Marakut 16:2 - Ala Wone Peenok Peebi Mbanak

² Onggo pi nogo nogogwaarik, nogo yinuk, Hari Minggu paga kuubondendok oonegen awo wundi wage kagak, yugum ndoome nogome nogogwaarak.

Marakut 16:2 ပူးပေါင်းရင်းမြစ်များ

Ndaniyen 6:19

O awo kilim nagake kagak aap endagembogut nogo eenik a'nuk, mbuun ambena singa wonogwe me mbet-mbet aret nagagerak.

Matiyut 28:1

It Yakuri tamban eeppunuk, ko'lu tamban eekak yuurak ne iyaalok warennagagerak Hari Minggu paga kuubondendok at Mariya Magaralena kunduk, kwe ambi endage Mariya kunduk, imbirak Yetut eebe pereegwam nogome inigen pekkaawok nduk, wogogwaarak.

Marakut 16:1

It Yakuri tamban eeppunuk, o kiip age mbareegi, kwe Mariya awi Magaralena mendek nogo inom, Yakobut agalo Mariya inom, kwe Talome inom, it nogo nen eyoonggen obari obeelom mendek Yetut oba mbeenogo puwok nduk, onggo pi nogogwaarak.

Marakut 16:3

Nogo logonet, “Yugum narak nogo ta nen laganogo pinanigin o?” yinuk agan wogo nogogwaarak.

Lukat 24:1

Ndi, tamban eekak yuurak ne iyaalok warennagagerak Hari Minggu paga o kuubondendok it kumi nen amburu pipuk eerogo pereegwaarak nogo, wonok ndoome nogome aret nogogwaarak.

Yaya 20:1

Tamban eekak yuurak ne iyaalok warennagagerak Hari Minggu paga o weerikit nduk o apit aago kagak, kwe Mariya awi Magaralena mendek ndoome nage nagagerik, yugum tu narak nogo pelenogo nappugu kagagerak.