Marakut 10:18 - Ala Wone Peenok Peebi Mbanak

¹⁸ Yoge mbareegi, at Yetut nogo nen, “Aap ambi obeelom menggerak abu lek o. Ata, Ala alik mban obeelom menggerak me, nonggop nduk, Kat obeelom mban menggendak, yo'negen o?”

Marakut 10:18 ပူးပေါင်းရင်းမြစ်များ

Lukat 18:19

Yoge mbareegi, at Yetut nen, “Yi aap ndi aap obeelom ambi abu lek o. Ata, at Ala alik aret obeelom mban menggerak me, nonggop nduk, Kat obeelom mban menggendak o, yo'negen?”

Matiyut 19:17

Yoge mbareegi, Yetut nen, “At ambiret mban obeelom menggerak nogo kagak, nonggop nduk, Obeelom mendek ngge eeri, yinuk, an kin wo'neege agandik? Keenik mondok mendek kolaakit, mbake keenok, Yogop ee'nu, ndogop ee'nu, wone yugu nogo aret mondok ndak-ndak eeke logot o.”

1 Yaya 4:16

At Ala ninabuwa mbake nagagerik, iniki kunik ee'ninabeegerak nogo, nineenu ogo nogoorik, “Abet aret,” mba'nuk, niniki ti paga panggombunuk, ogoorik o. At Ala nen nit yi aakumi ndi aakumi abok ninabuwa mbake logonet, iniki kunik ee'ninake menggerak me, kit kinoreewi kiniki kunik aganakwi kiinok, Ala kit kinom kunik wonage, ndi, kit Ala kinom kunik wonogwe, eeko logomunggup o.

1 Tamuwen 2:2

Yugum kole itok menggi kwak, Ninogoba Ala kat togop aret wonage menggendak o. Kaliku ALA kikak nakeelik abu obeelom wonage kwak, Togop ambi wonage lek o. Kat wonage menggendak kwak, ambi wonage lek mban.

Oroma 3:12

It abok aret tu abe paga naga'lek nomoninuk alik paga nogwe, It abok ndak-ndak we aanom warogo eerit nugwi, It ambi obeelom eeriyak mbakwi, Ambiriluk ambi nen obeelom eeriyak mbake, Eeka'lek aret iige agarik o.

1 Yaya 4:8

Ndi, at Ala nen yi aap ndi aap abok aret inabuwa mbake logonet, iniki kunik lombok aganake kagak kwe, nit ninoreewi niniki kunik aganakwi lek niinok perak, “It aap yi, Ala ineenggo'lek aret iigo o,” yinuk, mbako logogun.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

Ndawi 119:68

Kat obeelom aret wonage, ndi, obeelom mban eeke, Eeke menggendak me, Koone lengganak nogo an mamunnake logot o.

Ndawi 86:5

Nogoba o. Kat Ala abu obeelom aret wonage, Aakumi inomaluk aberak wonageelik mari eerogo piige, Aakumi abok aret inoone nggwok paga yokkugwi iinok, Inabuwa lombok mbarit nage logonet inoone konengge, Eeke menggendak o.

Ndawi 145:9

Aliku ALA ti, aakumi abok aret obeelom eeppiige, At nen ogobakkigirogo piyareegerak nogo Abok aret inabuwa mbake, Eeke menggerak o.

Marakut 10:17

Ti'nuk, at Yetut tu nggwok paga woraakit nduk eeke mbareegi, aap ambi at owagam puu'nuk wage nagagerik, abu'me tebe yinuk, yoge logonet, “Nogoba Ngguru wae. Kat obeelom mban menggendak me, an neenik mondok logokit nduk, nonggop eeri o?”

Marakut 10:19

Yoge nagagerik, “Yogop ee'nu, ndogop ee'nu, yereegerak wone yugu nogo ti, Aap wariyak mage o. Kumi ugun wurinaburak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Aap wi-wi eeginaburak mage o. Kinagalo-kinogoba inayuk wuko logonet, inoone liirogon konenggo logonip o, yereegerak wone nogo kat keenu aret o.”