Maleyaki 4:3 - Ala Wone Peenok Peebi Mbanak

³ An aakumi koonogo piyoorak ne ti eyom paga aap iniyok liirubu aa'ngga eerogo pogo mengga kwak, it nen aakumi maluk eeka nogo iniyok aambiranogo piinet nogo logogun o,” yinuk, at Omaawi Lombok Menggerak Aliku ALA nen aret yegerak o.

Maleyaki 4:3 ပူးပေါင်းရင်းမြစ်များ

Wakkagagerak 3:15

Ndi, kat waalo yi, kwe yi kimbirak ogoorak wonogwe, ndi, kit kimbirak ndaganabumonggotak kunduk ogoorak mban wonogwe, eeko logomunggup nduk, an Naliku Ala nen aret piyanogo pinagagi o. At kwe yi ndaremenggerak nogo nen kat kanobak aambelenogo pagage, ndi, kat nen at ndaremenggerak nogo iyok unggut keyak mbangge, eeko logomunggup o,” yoreegerak.

2 Tamuwen 22:39

Ineebe aan lebenogo piigirak ti, An niyok pugu me wambit nagaarak me, It ambi nen mi'naga'lek aret wonagaarak o.

2 Tamuwen 22:43

Wun negen yigit-yagat eerogo piige, Tu paga purok iniyok amok mbanogo pogo mengga kwak, Ineebe togop aret eerogo piinet nage, Eekirak o.

Ayup 40:12

Iniki tiyappakwi nogo tebenogo patuwak nduk, kenegen loolo irage, Aap maluk eeka wonogo menggam aan lebenogo piige,

Ndawi 147:6

Aliku ALA nen it aap tebembiinok wonogwe nogo, Pilanogo mippiige menggerak kwe, It aap maluk mendek perak, Nggween paga inuut ngguluk nappiige menggerak o.

Ndawi 49:14

It aap ti, ndomba kanggo mengga kwak, Kambunuk nogo menggam noorak koonak wonage, Kambunuk nogo menggam nen ndomba ndegeninaka kwak, Wogoren nok nggween taambiyawam piya nage, Eerigin kwe, O kubondendok age kenok perak, Aap iniki koonak nogo nen Wone lengganogo yorogo logogun o. Inawi abe kigirikwe wurogo pemenggaarak nogo O nda wonage kagak inagabolo nogo ti, Nggween taambiyawam time aret pili arigin o.

Ndawi 91:13

Togop eerumunggun me, Singa inom, waalo muuru inom, tebenogo piigak nage, Singa anini ambik inom, waalo aakumi inooka inom, Kiyok aan lebenogo piinet nage, Eeke logomunggun o.

Yetaya 25:10

At Aliku ALA nen puut Tiyon yi, eenggi omaawi paga pipporogo logogin kwe, It aakumi Mowap mendek perak, Wam inambi larak nunggo logonet, it inaan wurik iniyok aambiranogo pako mengga kwak togop aret eerogo piyaagin o.

Yetaya 26:6

It aap tebenak inom, ineenggi lek inom, nogo nen iniyok aan lebenogo pit nogo agaarik o.

Leendawi 1:15

Nogoba nen it aap an nawuri wim eeka ninom minggirak abok aret mbo piige, An tebenogo panugo logonet, naagalogwe aap tawe lek eerogo piyaawak nduk, nawim yonggo piige, Aakumi nen anggur amburu aambiranggo mengga kwak, nogoba Ala nen o Yekura Aagalukwe Aap Kigin Waka'lek an nogo iyok aan lebenogo panege, Eereegerak o.

Yetikiyen 28:18

At maluk ambik eerit nage, Aakumi wi-wi aganake logonet, amindik-amendek onggo-onggo eerit nage, Eeke nagagerak paga O magame eekko'net nage menggim nogome maluk eerogo pit nagagerak me, At wonage menggim enggela'me nen kani wuninogo pege mbareegi, eebe kani nenet nage, It aakumi abok aret inigen iigak, kani nenet nage logonet, aan ndunogo pereegerak o.

Ndaniyen 7:18

Mi'narugun kwe, it aap at Tiyanak Lombok Menggerak apuri alik leenak mendek nen at abu'me piige menggim wone lengganogo yorogo logowak nduk, unde eeppiyaagin me, unde logonet, mondok aret wone lengganogo yorogo logogun o. Yorogwe iigak, lek arigin lek mondok-mondok aret logogin o, yinuk, yo'negerak.

Ndaniyen 7:27

Lek eerogo punuk, it aakumi inabu'me piinok logonet, it inalik iniki koombunuk wone lengganogo yoranet nugwi, inayuk warak logonet, inoone omaawi paga yoranet nugwi, inendage tiyanak logonet agan nugwi, eeko logowam o mbogut abu'me yime abok aret at Tiyanak Lombok Menggerak apuri alik leenak nogo unde eeppiyaagin o. Eeppiyamenggerak unde wonogwe iigak, at abu'me piinok logowam ti, lek arigin lek mondok aret logogin me, it unde eeppiyamenggerak nogo abok aret at abu'me tebe yinuk, ayuk wukwi, at oone ari kenok konenggwi, eeko logogun o, yinuk, yo'negerak o.

Mika 5:8

Kit Iterali kinawim kinom nambuko logonet, tebenogo piigwi, Kinom ogoorak nogo lek eerogo piigwi, Eeppunuk, “Nineegin tiyak yigi o,” yinuk, keekok piyanggogo logomunggup o.

Mika 7:10

“Kit kinogoba Aliku Ala nogo ngge o?” yinuk, yo'nirogogwaarak ninawim nogo nen nit ee'ninake ti, Inigen niigo logomenggaarik, inenggali nen inete wandinik logonet, nogo logogun o. It tebenogo piinok, purok tu paga iniyok amok mbanggo mengga kwak, togop eeppiige iyaagun o.

Takariya 10:5

It lambuk togon wim kalu-kalu kwak eerit nogo logonet, Aakumi iniyok tu paga purok amok mbanogo pit nugu mengga kwak, aakumi togop aret eerogo piinet nugwi, Naliku ALA ninom wonage me, It wim eerit nogo logonet, inawim kuda paga kwi'na'nuk nugwi nogo, tebenogo piinet nugwi, Eeko logogun o.

Maleyaki 3:17

Mbanogo pogo mbareegwa, at Omaawi Lombok Menggerak Aliku ALA nen ari logonet, “It aap ti, an napuri aret logogun o. It aakumi koonogo piyoorak wage eyom paga it aap ti, an napuri niniki kundugu aret me, aap ambi aput oone konembunuk eeke kenok, ogoba nogo apuluk abuwa nen ili ari menggi kwak, an togop aret eerogo piyaagin o.

Oroma 16:20

Nit niniki ugun tayenak obeelom logowok nduk, eeppinanege menggerak Ala nogo nen Ibilit kinabu'me tebenak logowak nduk, mbet-mbet aan lebenogo pigin o. Ninowe Yetut iniki kunik nen obeelom eeppinanege menggerak me, kinarum aret logogin o.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 14:20

Mambege mbaki, anggur anggen amburu aambirangge menggim o kota yagat endekem nogome aambirangge kagak, aakumi inamiya niyo wurik negen yenggenit lagangge logonet, aloboguk ambik kuda anobak ndak-ndak age nagaarik, irip o nda tiga ratus kilometer ndak-ndak ari nage kagarak.