Maleyaki 2:9 - Ala Wone Peenok Peebi Mbanak

⁹ Eeko logorak mbake minggirak nogo, mugurok naga'lek mbo punuk, eeko logorak wone yugu nogo mamuninako logonet, inete yombonogo piinok, mamuninako menggaarak ti paga it aakumi nen meek inombakwi, inendage tebenogo piigwi, eeruwak nduk, eerogo piyareegirak o,” yinuk, at Omaawi Lombok Menggerak Aliku ALA nen aret yegerak me yokkiragi o.

Maleyaki 2:9 ပူးပေါင်းရင်းမြစ်များ

1 Endagembogut 22:28

Yorage mbareegi, at Mika nogo nen, “Kat wim eeri nage logomenggendik, kiyokan obeelom aret wage keenok, an yokkigirak yi, At Aliku ALA nen yorulik kagak yo'negerak, mbarumunggun o.” Yoge nagagerik, “Kit aakumi apit yi wae. An yagarak ti, liippinip o,” yinuk, yoragagerak.

Ayup 32:21

Eeke logonet, an aap ambi wogoppege neenok, At ogobakkigirogo paneegerak nogo nen nenggaawak lek eerogo panigin me, Aap ambi nimbirak agak eeke, aap ambi wogoppegak eeke, Eerigin lek o.

Kini Wuppiige 10:7

Aap iniki abe koonak inoba abekwi iinok, inale'nggen mbako menggaarak kwe, It maluk mendek perak, inendage yogolik aret menggaarak.

Kini Wuppiige 12:8

Aap iniki warak ti ndak-ndak “Wi!” irogo menggaarak kwe, It aap maluk iniki nggolawe kenok perak, meek lombok eerogo piigo menggaarak.

Yetikiyen 13:21

Inagali yirik inom, inayumage langgunik inom, nggoorogo wuppege, kumi ti, ineenggime nen napuri wondet eerogo piige, eeke neenok, it eeginaburak mbakwi nogo ena lek eerogo pigin me, ti paga Naliku ALA an aret ineenu arugun o.

Yetikiyen 7:26

Aaninggin-paaninggin eeppiya wagak mban eeke, Ndogop eeppinagi woraagun o, yinuk, yora wagak mban eekwi, eekwi iinok, Ala yorage kagak yoraga nen inabi paga yo'niraawak, mbakwi, Ala unde nen eeko logorak wone mamunniraawak o, yinuk, yogwe, ndi, Ninoweewi nen wone kini wuppinanuwak o, yogwe, eeremenggaarak kwe, lek aret kaagun o.

Mika 3:11

Wu kolaawok nduk, maluk eekaarak nogo yiluk-yiluk inowak loonggwi, Onggo wokkiraawak nduk, Ala unde nen wone mamunirogwe, Wu waawok nduk, Nabinggaanggo paga, Ndogop eekkinake kagaarak o, yinuk, yorogwe, Eeko monggotak kwe, Aliku ALA endage kumbunuk kinoone yogo logonet, “Aliku ALA ninenggela'me wonage nogo lek a? Wonage aret me, Maluk eeppinanigin mondok lek aret o,” yinuk, yogo monggotak o.

Nakum 3:6

Ogole warak mendek keebe paga lengge eerogo pege, Ogole warak yi, neebi a, yinuk, yokkege, Aakumi nen, Yi aago wonage iya, yinuk, yokkogo logowak nduk eerogo piige, Eerigin o.

Maleyaki 2:3

“It an neebe unde nogo, eekwi paga it paga wiganak aaninggin inoba kwippiige, it inale'nggen nen laago lako logonet wam waremenggaarak aanagale kilirik nogo, inete paga aambiranogo piige, eeke neenok, aakumi nen wam aan kilirik ti, wonok mbo pi nogo logonet, ineebe inom yabonogo mbo piya nagun o.

Maleyaki 2:8

it an neebe unde yi nen perak, tu abe paga noorak yorage minggirak nogo, mbo punuk alik mendek mamuninabit nogwe paga it aakumi apit aret iniyogobit lik togon wambit nogo menggaarak. It Lewi ninom eeko logorak wone koonogo pereegirak nogo, taganogo mbo pereegwaarak o.

Lukat 10:29

Yoge mbareegi, aap nogo, “An op aret,” nombaruwak nduk, Yetut yoge logonet, “Ndi, niniki kunik eeginabikit nen it ninom wonogwe ta o?”

Lukat 11:42

Kit Pariti mendek yi, wone a'me mban koonggwi, Ala kinom kiniki kunik eekwi, ti eeka'lek logonet, we liboongga logwe, numbuk engga logwe, mbiingga logwe, nogo mban nibinogo Ala ake pugwi me, kinabuwa! Wone alom nggwok ti, eeko logonet, mbuulogwe-mbaalogwe ti inom nabenogo eeriyak me eeko monggotak o.

Nggalatiya 2:6

Ndi, it ninoweewi inendage warak yagarak nogo ti, Ala nen ninetenggen maloppinaninuk, ambi yi, iya, ambi yi, meek, ninombakeelik me, an togon inendage ti paga iya mbakeelik kwe, it ninoweewi inendage warak me, it nogo nen, “Kat yorage menggendak ti, wone yi inom eeko logowak nduk yorage logot o,” yinuk, an yo'nugwi lek puk mban wonogwe iyareegirak.

1 Tamuwen 2:30

At togop aret eeke me, Naliku Iterali inogoba an Ala nen, At apuri inom, at anebunu mendek inom, it aap neebe unde a'nuk nawi wurik me nenggaanom paga mondok-mondok nake eeko logowak o, yinuk, noone abuk nggaruk togon yoragagirak kwe, yogondak nen wone ti eeriyak abu meek aret aga o. Aap ambit nen an tiyappanege kenok, an nen aap ti aret tiyappege, ndi, aap ambit nen an meek eerogo panege kenok, an nen aap ti meek eerogo pege, eeke minggirak me,