Marakut 13:6 - Ala Wone Peenok Peebi Mbanak

⁶ It aakumi ambik aret an nendage kunit wogo logonet, At woroorak nogo ti, an aret o, yinuk, aakumi ambik iniki nomoninabugun o.

Marakut 13:6 ပူးပေါင်းရင်းမြစ်များ

Yeremiya 14:14

Yoge mbaki, Aliku ALA nen onggo an yo'nege logonet, “It aap an yorage neegak yoraga ti, an yoraga'lek neegak nendage kumbunuk pilit pugunogo yorogo agaarik o. An nen nappiige, yorogo logowak nduk mippiige, Togop yoraanip o, yinuk, yorage, eeka'lek neegak, iniki mba'nuk, Nabinggaanggo ndogop kagarak o, yinuk, yorogwe, tili paganggo logonet ugun-ugun yoranet nugwi, inikime nen pilit pugunogo ugun agan nugwi, eeko agaarik o.

Matiyut 24:11

Ndi, aap ambik wogo logomenggaarik, we piliret, Ala nen yo'nege ambi yokkira o, yinuk, aakumi ambik iniki nomoninabugun o.

Marakut 13:22

It ando we piliret, Keritut nogo an aret o, ndi, Ala nen yo'nege kagak yoraga mendek ti, an aret o, yinuk, agan wogo logomenggaarik, It aakumi Ala apuri miirogo leeninabeegerak nogo nomoninaburak op kaamun ilik? yinuk, nomoninabuwok nduk, inagabiti warak mendek inom, eerubok mendek inom, eekwi iigak aret kwe,

Marakut 13:5

Yogo mbareegwa, at Yetut nogo nen, “Aakumi nen nomongginakwi iyo, kiniki tum wako logonip o.

Marakut 13:7

Wim nggaganggwi, wim nambukwi, eekwi abok kinaruk konenggo logomonggotak kwe, kiniki lek arubok o. Ti arit woramenggerak kwe, Yi o age yobok ari wage logonet, eeke, mbarubok o.

Yaya 5:43

Nogoba nen nappani wagagerak an nogo, kit wo'naka'lek kwe, aap alik ambi at iniki mba'nuk wage kenok perak, aret waamunggup kiigi o.

Yaya 8:24

Kit maluk kinikime wonage kagak aret kambumunggup o, yokkiragarak nogo ti, at eebe ti, an aret abet nombaka'lek kiinok, maluk kinikime wonage kagak, aret kambumunggup o.”

Yaya 8:28

Liippega'lek wonogwe me at Yetut nen, “An aap aret nda'nagagirak mippanugwi kiinok, at eebe nogo an aret kineenu ogwe, ndi, an mbake paga eekeelik nogoba nen mamunnake nogo mban yokkirage minggirak kit kineenu ogwe, eerumunggup o.

1 Yaya 4:1

Noreewi niniki kunik yi wae. “Aberiniki nen yo'nirage kenok, yokkira wogo o,” yogwe iinok, inoone abet mba'nuk ugun woorak mage o. It pilit wone yoraga nogo nen yi awi ndi awi abok aret yoranet nugwi me, “At Ala nen abet aret nappiya wagaarak agan wogwe ilik, it iniki koombunuk nen agan wogwe a?” yinuk, inabut mbambunuk inoone konenggo logomunggup o.