Maleyaki 2:5 - Ala Wone Peenok Peebi Mbanak

⁵ “It ninom wone abuk nggaruk togon koonogo pereegirak alom nogo ti, it aakumi ineenik logonet, iniki ugun tayenak logorak inake eerit nogo logowak nduk, koonogo pereegurak me, nayuk wuko logonet, ti aret eerit nogo logowak nduk, eeppiyareegirak. Nayuk wukwi, nendage kunggo logonet, inaganak wake, eeko nogogwaarak.

Maleyaki 2:5 ပူးပေါင်းရင်းမြစ်များ

Kini Wuppiige 14:2

Aap koonak eeka nen Aliku ALA agabiti mbake menggerak kwe, Aap eeriyak kagak nggolawe eeka nogo nen perak, Ala meek mbake menggerak.

Yetikiyen 34:25

It nandomba ti, ninom lambunik logorak wone ninom koonogo pigin o. Ndi, o karume time iniki ugun tayenak wonogwe, eyonggaame ugun nogo yit nugwi, eeko logowak nduk, an nen mba'ngge inanini warak nogo, o nggween ti paga nen inenggaawak lek eerogo piyaagin o.

Yetikiyen 37:26

It wone ambi inoba aga'lek iniki ugun tayenak logowak nduk, it ninom wone abuk nggaruk togon koonogo pigin o. Ninom wone abuk nggaruk togon koonogo pigin nogo ti, lek arigin lek mondok-mondok logowak nduk, koonogo pigin o. An nale'nggen inoba piige, ineebe ambik eerogo piige, nalut eeko menggam alik leenak it inenggela'me mondok-mondok logowak nduk, inake koonogo pege, eerigin o.

Linggineegwaarak 25:7

at Ala unde Karun ombooluk Eleyatat apuluk Pinekat nogo nen enegen kage nagagerik, aakumi kuwak aago wonogwe nogo inenggela'me nen wooluwak ambi kambok togon wonok,

Linggineegwaarak 25:8

aap Iterali mendek kwe nogo imbirak muguren ooliya wurik me akem time unggunuk, wooluwak paga aap Iterali nogo inom, kwe nogo inom, imbirak inaanogum peenok polok togon inoorogo piyareegerak. Ti inoorogo piyareegerak paga at Aliku ALA nen Iterali mendek andi inoba piyareegerak nogo lek aret agagerak.

Linggineegwaarak 3:45

“It Iterali mendek aap manggu ndarak abok aret inobaane'me it aap Lewi mendek wogonake, it Iterali mendek inaanggumi iyaalok ndarak inobaane'me it Lewi mendek inaanggumi wagangge, eeru o. Ndi, an ti, Naliku ALA aret me, it aap Lewi mendek ti, an napuri nake eeka aret o.

Linggineegwaarak 8:15

Kat nen it Lewi mendek ti, inabin abu aret koorogo piige, It aap yi, Kaliku ALA kake o, yinuk, titi'nege, eeke keenok, ninom lambungge minggim nawooliya wurik me unggunuk, ineyabu unde eeppiyamenggendak nogo aret eeko logowak o.