerak 22:12

Yoge mbareegi, at Ala yonggo malayikat nogo nen, “Wulaga ti warugun o. Kaput ambolom ambit aret kwe, ili yuulik an nake mondok nggaruk togon aret wo'negendak ti paga kat abet aret Ala kagabiti mbake keegirak me, kaput ti, oba andi-pandi eeppugun o,” yinuk, yoreegerak.

Ndawi 103:3

At nen komaluk lek eerogo pagage, Yi kugi ndi kugi andi eekkake nogo, at nen lek eerogo pagage,

Yetaya 38:17

An niniki koonnaruwak nduk, aaninggin noba agaarak paga niniki wakkolage nagarak ti abet aret o. An neebe lek eerogo paniyak eekwi me nabuwa nen nili eerogo panege, Ndi, nomaluk abok aret kat kambokan mbo nappege, Eekendak o.

Yetaya 53:11

Andi yagan wappunuk, “Aakumi obeelom eerogo piyaakit nduk, eekirak kagi,” yinuk, iniki ndonggo yigin o. “At eeppereegwaarak paga at iniki abe koonak nayeloman nogo nen, Aap abe o, yinuk, aakumi apit aret obeelom eerogo piige, Inomaluk inoba luurik wonage nogo piyangge, Eerigin o.

Matiyut 9:2

aap ambi eenggi-iyok nggunanak me, at nogo yege menggerak nogo paga aret eewu'nuk, Yetut owagam pi wogo mbareegwa, at Yetut nen it iniki at abet ombakwi yelok iige nagagerik, aap eenggi-iyok nggunanak nogo yoge logonet, “Naput wa! Komaluk nogo lek eerogo pagagirak me, kiniki kwi'ndak logot o.”

Matiyut 9:22

Pigagangge mbareegi, at Yetut ena logurogon enegen pekkage nagagerik, “Napuluk wa! Kiniki kwi'ndak logot o. Kat kiniki noba panggombunuk abet nombakendak paga obeelom agan o,” yinuk, yoge mbareegi, kwe nogo ti eyom paga aret obeelom agagerak.

Matiyut 9:5

Komaluk lek eerogo pagagi, yoriyak ti, iya ilik, Mi'na'nuk, nege logot, yoriyak ti, iya a? Kit yinip nda!

Marakut 2:6

Yoge mbareegi, it Ala wone liiru mbanak unde ando time kwi'ndak wonogwe nogo inikime nen,

Marakut 5:34

Paganogo yoge mbareegi, at Yetut nen, “Nawuluk o! Kat kiniki noba panggombunuk abet nombakendak paga obeelom agan o. Andi eekkake nagaarak nogo muk lek agaarak me, kinikiigun kame nak o,” yoreegerak.

Lukat 5:20

Wuppogo mbareegwa, Yetut nen it iniki at oba panggombunuk, abet mbakwi yelok iige nagagerik, aap andi nogo yoge logonet, “Wulaga! Kat komaluk lek eerogo pagagi o.”

Lukat 8:48

Yoge mbareegi, at Yetut nen, “Napuluk o. Kiniki an noba panggombunuk, abet nombakendak paga obeelom agandak me, kinikiigun kame nak o,” yoreegerak.

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Yaya 5:14

Ti'nuk, peebi aap nogo Ala awi wurik me wonage Yetut enegen kage nagagerik, at yoge logonet, “Wulaga! Kat keebe obeelom aret agandak me, andi abunuk nggwok eekkake kero, maluk ambinom eerugun o,” yinuk, yoreegerak.

Nappiigak 11:23

At Mbaranabat nogo iniki kwi'ndak me, iniki abet mbake logonet, yungguppegak eeke logolik Aberiniki inikime mondok liinik wonage me, nappereegwaarak. Nappereegwaarak nage nagagerik, at Ala iniki kunik en eeppiige nogo enegen kage nagagerik, iniki ale'nggen ambik a'nuk, “Kit kiniki mondok nu'lek logonet, ninogoba Yetut oba panggombunuk logonip o,” yinuk, inaruk wake nagagerak. Inaruk wake inom wonage me, ambi nabek unggwagak mban eeko logonet, Ala apuri ambik aret ogogwaarak.

Nappiigak 14:9

at Pawulut wone yorage aruk konengge wonage me, Pawulut nen enegen looge nagagerik, “Aap yi obeelom ee'naburak mba'nuk iniki Ala oba panggombunuk abet mbake,” yelok kage nagagerik, at yoge logonet,

Nappiigak 5:31

Mippege nagaarik, kit kinowe endagembogut kinagap ndaka at eenggi abe'nggan logonet, kit aakumi Iterali mendek maluk eeko monggotak kiniki koombunuk mbo pugwi kiinok, kinomaluk lek eerogo pinagawak nduk tiyappegerak aret o.

1 Korindut 11:30

Kit ti eekwi paga kinenggela'me time kineebe ambik andi eekkinake, ndeyak eerogo pinagage, ndi, ando kambit nogwe, eeko ogotik o.

2 Korindut 2:10

It aakumi maluk eeppinagagwi nogo kit nen inomaluk mari eerogo mbo pugwi kiinok, an kunduk, inomaluk mari agago mbo pege logogin o. Ibilit nen eeriyak koongge menggerak nineenu me, nit nen aap ambi omaluk aberak wonogwe niinok, Ibilit nen, “Nanonggwan aga o,” yinuk, niniki nggagani wage menggerak me, maluk eeppaneegerak mari eerogo puurak, “Ambi wonage ilik, lek a,” ti, liirogon an neenggo'lek kwe, “Wonage negen aret,” mba'nuk, kinake aret Keritut enggaanom paga paganogo punuk mari eerogo mbo pereegirak.

Epetut 2:8

Kit abet mba'nuk, kiniki at oba panggombugwi kiinok, kinabuwa nen iniki kunik eekkinake logonet, kinagap ndareegerak o. Kit ambi eekkologogutak paga eeppinagulik o. Ata, Ala nen onggo lek we aret eeppinagareegerak o.

Kolote 3:13

yeenggwa-yeenggwa eekwi, eeko logonet, at ambi nen at ambi omaluk mari eerogo pegak eeko logonip o. Kit kinore ambi nen maluk eeppinagage kenok, ninowe nen kit kinomaluk mondok lek eerogo pereegerak nogo ndak-ndak, kit togop aret at maluk eeppinagage nogo, mari eerogo mbo pogo logonip o.

Yakobut 5:15

Ndi, iniki Ala oba panggombunuk, tamban eekwi iinok, ninogoba nen aap andi nogo omaawi aret nege logowak nduk, obeelom eeppigin o. Ndi, at maluk eereegerak kenok, omaluk ti inom aret lek eerogo pigin o.