Maleyaki 3:2 - Ala Wone Peenok Peebi Mbanak

² Woraagin aret me, aap mbuti at mendek mban aruwak nduk kani woraka kwak, aap yum kooka erabun omaawi ambik kwak, eerogo piyaakit nduk woraagin me, wage ti eyom paga aap ta nen ko wappunuk wonage, kin ari wage eyom ti paga aap ta nen ogogumbuk mi'ndak puk wonage, eerigin mbakop? Lek aret o.

Maleyaki 3:2 ပူးပေါင်းရင်းမြစ်များ

Wakkagagerak 19:28

o Torom Nggomora inom, o Yoraran kobappaga nogome inom, ena wukkage nagagerik, o nggween paga nogome kani kunggaatak ka'luk apit eerogo pege menggi kwak, o nogome ka'luk mban apit eerogo pereegerak wukkagagerak.

Ayup 28:1

Mbuti perak nogo ti, nggween kabunogo waganggo menggam wonage, Mbuti emas nogo woraako menggam wonage, Eeke menggerak o.

Ndawi 130:3

Kaliku ALA wae. Ninomaluk nogo kat liiru mbanogo pege logonetak en, Aap ta nen oone ambi yenetak mbakop? Lek aret kwe,

Ndawi 2:7

An nendagembogut nogo nen Aliku ALA wone lengganeegerak nogo yokkira o. “At nen an yo'nege logonet, Yogondak kat an naput age, Ndi, an kat kogoba age, Eekoorak o.

Ndawi 76:7

It aakumi abok aret kat keenok, Inamineeri ne agan nage menggerak me, Kat kanini inoba piige keegak, Aap ta nen ko wappunuk logogin mbaken? Lek aret o.

Kini Wuppiige 25:4

Mbuti perak nggween inom wonage nogo leenogo nappege kenok, mbuti perak mban agaatak me, aap mbuti perak paga ogobakkigika inake age menggerak.

Yetaya 1:18

At Aliku ALA nen ari logonet, “Wone agaarak yi, ninom koonuwok nduk woraawak o. It inomaluk maa'ngga amu kunik kwak wonage ti, ndugu-ndugu abinak kwak eerogo piige, Inomaluk tawi maarak kwak wonage ti, ndomba eeruwak yanggwi kwak eerogo piige, Eerigin o.

Yetaya 33:14

It aakumi maluk eeka o Tiyon wonogwe nogo iniki ma'nage, It aap Ala mugurok noorak ineebi mbaka nogo nen inaganak ngginuk ari, Eeko logonet, “Wologwe wae. Kani nen ineebe lek eerogo nengge me aap ta nen unggwage mbakop? Ndi, aap ta nen kani mondok wunuk mban ari menggim op logorak mbakop? Lek aret o,” yinuk, yugun o.

Yetaya 4:4

At Aliku ALA nen komologwe o Tiyon mendek mili lenggenak wonogwe nogo koorogo piige, ndi, o Yerutalem aap inamiya wambemenggerak aberak logokwak, anini kani negen wunuk ari logonet, eeremenggaarak onggo ndak-ndak eeppiige, eerigin o.

Yeremiya 2:22

Wun yanengga paga punuk ineebe paga nggunggologwe, Tapon paga ngguu'mo wakak mban eekwi, Eekwi kwe, Maluk inoba lenggenak itok aret wonage iige agarik o,” yinuk, Aliku Itok Menggerak ALA nen yegerak me, yokkiragi o.

Yetikiyen 22:14

An nen at maluk onggo eeppuurak eyom paga at mondok nu'lek eeppunuk wonage, eenggi omaawi lombok eeppunuk wonage, eeke kaamunggun mbaken? Mondok lek aret o. Naliku an ALA nen yagarak me, an nen aret eerigin o.

Ndaniyen 11:35

O age yobok eeriyak ne koonogo pereegerak aret woraagin me, awo ari waga'lek kagak, it aakumi iniki warak nen mamuniraga eegu inoorogo piyamenggaarak nogo ti, iniki kole aruwak nduk inabut mbanggwi, iniki abe koonak wonogwe iyaawak nduk eeppiigwi, iniki kikak naka'lek iyaawak nduk eeppiigwi, eekwi iigak, o age yobok panggoni woraagin o.

Yowen 2:11

Aliku ALA awuri ineegin warak inaame nggwe a'nuk oone ngguurubu kwak wone lengganogo yorenet nage, At awuri aap wim eeka ineebe ambik aago nogo yorage, It at yorage konenggwi nogo, inomaawi ambik aret me yorage, Eeke agaarik o. Aliku ALA woroorak ne ti, mondok iya aakumi inamineeri ne agan nage nogo mendek aret me, Aap ta nen ko wappunuk logorak mbakop? Lek aret o.

Nakum 1:6

Aliku ALA anini nen eeppiige nogo, aap ta nen ko wappunuk, logogin mbakop? At anini kani kunik negen eeke kagak, aap ta nen ogogumbuk puk arigin mbakop? Lek aret o. At anini kani kunik negen yumbunogo wuppi wage nagaarik, Enegen kagak, puut-puut yanggu-yanggu wambit wage kagagirak o.

Takariya 13:9

It mbere inooke logonet, ambi teppigin nogo ti, mbuti perak at mendek mban aruwak nduk, kani paga worako mengga kwak, Mbuti emas etenggen yelok kaawak nduk, kani paga worako mengga kwak, It togop aret eerogo piyaagin o. Ti eeke neenok, it nen an nendage kunogo nggino yo'nugwi iinok, naruk konembunuk, yorage logogin o. It an napuri aret o, ari neenok, it nen kunduk, Aliku ALA ti, ninogoba aret o, yinuk, yogo logogun,” yegerak o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Matiyut 25:10

Yorogo mbareegwa, kunggola nogwe iigak, at kwe kolage nogo wage nagagerik, it pipuk eereegwaarak nogo inom laago larak noorak nduk, oome unggunuk, tu nareegerak.

Marakut 9:3

Enete alik lombok age nagagerik, ambogoyum laambu abinak ndelenak-welenak eereegerak. It mbogoyum laambu abinak aruwak nduk kooko mengga kwak ti lek o. Ata, abinak abu alik negen laambu lombok age mbareegi,

Lukat 2:34

Pi wakwi iigak, at Timeyon nogo nen ale'nggen agalo-ogoba inoba piige logonet, at agalo Mariya nogo yoge, “Elege yi, it aakumi Iterali mendek apit aret tiyappiige-tebeppiige, eeke logowak nduk, at Ala nen mippereegerak o. Aakumi ineenu aruwak nduk, mippereegerak kagak, aakumi apit, Nineebi o, yinuk, yogwe nogo paga inikime mbakwi nogo tena'me age logogin o.

Lukat 21:36

Ti eekkinaburak nogo kinomaawi togon kinogogumbuk logonet, waganggo logomonggotik, an aap aret nda'nagagirak nenggaanom paga mi'narubagip nduk, tamban mban eeko logonet, kiniki tum wakkologo logonip o,” yinuk, yoragagerak.

Lukat 3:17

Gandum ndegengge menggim abu ndegembunuk, eebe kenok, kuwak eerogo tilaabaga pege, ndi, ameneno kenok, kani noguk ariilik kunik mban menggim nappege, eeruwak nduk, tenggap at eenggime porogo wonage o,” yinuk, yoragagerak.

Lukat 3:9

Ye eyo alom muk kundugu agaarak me, yi eyo ndi eyo anggen abe mendek yege lek kenok, muurogo kani kunik me mambigin o,” yinuk, yoragagerak.

Lukat 7:23

Ndi, kit an eeke minggirak paga kineebi nombakulik kiinok ti, kinale'nggen aret logomunggup o,” yinuk, yoragagerak.

Yaya 8:55

Kit at eebe kineenggo'lek kwe, an perak, at eebe neenu aret o. At eebe an neenggo'lek yenetak en, kit pilit pugunggo monggop kwak, an togop aret pilit puguninetak o. At eebe neenu me, at oone an eeke minggirak aret o.

Iberani 12:25

at nen wone yokkirage nogo konembunuk, mbo pugup o. Liirogon aret porogo logonip o. At nggween paga logonet, Ala nen eeriyak mbareegerak nogo yorage mbareegi, “Nineebi o,” yinuk, mbo pogo mbareegwa, Ala nen teppiyoolik mondok inooreegerak me, yogondak at mbogut paga wonage nogo nen wone yo'nirage nogo mbo pugwi niinok, nit teppinanigin mbakop? Lek o. Mondok ninoorigin aret o.

Wayu 19:8

inoone yogwe iigak, akwe nogo wage mbaki, ayum ambi abu yawenak kikak naka'lek abe laambu yanggwi negen lan aago yikkolawak nduk, wogoge kagarak. Ndi, ayum abe yawenak nogo ti, it Ala apuri ake leenak nen maluk eeka'lek obeelom mban eerit nugwi nogo kwak aret kagarak.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.

Wayu 7:14

Yo'nege mbaki, “Nogoba o. An neenggo'lek me, kat nen mban yu o,” yoge mbaki, at nen an yo'nege logonet, “Lek o. It aakumi yi, aaninggin-paaninggin mondok alik negen eeppiigwi iigak, inenggela'me nen wundi wagaarak nogo ineebe yi aret o. It nogo ti, inayum laambu yanggwi negen aruwak nduk, Ndomba Aagaluk amiya nogo paga inayum kookkologogwaarak me,

1 Tamuwen 6:20

Leenggu maako mbareegwa, it aap Mbet-Temet mendek nogo nen, “At Aliku ALA nogo ti, abu kikak nakeelik at Ala alik leenak menggerak me, ta nen at enggaanom paga eenik logorak mbakop? Meek aret me, Ala aloobut mbanak ti, nit wonogwe me yime logorak lek wonok nggeeme pi nawok o?”