Marakut 13:4 - Ala Wone Peenok Peebi Mbanak

⁴ “Kat yo'niragandak nogo, mandenom arigin o? Ndi, Togop arigin, yo'niragandak nogo, a'me lik yuurak eyom koorok panggo ari kagak, nano eeke paga nineenu ariyak? yo'niret o.”

Marakut 13:4 ပူးပေါင်းရင်းမြစ်များ

Ndaniyen 12:6

Iige me, at ambi mi'ndak wonage nogo nen at alik ambi ayum yawenak yirik niyo eneerime pa'nggwe wonage nogo, yoge logonet, “Iya tit ariyak yi nogo, a'me ari waga'lek kagak, ne mande ari nagin o?”

Ndaniyen 12:8

At ari nogo an naruk konenggirak aret kwe, “Alom ngge?” nduk, ari nogo liippuulik me, an nen at yoge logonet, “Nogoba o. O age yobok eeriyak nogo ti, a'me nggelok yi wage kenok, nonggop arigin o?”

Matiyut 24:3

Ti'nuk, puurom Tayitun paga lagangge nagagerik, alik taati kwi'ndak wonage me, at oone waganggwi nogo owagam ka nogo nogogwaarik, at yogo logonet, “Togop arigin o, yo'niragandak nogo, mandenom arigin o? Ndi, kat woroorak inom, o age yobok ariyak inom, panggoni wage kenok, nineenu ariyak mendek nano eeke kaagun? Yo'niret o.”

Marakut 13:3

At Yetut nogo Ala awi wurik ena wunggagak puut Tayitun nogo paga lagangge nagagerik, alik taati, kwi'ndak wonage me, at Peterut togon, Yakobut togon, Yaya togon, Andereyat togon, inalik nen kin wakkogo logonet,

Marakut 13:5

Yogo mbareegwa, at Yetut nogo nen, “Aakumi nen nomongginakwi iyo, kiniki tum wako logonip o.

Lukat 21:7

Yorage mbareegi, at kin wokkogo logonet, “Ngguru wae. Kat yo'niragandak nogo mandenom arigin o? Ndi, Togop arigin, yo'niragandak nogo a'me lik yuurak eyom koorok panggoni wage kenok, nano eeke paga nineenu ariyak?”