Maleyaki 2:7 - Ala Wone Peenok Peebi Mbanak

⁷ It aap an neebe unde nogo ti, Nomaawi Lombok Minggirak Naliku an ALA nayonggo aret me, it aap neebe unde nogo nen yi wone ndi wone ugun yoraga'lek inoone liippunuk yorogwe, it inambe paga abet mban wungge nogo paga mamunggolaawak nduk, yorogwe, eeko menggaarak kwe,

Maleyaki 2:7 ပူးပေါင်းရင်းမြစ်များ

2 Endagembogut 16:11

Nappi wage mbareegi, Ala unde Uriya nogo aap endagembogut Akat Ndamitik nen awo waga'lek kagak warogo wogogo menggam ogut wakkagak eerogo nappi wagagerak nogo, ndak-ndak aret ogobakkigireegerak.

2 Endagembogut 16:16

Yoge mbareegi, at aap endagembogut Akat yoreegerak nogo, aap Ala unde Uriya nen ndak-ndak aret eereegerak.

2 Mbinineegwaarak 30:22

It aap Lewi mendek abok aret Aliku ALA ake eeko logorak nogo iniki warak lombok logonet, eekwi at Kitikiya nen iige nagagerik, “Op lombok eekotak o,” yinuk, wogoppiyareegerak. Ndi, Ala ake warogo wogogo logonet, Ndi mendek mbanak kenok Lewi mendek inake wogorogo logorak, yugu nogo ndak-ndak nunggwi, Ala inom lambunik logorak ake warogo wogogwi, eeko logonet, inombomini inogoba Aliku Ala, “Wa,” yinuk, alut eekwi iigak, nogo 7 yereegwaarak.

2 Mbinineegwaarak 31:4

ndi, eeko logorak Aliku ALA wone yereegerak liiru mbanak nogo, li'lak eerit nogo logowak nduk, Ala unde inom, Lewi mendek inom, inake wogorogo logorak wone yugu nogo ndak-ndak wogorogo logowak nduk, it aakumi o Yerutalem wonogwe nogo wone lengganogo yorage, eereegerak.

Etara 7:10

Unggwi wogo nogogwaarik, at Etara nen eeko logorak Aliku ALA wone yereegerak liiru mbanak nogo pekkanet unggwage, liirogon aret eerit nage, eeke logonet, wone, “Yogop ee'nu ndogop ee'nu,” yugu inom, wone lengganak inom, it aakumi Iterali mamunirage nagagerak.

Etara 7:25

Ndi, kat Etara wae. It aap o nggwok niyo Eparat enebaga oonegen kilu nage menggim pa'nggwe wonogwe nogo, abok aret inarum wonogwe, inowak loonggwi, eeko logowak nduk, it aap kogoba Ala wone eeko logorak yugu nogo ineenu kero, kogoba Ala iniki warak lombok kat wokkereegerak paga koonogo mippiige, ndi, it aap Ala wone yugu ineenggo'lek iinok mamuninake, eeke logomunggun o.

Wone Alom Kibingga 5:5

“Yogop wokkirigin o,” yinuk, kumbuk mbaniyak lek puk logorak ti op aret kwe, “Ndogop wokkirigin o,” yinuk, kumbuk mbanemenggendak ndak-ndak eeka'lek kenok ti perak, maluk aret o.

Yetaya 42:19

Aap enegen mbuk ta agaarik mbakop? Lek o! Nayeloman aret! Ndi, aap an nappigirak aruk logu kwak ta wonage, Aap an noone wonok naga enegen mbuk kwak ta wonage, Naliku ALA nayeloman enegen mbuk kwak ta wonage, Eeko agaarik mbakop?

Yetaya 44:26

Ayeloman mini nen wone yorogwe nogo omaawi eerogo piige, At nappiigetak yora nogwe nogo a'me nggelok yuwak nduk eeppiige, Aakumi o kota Yerutalem logogun o, yinuk, ari, It Yekura wonogo menggam kota-kota yigirogo pugu nogo obaane'me wurigin o, ari, Aa'nduk wonagagi kwak eerogo pigin o, ari,

Yeremiya 15:19

Yoge mbaki, at Aliku ALA nen yo'negerak nogo yi aret. “Kat komaluk mbo punuk, kiyokan yungguninuk neya wage keenok, Aa'nduk eeke nagandak kwak eerogo pagage neenok, nake eerit nage logonok nduk eeppagage, Ndi, koone abe lek ugun-ugun agan nage nogo mbo punuk, wone abe mendek mban agan nage keenok, An ari neegak yoraga mendek eerogo pagage, Eerigin o. Kat nen it iya nagak eerugun o. Ata, it nen mban kat keya wagak eeko logowak o.

Yeremiya 18:18

Yorage mbareegi, it aap ineebi nombakwi nen yogo logonet, “It aap Ala unde nen eeko logorak wone mamunnirogwe nogo lek age, it aap iniki warak nen ninaruk wakwi nogo lek age, ndi, Ala nen yorage kagak yoraga nen nit yo'nirogwe nogo lek age, eerigin lek me, aap Yeremiya ari menggerak ti, lek eerogo puurak koonuwok nduk, woraanip o. At wone yo'nirage nogo aret abut laganogo at yogwi, ndi, at, Yogop eeriyak, ndogop eeriyak, yo'nirage liippega'lek mbo pugwi, eekwi paga oone lek arigin me, eeruwok aret o,” yinuk, yereegwaarak me,

Yeremiya 2:8

It aap an neebe unde nen, Ninogoba Aliku ALA ngge o? yinuk, ambinom yo'nugwi, Eeko logorak wone yugu yoraga nen an ambinom liippanugwi, Eeka'lek wonogogwaarak o. It inoweewi nogo nen, At yo'nirage nogo eeriyak nineebi o, yinuk, An mbo panugwi, Ndi, an yorage neegak yoraga nogo nen kugi ogut aanom warogo alut eeko menggaarak kagak mugurok nogo logonet, At kugi Mba'an nen yorage kagak yorogwe, Eerit nogo nogogwaarak.

Yetikiyen 22:26

It aap an neebe unde o time wonogwe nogo nen an noone yugu liiru mbanak nogo meek eerogo pogo logonet, ugun taganogo pit nogwe, nake alik leenak namendek nogo maluk eerogo pugwi, eeko logonet, Yi mage o, yi eeriyak o, yugu nogo yelok kaga'lek ugun eerit nugwi, Yi ogole warak o, Yi ogole warak lek abe o, yinuk, yogwe nogo, Ti alik lek ambit aret o, yinuk, mamuninabit nogwe, nogo 6 yippunuk, ko'lu paga yonggonggologo logorak leenogo pereegirak kagak eekwi iigak, inigen iyoolik yuwak puk wonogwe, eekwi paga it inenggela'me an nendage nogo ayuk lek aret agagerak o.

Yetikiyen 7:26

Aaninggin-paaninggin eeppiya wagak mban eeke, Ndogop eeppinagi woraagun o, yinuk, yora wagak mban eekwi, eekwi iinok, Ala yorage kagak yoraga nen inabi paga yo'niraawak, mbakwi, Ala unde nen eeko logorak wone mamunniraawak o, yinuk, yogwe, ndi, Ninoweewi nen wone kini wuppinanuwak o, yogwe, eeremenggaarak kwe, lek aret kaagun o.

Ndaniyen 11:33

It aakumi inenggela'me aap iniki warak nogo ti nen eeko logorak wone nogo, liippuwak nduk, mamuniragak eeko logogun kwe, ne mande negen age kagak, it aap mamuniraga ti, wooluwak paga inookwi, ineebe kani paarogo piigwi, keele maarinakwi, ndi, inamendek kugun waganggwi, eeko logogun o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Ala Unde 10:11

It aakumi Iterali ineenu aruwak nduk, Naliku ALA wone lengganogo Muta yoreegirak nogo abok aret kapuri kinom nen aakumi Iterali mendek mamunirogo logomunggup o,” yinuk, yoreegerak.

Tepaniya 3:4

At enggela'me it Ala nen yorage kagak yoraga nogo ti, liirogon yoraga'lek ugun-ugun yorogwe me, “Yi abet aret yo'nirogwe,” mbaka'lek wonogwe, At enggela'me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.

Agayi 1:13

Inagabiti mbako mbareegwa, aakumi yoraawak nduk, Aliku ALA nen nappi wagagerak Agayi nogo nen at Aliku ALA yoreegerak nogo it yorage logonet, “At Aliku ALA nen, An ninom aret logogin, yegerak o,” yinuk, yoragagerak.

Maleyaki 3:1

At Omaawi Lombok Menggerak Aliku ALA nen ari logonet, “An woraawam tu yarogo panuwak nduk, nayonggo nappi wage neyaagun o. Tu yarogo panege kenok, Ninogoba woraawak lak, ao, mbakwi nogo, nawi wurik me time unggwi nage, ndi, at inom wone abuk nggaruk togon koonogo puwak nduk, Nappi woroorak, mbakwi nogo, abera'lek me aret wage, eerigin o,” yinuk, yegerak.

Linggineegwaarak 27:21

Mippege keenok, it Iterali mendek abok aret at Yotuwa nen, Wundi nanip o, yorage keenok, wundi nogwe, ndi, Unggwi wa'nip o, yorage keenok, unggwi wogwe, eeko logowak nduk, an mbake ineenu agak yugum Urim Naliku ALA nenggaanom paga wonage nogo, aap an neebe unde Eleyatat nen at Yotuwa eeke logorak yugum Urim nen awone yoruwak nduk, at Yotuwa nogo owagam taati puk a nawak o.”

Yaya 13:20

Kit ambi nen it an nappiya wage minggirak nogo wogonakwi kiinok, an aret wo'nakwi, ndi, an wo'nakwi kiinok, at nappani wagagerak nogo aret waganggwi, eeko logomunggup o, yinuk, mondok abet aret yokkiragi o,” yoragagerak.

Yaya 20:21

Inale'nggen ambik mbakwi iigak, Yetut nen ambinom yorage logonet, “Noreewi o. Kiniki kwippinip o. An nogoba nappani wagagerak nogo kwak, an nen kit nappinagage agarik o.”

Nappiigak 16:17

at kolaga nogo nen, “At Tiyanak Lombok Menggerak Ala ayeloman kinagap ndariyak wone yokkira wogwe yi, iyaanip o,” yinuk, kwa kunik agan Pawulut ninom ninambokan mu'neren wagagerak.

2 Korindut 5:20

Togop kenok, nit Keritut obaane'me oone wonok yoranet nugu logowok nduk, mippinaneegerak logonet, Keritut eereegerak ti paga, “Ala kinom ogoorak logorak lek o. Kinom lambuninip o,” yinuk, Ala nen oone nabek togon yokkirobogom nit aret yokkirogo ogoorik o.

Nggalatiya 4:14

Andi ee'nabeegerak paga neebe abu maluk me, “Anggon lombok ndegeniyak yi, nineebi a,” yinuk, nogole nen mbo paniyak op aret kwe kagak, “Yi Ala nappiige menggerak malayikat kwak, yi Keritut Yetut kwak,” nomba'nuk, neebe wo'nako nogogutik, ndegennako nogogutak nogo o.

Pelaareegerak 21:5

Ndi, it aap Ala unde inanebunu Lewi mendek nogo ti, at Aliku kinogoba Ala eebe unde logonet ake eekwi, at Aliku ALA endage paga inale'nggen inoba piigwi, wone ambi age kenok koonggwi, aap wat-wat yemenggaarak kenok inawone mbanggwi, eeko logowak nduk, mippiyareegerak me, tapi warak wonage me taa'nogo iigak,

Pelaareegerak 24:8

Kinagabolo paga kinawin aaga'ne nogo mendek eekkinake kenok, eeko logorak wone an nen it aap Ala unde Lewi mendek yoragagirak mamunggirogogwaarak nogo, mondok liippunuk aret eerit nogo logomunggup o.

1 Tetalonika 4:8

Togop me, aap ambi nen, “Wone yi, Ala nen yegerak lek o. Aakumi nen aret yagaarak o,” yinuk, taganogo mbo pege kenok, at nen aakumi mbo piige ti lek o. Ata, at Aberiniki wo'nirage Ala nogo aret mbo pege menggerak o.

1 Tamuwen 2:17

It Eli apuri mbere nen togop eeriyak inayeloman yogo nogogwaarak nogo ti, Aliku ALA ake warogo wogogwi abu meek mba'nuk, yogo nogogwaarak me, Aliku ALA enegen kagak maluk nggwok lombok eeko nogogwaarak.