Marakut 15:3 - Ala Wone Peenok Peebi Mbanak

³ Yoge mbareegi, it aap Ala unde inoweewi nogo nen yi wone ndi wone oba lenggeneegwaarak.

Marakut 15:3 ပူးပေါင်းရင်းမြစ်များ

Ndawi 38:14

An yi nogo, Aap inoone yogwe kwe, konengga'lek wonogwe, Inoone yoragaatak kwe, Onggo ambi yoraga'lek puk wonogwe, Eeko mengga kwak aret agarik o.

Yetaya 53:7

At aaninggin oba pugwi, andi-pandi eerogo pugwi, eekwi iigak, “Eeppaniyak op aret o,” mba'nuk, puk aret agagerak. Ndomba aagaluk waruwok nduk wonok nogwe iigak, puk menggi kwak, at oone lek kagak wonok nogwe, Ndi, ndomba iyagalo eeruwak mbanggwi iigak, oone lek puk menggi kwak, at oone lek puk aret wonage, Eereegerak o.

Matiyut 27:12

Yoreegerak kwe, it aap Ala unde inoweewi inom, aap inanggok inom, nen wone at oba lenggenogo pugwi iigak, at onggo ambi abu yoroolik puk aret wonagagerak.

Marakut 15:2

at Pilatut nogo nen, “It Yakuri inowe endagembogut kat aret ilik?” Yoge mbareegi, at nogo nen, “Yagandak ti aret o.”

Marakut 15:4

Oba lenggenggo mbareegwa, at Pilatut nen ambinom yoge logonet, “Yi wone ndi wone kat koba lenggenggwi yi, iyet o. Kat wone onggo yoroorak ambi mbaka'lek agandik?”

Marakut 15:5

Yoreegerak kwe, at Yetut onggo yoraga'lek puk wonage mbareegi, at Pilatut nogo, “Aap yi, iya!” yinuk, pi wareegerak.

Yaya 19:12

Wone ti yoreegerak nogo at Pilatut aruk konembunuk, Yetut keele piinogo teppuurak aret eereegerak mendek, it aap Yakuri mendek inoone nggwok paga at yogo logonet, “Aap ambi nen, Nendagembogut aret o, ari kenok, aap ti, Kayitat imbirak ogookkolage me, kat aap yi, piinogo teppege keenok, kat Kayitat kimbirak kunik lek aret kombarugun o,” yinuk, yoreegwaarak.