Maleyaki 4:1 - Ala Wone Peenok Peebi Mbanak

¹ At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Maleyaki 4:1 ပူးပေါင်းရင်းမြစ်များ

Ayup 18:16

Eyo omanggen nggween abu'na mbuk age, Eno'mbak wiganak teebat age, Eeke menggi kwak, At togop aret arigin o.

Ndawi 119:119

Aap maluk mendek nggween paga menggaarak abok aret Inambeebuk negen mbo piige menggendak me, Eekaatak ndak-ndak eeppiigo logorak koone yugu nogo Niniki kundugu minggirak o.

Wundeegwaarak 15:7

Kat abu tiyanak lombok logonet, It aakumi koone taganuwok nduk, mi'nagaarak nogo tebenogo piige, Ndi, nggubungga omoonuk ne ambit liingge kani nengge menggi kwak, Kanini inoba piige logonet, ne ambit lek eerogo piige, Eekendak o.

Yetaya 40:24

Awi awo yakwi, anggen awo yumbunggwi, Omanggen yaruwak nduk, mbanogo nggween me awo tebenggwi, Eekwi iinok, At ambe aagi pu eeremenggerak paga teebat eerogo punuk, ameneno kwak aremenggerak me, o wiya warit wage logonet, wonok ma'nage menggi kwak aap ti, togop aret eeginabigin o.

Yetaya 41:2

Yoragagerak kuwak ari wogo mbareegwa, it yorage logonet, “Oonegen lagi wage menggim nen eegin tiyak yagak mban ari logowak nduk, ta nen eeppege, At eerukwak a'me nggelok eeppiige logowak nduk, ta nen yonggo pege, Eereegerak mbakop? At nen yi aakumi ndi aakumi tebenogo piinok, unde logowak nduk eeppege, It yi aap ndi aap inendagembogut tebenogo piinet nage logowak nduk eeppege, Eeke kenok, Awooluwak paga liirubu kwak eerogo piige, At eegin-omaale paga pubu anggen wiya nen wonok nggarek ari menggi kwak eerogo piige,

Yetaya 47:14

Wiiringga kani ne ambit pup eerogo nengge menggi kwak it ti, togop aret eeginabigin me, Kani wunuk ari me nen ineebe mbo nagun mondok lek o. Kani wunuk ari nogo ti, kani anggen kwak, Togwi worakkologwe kwak, Wonage lek kani eyak alik mendek aret o.

Yetaya 5:24

It aap ti, at Omaawi Lombok Menggerak Aliku ALA yereegerak liiru mbanak nogo mbo pugwi, At Kikak Nakeelik Alik Leenak Iterali inogoba Ala ari nagagerak nogo meek eerogo pugwi, Eekaarak me, Kani omoonuk wunuk ari logonet, wiiringga mbanak ne ambit pup eerogo nengge, Kani omoonuk wage logonet, iri'ngga mbuk ne ambi lek eerogo nenet nage, Eeke menggi kwak, Ineebe togop aret eeginake logonet, eyo omanggen pili arit unggwage, Liirubu kwak iri'ngga laambu o wiya nen wonok nage, Eeke menggi kwak eeginabigin o.

Yetaya 9:18

Iri'ngga-kale'ngga inom, alok-palok inom, kani pegaatak ne ambit pup eerogo nengge, Eyoongga ku'mbanak wunuk agan nenet nage, Eeke logonet, Ka'luk yarugu-parugu lagangge menggi kwak, It aakumi ti, maluk togop aret eerit nogo menggaarak o.

Yetaya 9:19

At Omaawi Lombok Menggerak Aliku ALA anini ti, wukkani-ndakkani pup eerogo nenet nage menggi kwak O nggween yi togop aret eerit nage logogin o. Kani ambi-mbiingga ti, it aakumi aret me, Nenet nage kenok, at ambi nen at ore ambi abuwa mbakak eerugun mondok lek aret o.

Yetikiyen 20:38

It an yorage nogo eeriyak ineebi mbaka inom, noone tagangga inom, inenggela'me nen ogoorogo piinok, o it wonogwe me nen wogoren wundi woraminggirak kwe, Iterali inanggween paga unggwi nagun lek o. Ti eeke neenok, Naliku ALA an aret ineenu arugun o.

Yetikiyen 21:32

At eebe ti, kani wurik kwak aret me, kani nen nengge, Amiya ti, anggween paga time kilirik-ndoonak nage, Ndi, at endage aberak logogin lek, mari aret age, Eerigin o, Yinuk, Naliku an ALA nen aret yagi,” yegerak me, yokkigi o, yoreegirak.

Yetikiyen 24:11

Eeke logomenggerik, togolowak yonggolak lek we kani anggen paga lunogo puwak o. Kani paga lunogo pemenggerak eyak nen mbuti kwindagala eerogo pege logonet, Togolowak mbuti paga ogobakkigirik enggela'me mbuti lek alik mendek ambi wonage kero kani nengge, Ndi, mili-mili lengge aago wonage nogo lek age, eeruwak o.

Yetikiyen 34:17

It nandomba ti, Naliku Nitok Minggirak an ALA nen eeppiyoorak yoroorak nogo yi aret o. It ndomba-ndomba inom, ndomba ngguunok kambin ngguunok inom, inalitik-inalitak inowak loonogo onggo eeppiyaagin o.

Yetikiyen 7:10

Ti eeppiyoorak ne nogo ari wage, abu aret panggoni wage, aaninggin-paaninggin inoba kwi'nage, it aakumi inogogumbuk nen eerit nugwi nogo wigak ari, iniki tiyappatit nugwi ti mendek mban nik ari, eeke agaarik o.

Yowen 2:1

O Tiyon time oone nggwok eeka trompet nogo oone pu eekwi, At abuut alik leenak nogo paga nen punu negen agan nugwi iinok, kuum-keek yogwe, Eeko logonip o. Aliku ALA woroorak ne muk panggoni wage, Koorok aret panggo yegerak wonage, Eekerak me, Aakumi o yime wonogwe abok aret inaganak wako logowak o.

Yowen 2:31

An kinogoba Naliku Ala woroorak eyom pi wa'nakwi, Aakumi inamineeri ne agan nage, Eekwi iigak, Oonegen apit age, tut inamiya negen age, eerigin o.

Amot 2:9

Eyo nggabina nggorek menggi kwak, Eyo teno omaawi ambik menggi kwak, It aakumi Amori mendek togop aret wonogwe iigak kwe, An naa'nduk nage logonet, ineebe lek eerogo piige, Eyo anggen ira'nggu'me yugu inom, omanggen wurabak inom, lek eerogo pege, Eereegirak o.

Obaya 1:18

It Yakup paga wiganak nogo kani kunik kwak ogwe, It Yutup paga wiganak nogo, kani omoonuk negen ogwe, Eeko logomenggaarik, It Etawu paga wiganak nogo ti, mbato owak mbanak kwak aremenggaarak me, It nen kani wuninogo piyamenggaarak kani pup eerogo nenet nagin o. Nenet nage logonet, it Etawu paga wiganak ti, aap ambit iluk ambi ku'mbo mbaganigin abu lek tigitogon aret nenet nagin o,” yinuk, Aliku ALA nen ari kagarak me, yokkiragi o.

Nakum 1:10

Alok ndele aago menggi kwak, Niyo kumili kunggwi mendek nenok neyak-kweyak agan nogo mengga kwak, at inom wim mbanak ti, togop aret agan nogwe iigak, Wiiringga wiirik kani ne ambit pup eerogo nengge menggi kwak, it togop aret lek eerogo piyaagin o.

Tepaniya 1:14

Aliku ALA nen iya lombok eeri woroorak ne nogo, abu panggo yi wagaarak me, Puk arigin lek mbet-mbet aret eeri woraagin o. Togop me, wone yi liirogon konenggo logonip o. Aliku ALA eeri woroorak ne ti, aakumi iniki wakkoloorak eyom aret me, It aap wim wakaa'ngget nogo kunduk, le yogo logogun o.

Tepaniya 1:18

Naliku ALA woroorak ne nogo ti, aakumi apit ineenggo'lek kobak wonogwe iigak woraagin me, Wage logominggirik, it o nggween paga wonogwe nogo abok aret lek eerogo piyaakit nduk, eeke logonet, It an mu'neren woroorak kwe, alik mugurok nogwe yi neebi a, yinuk, nanini kani kunik negen inoba kwippiige neenok, ineebe lek arugun me, Inamendek mbuti perak paga, mbuti emas paga, inagap ndakkolaagun mondok lek aret o,” yinuk, yegerak me, yokkiragi o.

Takariya 14:1

Kinigen kiigak, kinamendek kugun waganogo tumbukkologo logorak eyom Aliku ALA nen koonogo pereegerak nogo aret ari woraagin o.

Maleyaki 3:15

It aap maluk eeko menggaarak ti, ineenggi warak ogwe, it aap nen, Ala maluk eeppanege kaamun ilik? yinuk, maluk eekwi kwe, ineebe op mban wonogwe, eekwi iigwi me, o yogondak nen it aap iniki wogoppakwi ti, inale'nggen mbako menggaarak yogo logogun, yogwe ti paga niniki andi negen eerogo panugo agaarik o,” yinuk, yegerak me, yokkiragi o.

Maleyaki 3:18

Ti eeke neenok, it aakumi iniki abe koonak logonet, eeka inom, inobaabut nggolawe logonet, maluk eeka inom, inalitak eekwi paga eeppiige, ndi, it nayuk wuko logonet, noone mugurok nogwe inom, nayuk wuka'lek noone mbo pugwi inom, inalitak eekwi paga eeppiige, eeke neyaagun o,” yinuk, yegerak me, yokkiragi o.

Maleyaki 3:2

Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Maleyaki 3:3

Mbuti perak at mendek mban age, abinak age, eeruwak nduk, aap kani woraka kwak a'nuk, eeppiige logogin o. Mbuti emas inom, mbuti perak inom, enete abinak aruwak nduk, kani worako mengga kwak, it Lewi mendek togop aret eerogo piige kenok, ake wogiri wogwe nogo ti, iniki ale'nggen paga wagangge nogo mendek ake pi wogo logogun o.

Maleyaki 4:5

Naliku ALA woroorak ne abu nggwok aakumi inamineeri ne agan noorak mendek koorok panggoni wage kagak, an yoge neegak yoraga Eliya nogo, inowagam nappi wage neyaagun o.

Matiyut 3:12

Gandum anggen ndegeniyak nduk, tenggap at eenggime porogo wonage me, ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik wunuk mban ari menggim nappege, eerigin o,” yinuk, yoragagerak.

Lukat 19:43

Ala yi eyom aret neya wagaarak o, yinuk, yelok koolik me, kame nen wundi nage keyo, it kinom wim mbanak nen yagat wurogo pagagwi, wanggekkakwi, agi-ogu nen, iru-ogwe nen, yigikkabuwok nduk, panggo yi wogwe, eeko logonet,

Lukat 21:20

“It aakumi ineegin warak apit aago o Yerutalem wanggerak wonogwe iigo logomonggotik, O Yerutalem pup eerogo puurak eyom abu panggoni wagaarak kagi, mbarumunggup o.

2 Tetalonika 1:8

it aakumi Ala ineenggo'lek obeelom wone ninowe Yetut eeke nagagerak wone nogo wagangga'lek iinok, maluk onggo wogora woraagin eyom nogo paga niniki tayenogo pinanigin o.

2 Peterut 3:7

Ndi, yogondak mbogut-nggween ninigen kogo monggoorak yi nogo ti, peebi it aakumi Ala ineebi mba'nuk, maluk eeko menggaarak nogo inawone amburu mbanogo inowak loombunuk, ineebe lek eerogo piyoorak eyom nogo paga, o yi, kani pikit nduk, at oone paga porogo wonage wone nogo, it kobak logonet agan nugwi me, peebi age yobok paga eeke kaagun o.