Marakut 2:18 - Ala Wone Peenok Peebi Mbanak

¹⁸ Ne ambi paga it Yaya oone waganggwi inom, it Pariti mendek nogo inom, mbi nengga'lek inambe mage negen logonet, tamban eekwi iigak, it aakumi Yetut owagam wogo nogogwaarik, at yogo logonet, “It Yaya oone waganggwi inom, it Pariti mendek inoone waganggwi inom, mbi nengga'lek inambe mage negen logonet, tamban eekwi iigak kwe, kat koone waganggwi ti perak, nonggop nduk togop eeka'lek agaarik o?”

Marakut 2:18 ပူးပေါင်းရင်းမြစ်များ

Matiyut 23:5

It yi mendek ndi mendek eekwi abok aret nogo ti, Aakumi inigen niyaawak o, yinuk, eerit nugu logonet, kiwone mbanak yonggolak inenggaawak paga nabenogo keele maakwi, inayum o'lu paga nggagik-nggogok eerak pugunogo wuppunuk tamban eekwi, eeko menggaarak.

Matiyut 6:16

Yetut nen wone ambinom yorage logonet, “Kit mbi nengga'lek kinambe mage negen logonet, tamban eekwi kiinok ti, it aap iniki laakot logonet, eekwi nogo nen, Nit mbi nengga'lek ninambe mage negen logonet, tamban eekwi niyaawak o, yinuk, inete ogum warak eekkologo mengga kwak, kit togop logonet, tamban eeko logogup o. It aap togop eekwi paga aakumi wiirogwe nogo, it onggo ti aret kologo menggaarak o, yinuk, abet aret yokkiragi o.

Marakut 2:19

Yogo mbareegwa, at Yetut nen, “Aap kwe kolage me, owe-awot inom laago lako logonet, inambe mage negen puk logorak op mbakop? Lek o. Ogonggelo inom logonet, laago larak noorak op o.

Lukat 18:12

An tamban ambi eerak paga ne mbere mbi nengga'lek nambe mage negen aret minggirak nogo o. Ndi, namendek wonage kenok, ando mogonogo kat Ala kake pege minggirak nogo o, yinuk, yoreegerak kwe,

Oroma 10:3

Ala nen aakumi obeelom agago piige menggerak wone liippega'lek logonet, “Nit ninalik nen obeelom eekkolaawok,” mba'nuk, Ala obeelom agago piyoorak wone nogo, “Waawi o,” yinuk, wagangga'lek aret wonogogwaarak.