Marakut 13:34 - Ala Wone Peenok Peebi Mbanak

³⁴ Ndi eyom woroorak nogo ti, aap ambi nen aakumi inawi naakit nduk, at ayeloman mini nogo nen at awi arum logonet, eeko logowak nduk inalitik-inalitak punogo piige, ndi, at tungga unde menggerak nogo tu ndogon me logowak nduk yoge, eerogo piinok, nage menggi kwak, aret o.

Marakut 13:34 ပူးပေါင်းရင်းမြစ်များ

Matiyut 16:19

At mbogut paga mendek abu'me piige menggim tu kunci nogo kat aret wokkiriminggirak me, kat nen nggween paga yime, Eeriyak mage o, ari keenok ti, mbogut paga kunduk eeriyak lek aret kaamunggun o. Ndi, kat nen nggween paga yime, Eeriyak op o, ari keenok ti, mbogut paga kunduk eeriyak aret kaamunggun o, yinuk, yokkigi o.”

Yaya 10:3

At ndomba ndegeninaka nogo wage kenok, aap ndomba inaru arum waka nogo nen tu paakkage menggerak. At andomba nogo at oone konenggo menggaarak me, inendage kunogombo wogoret wundi nage menggerak.

Oroma 13:6

It Ala nen mippiyareegerak nogo Ala ayeloman logonet, liirogon ninarum wonogwe kenok, ninarum wonogwe onggo wogorogo monggoorak me,

1 Korindut 15:58

Ti kenok, noreewi o. Kit an niniki kunik me, kiniki mondok kwi'ndak nu'lek logonet, ninowe eyabu aret eekwi kenok ti, we aanom warogo eekwi lek ambi kola noorak nduk eekwi kineenu me, kulinik-kalinik nggwiirit-nggwaarit aret eeko logonip o.

Kolote 3:24

At Ala nen aap ambi iya, ambi meek, mbakeelik nit eekwi onggo ndak-ndak wo'niraagin nineenu me, kit nen, “Nit ninowe ambit Keritut ake aret o,” yinuk, kinogobamini inake eekwi kenok, it maluk eekwi onggo wogorage logonet, at apuri obeelom eekwi iinok inake pipuk eerogo piyareegerak nogo, “Nit kunduk ninom ndak-ndak wo'niraagin,” mbako logonip o.

Kolote 4:1

Ndi, kit nogobamini wae. Kinayeloman wonogwe iinok, “An kunduk nogoba mbogut paga wonage kagi,” mbako logonet, it kinayeloman mini kinake eekwi ndak-ndak kiniki obeelom paga a'me nggelok eeppiigo logonip o.

Wayu 3:7

“Ndi, ambi at malayikat Ala apuri o Pilarelipiya kuwak eekwi inarum menggerak nogo nen apuri yoraawak nduk, yoriyak, yokkiri o. An Ndawut agunci nogo porogo logonet, tu paake neenok aakumi nen nakwi, ndi, nake neenok paakwi, eekulik an mban unde logonet, pilit ariilik abet mban ari minggirak nalik leenak minggirak nogo nen,