Marakut 2:1 - Ala Wone Peenok Peebi Mbanak

¹ Nogome wonagagerik, ti'nuk, o Kaperenawum wagagerak me, “Ame wagaarak wonage o,” yogwe iinok,

Marakut 2:1 ပူးပေါင်းရင်းမြစ်များ

Matiyut 4:13

Nage nagagerik, o kota Nataret nogome teppunuk, o Kaperenawum yi yenggenak aa'nggi paga it aap Tebulon mendek inom, Natali mendek inom, iname nogome aret puk a nagagerak.

Matiyut 9:1

Yogo mbareegwa, Yetut yiiro paga unggunuk, yi yenggenak enebaga nage nagagerik, at awi alom paga lombok unggwage mbareegi,

Marakut 1:45

Aruk warogo nappereegerak kwe, oome nogome nen wungge nagagerik, at eeppereegerak wone nogo abok aret yi awi ndi awi paganogo yoranet nege nagagerak. Yoranet nege nagagerak ti paga at Yetut nogo aakumi inenggaanom tena'me nege logorak meek age mbareegi, aakumi ineebe lek me time aret wonage me, aakumi yi awi ndi awi nen at owagam kuwak ari wagak mban eeko nogogwaarak.

Marakut 2:2

aakumi ambik kuwak ari wogo nogogwaarik, o nogome yagabit aago tu ngga'nggi paga lunik wonogwe iigak, wone yorage nagagerak.

Marakut 3:20

Ti'nuk, at Yetut nogo oome unggwi nanuk, time wonage me, aakumi ambik at owagam kuwak ari wogo mbareegwa, at oone waganggwi nogo inom mbi noorak meek agagerak,

Marakut 7:17

Yorage nagagerik, aakumi nogo teppiinok, oome unggwage mbareegi, at oone waganggwi nogo nen, “Kat wone eegu laarogo negen yo'niragandak nogo ti, liirogon yo'niret o.”

Marakut 7:24

At Yetut nogo o time mbo punuk, o Tirut unggwi nagagerak. Unggwi nage nagagerik, o ambi wurik me unggwagagerak wonage logonet, “It aakumi an neegwi iyo, kumaarak logokit,” mbareegerak kwe, meek agagerak.

Marakut 9:28

Mi'nage mbareegi, Yetut nogo oome unggwagagerak wonage me, at oone waganggwi inom inalik logonet, “Nit nonggop nduk kugi ti, nggiginogo wumbuurak meek wonogoorak?”

Lukat 4:23

Yogo mbareegwa, at Yetut nen yorage logonet, “It aakumi nen, Ndotet wae. Kat keebe obeelom eekkolet o. Ndi, ambi, O Kaperenawum eeke nagandak, konenggoorak nogo, kat kame nda'nagaginom yime togop aret eeke logot o, yogo menggaarak nogo, an yo'niriyak nduk, eekwi kiigi o.”

Lukat 5:18

Nogome wonogwe me, aap ambi eenggi-iyok nggunanak me, aap nen eewu'nuk, Yetut owagam pi ungguwok nduk, eereegwaarak mendek

Yaya 4:47

aap nogo Yetut o Yureya nen o Nggalileya wagaarak konembunuk, Yetut owagam wambi wage nagagerik, at apuluk andi abu kambuurak lombok eereegerak me, Yetut nen obeelom eeri nawak nduk, yoreegerak.

Nappiigak 2:6

oonebu ari nogo inaruk konembunuk, kuwak ari wogo nogogwaarik, it ti inoone lombok paga yogwe nogo inaruk konenggo logonet, “Ia! Nonggop togon yogo agaarik kwe?” yinuk, iniki ma'nogogwaarak.