Maleyaki 3:6 - Ala Wone Peenok Peebi Mbanak

⁶ “Naliku an ALA alik ageelik nitok minggirak o. Alom ti paga it Yakup paga wiganak nogo lek eerogo piiga'lek aret wonogo agaarik o.

Maleyaki 3:6 ပူးပေါင်းရင်းမြစ်များ

Wakkagagerak 15:18

Ne ti eyom paga at Aliku ALA nen Abaram yoge logonet, “Nggween yi abok aret niyo Metit kuli nen, nok-nok niyo nggwok Eparat kuli ti, kat kapuri ndaganabemenggendak nogo wogoragi o.

Wakkagagerak 15:7

Mbake nagagerik, wone ambinom yoge logonet, “Kat o yime wokkiriminggirak unde logonok nduk, aakumi Katirim iname yaga'lelo Ut nen wokkeren wundi wagagirak kogoba Naliku ALA nogo an aret o.”

Wakkagagerak 22:16

“At Aliku ALA nen, At Abarakam apuluk ambolom ambit ndarak iniki kunik aret kwe, ili yuulik mondok nggaruk togon wo'negerak me,

Ndawi 102:26

Mbogut inom, nggween inom, ti lek arigin kwe, Kat perak, kitok mondok aret menggendak o. Yum maan yugu me nibik ari kenok, mbo pogo mengga kwak, Yum enete maluk agaatak kenok, Yuwi-mbuwi eerogo mbo punuk, Obaane'me alik ngget mendek yikkologo mengga kwak, Mbogut-nggween yi, togop aret eerigin kwe,

Ndawi 102:27

Kat perak, alik ageelik kitok aret wonage, Nda'nagagindak eyom lek ageelik mondok aret wonage, Eeke menggendak o.

Ndawi 102:28

It kayeloman mini inapuri nit nogo, niniki tayenak ugun aret wonogwe, Ndi, it paga wiganak nit nogo, Kenegen wo'ninake keegak, wigannarit wundi wogwe,” Eeko logogun o.

Ndawi 103:17

Togop aret kwe, It aap Aliku ALA inagabiti mbakwi iniki kunik aganake nogo ti, Lek ageelik o aa'nduk nen nok peebi itok aret menggerak o. Ndi, it inombowologwe nen Inombomini Ala inom wone koonogo pereegerak nogo Liirogon porogo wonogwe, Eeko logorak wone mbo pega'lek ndak-ndak aret eekwi, Eekwi iinok, Aliku ALA nen obeelom eeppiinet wundi wage logogin.

Ndawi 78:38

Togop eekwi iigak kwe, At Ala nen inabuwa mbake, It maluk eeko nogogwaarak paga inoorulik inomaluk nogo mari eerogo piige, “O wiya warit nage nagaatik, Yungguninuk warit wageelik kwak, Aakumi ti, kanggo menggaarak mendek aret o,” yinuk, Abeke nagagerik, anini wuk togon inoba piyoorak mbaketak kwe, Iniki yanggo yinuk puk age, At anini age nogo perak togon eeppiiga'lek tebenogo punuk wonage, Eeke nagagerak o.

Ndawi 78:57

Inombomini iniki mbere logonet, wone liippega'lek Ugun-ugun eerit nogogwa kwak ndak-ndak eekwi, Yigin amborowak kalok wurik me nambukaatak kwe, Ta'mbilak wuk ari menggi kwak it togop eerak wonogwe,

Yetaya 41:13

An nen aret yeenggwa kiraagin me, kinagabiti mbarugup o, yinuk, Kineenggi abe paga pippinaganuk, kinogoba Naliku Ala an nen aret yokkirage agarik o.

Yetaya 44:6

Iterali inowe endagembogut wondet eerogo pinagareegerak Omaawi Lombok Menggerak Aliku ALA nen wone yegerak nogo yi aret. “Aa'nduk togon wonagagirak peebi irip paga mondok logogin ti, an nalik aret o. An Ala wonage neegak, at alik ambi wonage mondok lek aret o.

Yetaya 46:4

An nen aret kinarum wonage neegak, aakelo ari nogwe, Kineeruwak kenen wungge, Eerigin o. Kit kinanebunu warak eerogo pinagareegirak me, Ndegenggiren nage, yeenggwa kiranet nage, kinagap ndake, Eeke logogin o.

Yeremiya 32:27

“It yi aap ndi aap abok inogoba Naliku Ala an aret me, an nen ambi eeriyak meek aret nombaken?

Ndaniyen 6:26

At Ala ti, kanggeelik mondok-mondok eenik wonage, At abu'me piinok menggim lek ageelik mondok wonage, At wone lengganogo yorage menggim kuli pugu lek itok wonage, Eerak aret agaarik o. At nen wondet eerogo piige, inagap ndarogo piige, Mbogut paga inom, nggween paga inom, ineenu agak eeke, Eerubok mendek iya tit eeke, Eeke menggerak o. At Ndaniyen singa inambeme yonggoliyak nduk aago me, agap ndakerak o. Togop me, an wone lengganogo yokkirage yi, kit yi o ndi o an nabu'me pinaganuk minggim wonogwe abok aret nen at Ndaniyen ogoba Ala kinagabiti mbakwi, at mban ayuk wukwi, eeko logomunggup nduk, wone yi liiru mbanogo wumbigi o,” yinuk, liiru mbanogo wumbereegerak.

Oteya 11:9

An nanini kani omoonuk negen mi'nage logonet, it inoba kwippiige, It Eparayim mendek ambinom lek eerogo piige, Eerigin lek o. An aakumi kwak lek o. An Ala kikak nakeelik alik leenak it inenggela'me minggirak me, Nanini nen maluk eerogo piyaakit nduk, woraagin lek o.

Abakuk 1:12

Kaliku ALA wae. Kat kanggeelik mondok kitok menggendak nogo lek a? Kat nogoba Ala maluk eekeelik nogoba obeelom mban wonage menggendak o. It Mbaben mendek nen nit aaninggin-paaninggin eerogo pinanuwak nduk, koonogo piige, Kat yugum kole lunik kwak ninogoba wae. Nit maluk eekwi onggo ninoba kwippinanuwak nduk, kat nen aret it mippiige, Eereegindak kagi o.

Linggineegwaarak 23:19

At Ala ti, aakumi kwak lek me, at oone pilit ari, At aakumi inaput lek me, iniki alik koongge, Eekeelik o. At nen, An yogop eerikit, yegetak ti, a'me aret eeke, At wone mbanggetak ti, a'me aret nggelok ari, Eekeelik mbaken?

Oroma 5:10

Nit Ala ninom ogoorak wonogwe niigak, at aput ninake kambeegerak paga nen Ala ninom lambunogo pinaneegerak me, yogondak ninom kunik wonogwe nogo, Keritut eebe eenik agagerak paga ninagap ndarigin lek me nduk, yogo ogotik? Mondok lek o. Ninom kunik wonogwe me, ninagap ndarigin aret mbako logowok o.

Pilipi 1:6

“At Ala nen obeelom eekkinaburak nduk, aa'nduk eereegerak kuli nogo nen, kinikime eekkinake tit kagak, o age yobok Keritut Yetut woraagin,” an abet aret mbake logonet, yokkiragi o.

Iberani 13:8

Maan inom, yogondak inom, peebi inom, at Yetut Keritut alik ageelik mondok itok aret menggerak o.

Iberani 6:18

At Ala nen wone ambi iniki koombunuk Abarakam abok yoge, ndi, ti'nuk ambi, pilit mbarukwak at endage inom kunogo yoge, eereegerak nogo ti, at pilit puguniyak abu meek me, wone yugu alom mbere, lek eerogo puurak lek mendek aret yoreegerak. Ti yoreegerak paga at Ala nen, “An alik eeriyak niniki koombunuk, yokkiraagin lek o,” yinuk, nit ninagap ndarak mendek, “Wo'niraagin,” yo'niragagerak niniki lunik mugurok nogo monggoorak nogo nen abet mba'nuk, mugurok nogo logowok nduk, abok yoreegerak me, nit mondok mugurok nogo logowok o.

Yakobut 1:17

Ninabuwa nen obeelom eeppinanege inom, wo'niroorak mbake nogo mondok ndak-ndak wo'nirage inom, abok aret agi nen mban wuppinani wage menggerak. Yi o ndi o abok aret eya eeke menggerak alom at ninogoba Ala nen aret wuppinani wage menggerak. At ambi agak eeke logonet, ne ambi paga o yumaak negen age, ne ambi paga o eya negen age, eekeelik mondok itok eya mban aret menggerak.

Wayu 1:8

Aa'nduk wonagagerak, yogondak wonage, peebi logogin at omaawi lombok menggerak ninogoba Ala nen ari logonet, “O maan aa'nduk togon wonagagirak Alpa inom, ndi, peebi irip paga mondok logorak Omega inom, ti an aret o,” yinuk, ari menggerak o.

1 Tamuwen 15:29

At abu tiyanak Iterali inogoba ti, aakumi iniki koonggaatak nogo alik age kenok alik ambi koonggo mengga kwak lek me, at oone pilit ari, at koonggetak alik age kenok, alik ambi koongge, mondok eekeelik o,” yoreegerak.