Marakut 13:8 - Ala Wone Peenok Peebi Mbanak

⁸ Aakumi inanebunu lombok ndegek wim nambukwi, aap endagembogut ambi awuri inom nen aap endagembogut ambi awuri inom wim nggwok nambukwi, eekwi iigak, yi awi ndi awi mi nggwok nuk ari, o yi awi ndi awi mbi noogelo age, ti eerigin ti, kumi elege ndaruwok nduk aa'nduk enegen paganak yagan wako mengga kwak, togop ndak-ndak kinoba aaninggin-paaninggin eeppinagage kaamunggup o.

Marakut 13:8 ပူးပေါင်းရင်းမြစ်များ

2 Mbinineegwaarak 15:6

At Ala nen aaninggin-paaninggin anebunu lombok inoba piigak mban eeke paga, Nonggop eekkoloobok, wonogwe iigak, aakumi o ambime mendek nen o ambime mendek tebenogo piigwi, it o kota ambi nen it kota ambi tebenogo piigwi, eeko nogogwaarak.

Yetaya 19:2

“O Metit it-it aret ogooppunuk wim eeruwak nduk eerogo piyaminggirak paga It inoweewi nen inawuri inom aret wim nambukwi, It inoreewi inom wonogwe nen inom wonogwe aret inom wim nambukwi, O kota ambi nen o kota ambi inom wim nambukwi, At ambi abu'me piinok menggim nen at ambi abu'me piinok menggim inom wim nambukwi, Eerugun o.

Yetaya 37:3

Nappiyareegerak nogo nogogwaarik, at Yetaya nogo yogwi, “At Kitikiya nen wone ari logonet, Kwe aagaluk ndariyak eyom agaatak kwe, ndariyak omaawi lek age menggi kwak, ne yogondak yi paga nit aaninggin ambik ninoba age, ninenggali age, meek lombok ee'ninake, eeke me,

Yeremiya 13:21

“It aakumi ti, ninom a'nuk eerit nogo logowok o,” yinuk, kinom kunggo'net nagagindak nogo nen Kat tebenogo paganuk, karum logorak Aliku ALA nen mippiige kenok, kat nano yumunggun o? Kumi elege enegen paganak yagan wako mengga kwak kat togop aret kiniki andi nen yagan warumunggun lek mbaken?

Yeremiya 22:23

At eebe o Libanon kwak logonet, eyo nggabina abe Libanon mendek paga wurik me eebe obeelom wonage ti, Kwe ambi elege enegen paganak yagan wake menggi kwak, aaninggin oba ari wage kenok, Andi nen, Ia, ua, ari logogin o,” yinuk, yegerak me, yokkigi o.

Yeremiya 25:32

At Omaawi Lombok Menggerak Aliku ALA nen ari logonet, “Aaninggin iya lombok yi aakumi ndi aakumi ambi inoba kwi'nagak, ambi inoba kwi'nagak, eerit wage, O irip-irip time abok aret wiya oone pu warit wage menggi kwak wage, Eeke ti, inigen kaawak o,” yinuk, yegerak o.

Yeremiya 4:31

Kwe ambi aagaluk enegen paganak yagan wake logonet, kwa ari, Kwe ndugum aagaluk aa'nduk ndake logonet, ke'mbogonik ari, Eeko mengga kwak, O Tiyon Aagalukwe nogo iniki nggiluk ari, Eenggi ndek ari logonet, “Ninom wim mbanak nen nooriyak eekwi paga niniki ma'nage me, nabuwa o,” yinuk, ari, Eeke naruk konengge agarik o.

Yeremiya 49:24

O Ndamitik nogo omanggen tayok ari, Mbagani, nduk eeremenggerak kwe, iniki ma'nagaarak me, meek age, Kwe elege enegen paganak yagan wake menggi kwak yagan wake, Iniki andi negen wonage, Eeke agaarik o.

Yeremiya 50:43

At aap it Mbaben mendek inowe endagembogut nogo, it wogwe aruk konembunuk, Omanggen tayok ari, iniki mondok ma'nage, Kwe elege enegen paganak yagan wake menggi kwak, yagan wake, eeke agaarik o.

Yeremiya 6:24

It inabok agan wogwe nogo ninaruk konembunuk, ninaganak ngginuk ari, Kwe ambi elege ndariyak enegen paganak yagan wake menggi kwak, andi negen ee'ninake, Eeke agaarik o.

Agayi 2:22

it aakumi inoweewi inendagembogut kwi'ndak logonet, wone lengganogo yorogo menggam abut laganogo pege, it aakumi inambik inanebunu lombok inabu'me piinok, wone lengganogo yorogo menggaarak inomaawi nogo, lek eerogo pege, inanggweendo abut laganogo wuppege logonet, aap wonok nega nogo u'ngguluk wuppege, eeke neegak, it-it inawooluwak paga wat-wat yogo logonet, inaguda inom, it kuda wonok nega nogo inom, inooremenggaarak kambit nogo logogun o.

Takariya 14:13

Ne ti paga Aliku ALA nen it aakumi ti, iniki naga'nuk kobak eerogo piige kenok, inalitik-inalitak inoreewi inom ineenggi pippit a'nuk, wat-wat yogo logogun o.

Matiyut 24:8

it kumi elege ndaruwok nduk aa'nduk enegen paganak yagan wako mengga kwak, togop ndak-ndak aa'nduk kinoba aaninggin-paaninggin eeppinagage kaamunggup o.

Marakut 13:7

Wim nggaganggwi, wim nambukwi, eekwi abok kinaruk konenggo logomonggotak kwe, kiniki lek arubok o. Ti arit woramenggerak kwe, Yi o age yobok ari wage logonet, eeke, mbarubok o.

Marakut 13:9

Wone amburu mbangga inowagam pikkiret nogwe, it Yakuri tamban eeko menggam nen yawi lomba agago kinookwi, eerugun me, kiniki tum wakkologo logonu o. An noone waganeegutak paga it aap yo'nggok inom, aap inendagembogut inom, inowagam wokkiren pinagi nogwe iinok, Lek o! At Yetut nen togop ee'ninakerak o, yinuk, yorogo logomunggup o.

Nappiigak 11:28

Lagi nogogwaarak nogo ambi endage Agabut mi'nage nagagerik, yorage logonet, “It aap o Oroma mendek unde menggam yi awi ndi awi abok aret mbi noogelo ambik arigin o,” yinuk, Aberiniki nen iniki nggaganogo yoge kagak, yoragagerak. (Ti arigin yoragagerak nogo ti, at Kelawuriyut endagembogut logonet wone lengganogo yorage kagak, a'me aret agagerak.)

1 Tetalonika 5:3

It aakumi nen, “Wone ambi ninoba aga'lek nit abok obeelom aret me, niniki ale'nggen aret ogoorik o,” yogwe iigak, kwe abila aagaluk nda'nariyak eenggo'lek me, enegen pagak ari nogo pogom, ninowe abera'lek me wage logonet, mondok lek eerogo piya woraagin me, it ambi mbo nagun abu lek aret o.

Wayu 6:4

kuda alik ambi eeruwak maa'ngga kunik me, amborowak paga aap ambi kwi'ndak wage mbaki, “It aakumi o nggween paga ogu time iniki ugun tayenak ale'nggen nugu logorak lek o. Ata, it-it wat-wat yogo logowak o,” yinuk, unde logorak mippege logonet, mbuti wooluwak nggorek lombok wogoge kagarak o.