Marakut 10:1 - Ala Wone Peenok Peebi Mbanak

¹ Yorage nagagerik, o time teppunuk, tu yi Yoraran enebaga nen o Yureya unggwi wagagerak. Unggwi wage mbareegi, aakumi ambik at owagam kuwak ari nogo mbareegwa, at wone mamunirage menggi kwak aret mamuniragagerak.

Marakut 10:1 ပူးပေါင်းရင်းမြစ်များ

Wone Alom Kibingga 12:9

At wone alom kibingga nogo ti, iniki warak aret wonagagerak. Ndi, iniki warak logonet, it aakumi at apuri nogo wone ineenu aruwak nduk mamunirage, aakumi yogo nogogwaarak wone abok aret liippege, kuwak eerogo liiru mbangge, peebi-aa'nduk yogo logorak nogo koonogo pege, eereegerak.

Yeremiya 32:33

Inenete mban nomok yogo logolik ineebe apit inambot wo'nugwi, wone mamuneragak eekitak kwe, konengga'lek mbo pugwi, iniki koonnaruwak nduk, eeppiigitak kwe, liippega'lek teppugwi, eeko nogogwaarak o.

Matiyut 26:55

Yoge nagagerik, ne ti paga at Yetut nen it aap wogogwaarak nogo yorage logonet, “Aap yogoot wagangga piginabi nogo mengga kwak, an togop aret pi'nabuwok nduk, tege wooluwak inom, yawi mbanak inom, wonok wogotak ya? Ko'lu-kii'me Ala awi wurik me mamunggirage neegak, pi'naka'lek wonogotak kwe,

Matiyut 4:23

At Yetut o Nggalileya yengget-wangget abok aret nege logonet, it tamban eeko menggam wone mamunirage, obeelom wone at mbogut paga mendek abu'me piyoorak wone nogo, aakumi yorage, yi kugi ndi kugi andi kunik mendek inom, ineebe andi-pandi aago inom, obeelom eeginake, eerit nege nagagerak.

Marakut 1:21

It nogo inom nogo nogogwaarik, o Kaperenawum unggwi nogogwaarak. Unggwi nogo nogogwaarik, Yetut nen it Yakuri tamban eekwi paga it tamban eeko menggam nogome unggwage nagagerik, wone mamuniragagerak.

Marakut 10:2

Mamunirage me, it Pariti mendek ando at owagam wogo nogogwaarik, abut mbanuwok nduk yogo logonet, “Aap nen inakuwi mbo piyoorak op o, yinuk, Ala yereegerak Muta nen liiru mbaneegerak ambi wonage ilik, lek a?”

Marakut 12:35

At Yetut nogo nen ne ambi paga Ala awi wurik me mamunirage logonet, “It Ala wone liiru mbanak unde nogo nen, At Ala nen leenogo mippereegerak Mesias nogo ti, Ndawut ombooluk o, yogwe ti, nonggop togon yogo menggaarak mbakop?

Marakut 14:49

Ko'lu-kii'me ninom Ala awi wurik me mamunggirage neegak, pi'naka'lek wonogotak kwe, Ala wone liiru mbanak nogo a'me lik yuwak nduk pi'nabi wogotak me, op aret o,” yorage mbareegi,

Marakut 2:13

Ti'nuk, ne ambi paga at Yetut yi yenggenak aa'nggi paga nage me, aakumi abok at owagam wagak mban eekwi iinok, wone mamunirage nagagerak.

Marakut 4:2

yi wone ndi wone apit aret eegu laarogo mamuniragagerak. Mamunirage logonet,

Marakut 6:2

Wogo nogogwaarik, Yakuri tamban eekwi paga it tamban eeko menggam unggwage nagagerik, wone mamuniragagerak. Wone awo mamunirage kagak, it at oone koneneegwaarak nogo nen, “Yi wone ndi wone yi abok aret, at ngga nen waganggerak paga ari agaarik mbakop? Aap iniki warak oone negen ari yi, wone nano wone waganggerak paga ari agaarik o? Ndi, eerubok eeke yi, nonggop togon eeke agaarik mbakop?” yogo nogogwaarik, “Wi!” yinuk, pi wako logonet,

Marakut 6:34

Yetut at oone waganggwi inom yiiro paga nen yi aa'nggi paga wundi nogo nogogwaarik, ndomba ndegeninaka lek kenok, ndomba mban kuwak aago mengga kwak, it aakumi ambik togop kuwak aago wonogwe iige nagagerik, “Inabuwa,” mba'nuk, yi wone ndi wone mamunirage nagagerak.

Marakut 6:6

Ndi, at Yetut nen it iniki at oba panggombunuk abet ombaka'lek iige nagagerik, “Aakumi yi, iya!” yinuk, pi waganabeegerak. At Yetut nogo o yaga'lelo lombok yanggwagak-ndanggwagak nege logonet, wone mamuniranet nege nagagerak.

Yaya 10:40

Mbagangge nagagerik, yi Yoraran enebaga wunda nanuk, at Yaya aa'nduk aakumi yiime wuppiige nagagim nogome puk ari nagagerak.

Yaya 11:7

Puk wonagagerik, at oone waganggwi mendek yorage logonet, “Niniyokan o Yureya nawok o.”

Yaya 18:20

Kin wokkage mbareegi, at Yetut nen, “It aakumi o nggween paga yime menggaarak nogo wone mamuninake logonet, kote mamuninake logolik o. Ata, tena'me mban yorage nagarak o. It Yakuri tamban eeko menggam inom, Ala awi wurik me inom, it aakumi Yakuri mendek komaako menggam abok aret mamuninake nagarak kwe,