Maleyaki 3:15 - Ala Wone Peenok Peebi Mbanak

¹⁵ It aap maluk eeko menggaarak ti, ineenggi warak ogwe, it aap nen, Ala maluk eeppanege kaamun ilik? yinuk, maluk eekwi kwe, ineebe op mban wonogwe, eekwi iigwi me, o yogondak nen it aap iniki wogoppakwi ti, inale'nggen mbako menggaarak yogo logogun, yogwe ti paga niniki andi negen eerogo panugo agaarik o,” yinuk, yegerak me, yokkiragi o.

Maleyaki 3:15 ပူးပေါင်းရင်းမြစ်များ

Etet 5:10

Anini alik negen agagerak kagak iniki yanggo yinuk, ame nage nagagerik, at oreewi inom, akwe Tereti inom, woraawak nduk wiiragagerak wogo mbareegwa,

Ayup 1:22

Ti abok aret oba age kagak, at Ayup nen, “Ala nen aret maluk eeppanegerak o,” yinuk, mberege, maluk ambi eeke, eerulik aret o.

Ayup 12:6

It aap o piyangga nogo iname op aret wonage, Inagugi yonggolak wonok nugwi nen Ala anini wunduwak nduk eeppugwi nogo, Iniki ugun tayenak aret wonogwe, Eeko agaarik o.

Ayup 21:30

Yorogwe kiinok, it maluk eeka aaninggin inoba age kagak woppakwi, Ala anini eeppiige kagak inagap ndakkologwe, Eeko menggaarak, yokkiraagun obak!

Ayup 22:23

Kat kiniki tebeppatinuk, komaluk mbo pege logomenggendik, At Omaawi Lombok Menggerak owagam wage, It kame kinom wonogwe nogo maluk eekwi iyo, Mage, yorage,

Ndawi 10:3

“Niniki nengge nogo aret eerit nogo ogoorik o,” yinuk, wogoppakwi, It aap yi mendek ndi mendek mban kolaawok, mbarit nugwi nogo inendage tiyappiigwi, At Aliku ALA endage meek eerogo pugwi,

Ndawi 106:14

O karume nen iniki uugwe mbakwi nogo wogoraga'lek kenok, Ala mberugwi, Aakumi lek me karume, “Ala anini wungge kaamun ilik?” yinuk, abut mbanggwi, Eeko mbareegwa,

Ndawi 141:4

Maluk eeriyak uugwe mbake, It aap maluk eeka nen maluk eerit nugwi nogo ninom a'nuk eerit nage, Iniki nomonuwak nduk, Ineenggi amburu agago lakwi nogo, ninom nengge, Eeke neyo, narum logot o.

Ndawi 49:18

Ineenik wonogo logonet, “An abu obeelom mban agarik,” mba'nuk, Iniki ale'nggen mbakwi, “Aap yi, eenggi warak lombok me, Wi!” yogwe, Eeko logomenggaarak kwe,

Ndawi 58:2

Lek aret o. Yiluk-yiluk inowak loonuwok nduk, koonggwi, Eekaatak liirogon koonggwi lek Kinoone omaawi paga, “Eekendak o,” yinuk, Aakumi o yime maluk eeppiinet nogwe, Eeko ogotik o.

Ndawi 73:12

It aap maluk eeka ti, togop aret logonet, Inamendek ambinom mban kuwak eerogo pako nagaatik, Inale'nggen mbakak wonogo menggaarak o.

Ndawi 78:18

Iniki koombunuk, Ala abut mbanggo logonet, “Niniki uugwe mbakwi ndak-ndak mbi wo'niret o,” yinuk, Inoone omaawi paga Ala yogwi,

Ndawi 78:41

Ko'lu-kii'me Ala abut mbanuwok nduk wakkagak eekwi, At Kikak Nakeelik Alik Leenak Iterali inogoba nogo Iniki andi eerogo pugwi,

Ndawi 78:56

Togop eereegerak kwe, Ala abut mbanuwok nduk wakkagak mban eekwi, At Tiyanak Lombok Menggerak nen yorage ineebi mbakwi, Aberak logorak wone yoragagerak nogo pipporogo wonaga'lek mbo pugwi,

Kini Wuppiige 12:12

It aap maluk mendek nen, “It maluk eeka nonggop eeppiinok inawu kologwe nogo, nit togop eeruwok lak, ao,” mbako menggaarak kwe, It aap iniki abe koonak nogo ti, eyo omanggen abe yarak logonet, anggen yege menggi kwak wonogo menggaarak.

Wone Alom Kibingga 8:14

Ambi o nggween paga yime we aanom warogo age kagagirak nogo yi o. It aap maluk mendek nen eekwi paga eeppiyoorak nogo, aap iniki abe koonak nogo inoba age, ndi, it iniki abe koonak nen eekwi paga eeppiyoorak nogo, it aap maluk mendek inoba age, eeke kagagirak o. Ti kunduk, we aanom warogo liippit ungguurak kagagirak.

Yetaya 2:22

Togop aret me, it inambe aagi ne ambit wumbunuk kanggo menggaarak aakumi nogo Ineebe paga kiniki panggombunuk logorak mage o. It aakumi ti, nano kwak me, iya inombariyak mbakop? Lek aret o!

Yeremiya 7:10

an nendage ki logorak koonogo pereegim nawi wurik me time it an nenggaanom mi'nari wa'nuk, Nit ugun obeelom aret ogoorik o, yogo logonet kwe, ti'nuk, ogole warak mendek ti nogo ambinom eerit nogo menggaarak o.

Ndaniyen 4:30

“An nendagembogut minggim o Mbaben mondok tiyanak lombok wonage yi, an nomaawi paga pippunuk logonet, eerogo pit nage, nayuk warak neenok, Endage tiyanak wonage me iya! yuwak nduk eerogo pege, eereegirak yi aret nogo lek a?”

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Ndaniyen 6:16

Yogo mbareegwa, at aap endagembogut nogo nen, “Ndaniyen wa nanuk, mbuun ambena singa wonogwe me mbo wuppinip o,” yoragagerak wuppugwi iigak, “Kat ko'lu-kii'me alut eekak mban eeke menggendak kogoba Ala nogo nen aret kagap ndarigin o,” yinuk, at aap endagembogut nogo nen Ndaniyen yoreegerak.

Maleyaki 2:17

Kinoone agan nugwi paga at Aliku ALA koneniyak anggon eerogo pogotak kagak kit nen yogo logonet, “Ninoone nonggop yogwe paga at koneniyak anggon eerogo pogoorak?” yogwe ti paga an yokkira o. Kit nen yogo logonet, “It aakumi maluk eeko menggaarak ti, at Ala nen inooka'lek teppiige me, Op aret eekwi, mbake,” yogwe, ndi, “A'me nggelok eeke menggerak Ala nogo ngge o?” yinuk, yogwe, eekwi ti paga at Aliku ALA kinoone koneniyak anggon eerogo pogotak me nduk, yokkirage agaarik o.

Maleyaki 4:1

At Omaawi Lombok Menggerak Aliku ALA nen ari logonet, “An nen aakumi eeppiya woroorak ne nogo ti, abet aret woraagin o. Yugum kani pugu wunuk ari menggi kwak, woraagin me, it aap iniki wogoppatit nega inom, maluk eeriyak mban mbaka inom, wiiringga kani nenet nage menggi kwak nenet nagin o. Ne ti paga kani nenet nage logonet, wiiringga owak inom, omanggen inom, pup eerogo nengge menggi kwak, togop aret eerogo nagin o.

Nappiigak 12:21

“Ndi eyom paga kuwak eeruwok o,” yinuk, koonogo pereegerak nogo eyom paga at Keroret nogo mbogoyum aap inendagembogut yikkologo menggaarak mendek yikkolage nagagerik, wone amburu mbangge menggim taa'nogo kwi'nari lagangge nagagerik, wone iya lombok aret yoragagerak.

Nappiigak 5:9

Yoge mbareegi, Peterut nen at yoge logonet, “Kogonggelo kimbirak wone ambit mbambogo nogotik, nonggop nduk ninogoba Aberiniki ambokan laganggotak? Kimbirak Aberiniki ambokan laganggotak me, it aap kat kogonggelo nggween taambi nagaarak nogo nen yogondak kat kunduk wokkeren noorak nduk, tungga'nggi paga unggwi wogwe yi iyet o.”

1 Korindut 10:9

It ando nen, “Ala nonggop ee'ninake kaamun?” yinuk, anini eeppogo mbareegwa, waalo nen eyak mbaninabit nage mbareegi, kambit nogogwaarak nogo kwak, nit togop aret kambit nookwak, “Nonggop ee'ninake kaamun?” yinuk, Ala anini eeppuurak mage o.

Iberani 3:9

Karume time tahun 40 paga kinombomini inenggela'me eerit wage nogo, inigen kogo logonet kwe, Anini wungge kaamun ilik, lek a? yinuk, liirit-laarit yogak mban eeko nogogwaarak me,

1 Peterut 5:5

Togop me, kit aap tawe nen eeko logorak wone ambi yokkira o. Kinogobamini nen inoone yokkirogwe iinok, kinaruk liirogon konembunuk eeko logonip o. “It aakumi iniki wogoppako menggaarak kenok, Ala nen tebenogo piige menggerak kwe, Iniki tebenak wonogwe iinok perak, Inabuwa nen obeelom eeppiige menggerak o,” yinuk, yereegerak Ala wone liiru mbanak wonage me, kit abok aret kiniki tebenak logonet, yeenggwa-yeenggwa eeko logonip o.