Maleyaki 2:17 - Ala Wone Peenok Peebi Mbanak

¹⁷ Kinoone agan nugwi paga at Aliku ALA koneniyak anggon eerogo pogotak kagak kit nen yogo logonet, “Ninoone nonggop yogwe paga at koneniyak anggon eerogo pogoorak?” yogwe ti paga an yokkira o. Kit nen yogo logonet, “It aakumi maluk eeko menggaarak ti, at Ala nen inooka'lek teppiige me, Op aret eekwi, mbake,” yogwe, ndi, “A'me nggelok eeke menggerak Ala nogo ngge o?” yinuk, yogwe, eekwi ti paga at Aliku ALA kinoone koneniyak anggon eerogo pogotak me nduk, yokkirage agaarik o.

Maleyaki 2:17 ပူးပေါင်းရင်းမြစ်များ

Ayup 34:17

At ambi aakumi eekwi ndak-ndak onggo wogorage eebi mbake nogo nen Aakumi inarum logonet, inawone mbaniyak op mbaken? Ndi, it eekaatak ndak-ndak eeppiiga mondok omaawi menggerak nogo, Kat maluk eekendak o, yinuk, at yoriyak op mbaken?

Ayup 34:36

It aap maluk eeka kwak At Ayup nen wone onggo ari ti paga Owak abu li'lak loonit ungguwak lak, Ao, mbake agarik o.

Ayup 36:17

Aap maluk eekwi iinok, onggo eeppiige menggerak nogo Kat koba mban luurik wonage, Eekendak a'me nggelok eeppagage, Komaluk onggo aaninggin koba kwippagage, Eeke nogo nen

Ayup 9:24

Ndi, nggween yi, Aap abet mbaka'lek ineenggime piige logomenggerik, Aap inowak loongga nen wone abe koonggwi iyo, Inigen mbuk kwak eerogo piige, Eeke menggerak o. Ti eerit nogwe nogo ti, At Ala nen eerulik mbakendak kenok, Ta nen eekerak me nduk ari agandik?

Wone Alom Kibingga 8:11

Maluk eekwi onggo mbet-mbet inoba kwippiiga'lek kenok, aakumi nen maluk eerit noorak mban inikime koonit nugu menggaarak.

Yetaya 1:14

Tut ngget penengge paga lakwi inom, Ndi eyom paga lako logorak, koonogo pugu inom, An mondok neebi lombok ee'nake, eeke me, Ti eekwi ti abok aret aaninggin lombok noba luurogo panugwi me, piyakkoorak anggon lombok ee'nake agaarik o.

Yetaya 29:15

“Nit eeriyak koonggwi nogo Aliku ALA kwaa'niige kero,” yinuk, wone nobarak me lombok koonggwi, “Ta nen enegen niige, ta nen eenu age, eerigin o?” yinuk, It o yumaak me nen eerit nugwi, Eekwi nogo inabuwa o!

Yetaya 30:18

Togop kwe, at Aliku ALA nogo nen, “Obeelom eeppiyaakit lak, ao,” yinuk, tokkiige, Kinabuwa nen eeppinagakit nduk, pipuk aago wonage, Eeke agaarik o. At Aliku Ala a'me nggelok eeppiige menggerak me, “Eeppinanuwak o,” yinuk, It abok aret at tokkogwe nogo inale'nggen mbako logogun o.

Yetaya 43:22

It Yakup mendek ti perak, an wiinega'lek mbo panugwi, It Iterali mendek ti, an noone koneniyak anggon eeginake me, teppanugwi, Eeko agaarik o.

Yetaya 43:24

It nen en weeri amburu nake inawu paga kunggwi, Niniki ndonggo yikit nduk, nake ndomba warogo kani kunggo logonet, amok ambik wo'nugwi, Eeka'lek aret kwe, It inomaluk paga niniki aaninggin lombok eerogo panugwi, Noone taganogo punuk, yi maluk ndi maluk eerit nugwi paga nomanggen tayenogo panugwi, Eeko agaarik o.

Yetaya 7:13

Yoge mbareegi, Yetaya nen at yoge logonet, “Kit Ndawut paga wiganak yi, kinaruk liirogon konenggo logonip o. Aakumi iniki yungguppunuk, wonogwe inabut mbanggwi nogo kiname'lek kundugu kenok, nogoba Ala iniki yungguppunuk menggerak kunduk, abut mbaniyak mbako ogotik ya?

Yeremiya 12:1

Kaliku ALA wae. An wone noba agaatak yokkiri wage neenok, nawone abu abe amburu mbanogo mban yo'nege menggendak kwe, Kat a'me nggelok eeppiige menggendak wone mbuura'luk ambi yokkiriyak mbakirak nogo yi aret. It maluk eeka ineebe obeelom logonet, inale'nggen mban wonogwe, Ndi, it kat koone liirogon eeka'lek nogo nen inambi abe mban nunggwi, Eekwi nogo ti, nonggop nduk?

Yeremiya 15:6

At nen eebi nombake, an mbo paninuk mbagangge, Eekerak paga An yanggo yinuk, ambinom puk ariyak meek me, yogondak neenggi omaawi paga at eebe lek eerogo pigin aret o,” yinuk, Aliku ALA nen aret yegerak o.

Yeremiya 17:15

It aakumi nen an yo'nogo logonet, “At Aliku ALA nen, Eerigin, yegerak nogo ngge o? Yogondak aret eeriyok!” yinuk, yo'negak mban eeko agaarik o.

Yeremiya 44:22

Kit maluk lombok eekwi, ogole warak mendek mban eerit nugwi, eekwi me, Aliku ALA nen ambinom puk ariyak meek age kenok, kinanggween ti pulunik aret wonage, ndi, aakumi lek o wogo aret wonage, eerak o yogondak kogwe ti aret.

Yetikiyen 16:43

At awo tawe kagak eeppege nagagirak nogo aberak lek aret wonage o. Maluk ogole warak lombok eerit nage logonet, Ugun ee'nabuwak, mban mbake nogo ti inom eerit nege nagagerak nogo lek a? Inom eerit nege nagagerak paga nanini nen naganak piyak-piyak abet aret ee'nake me eerit nage nagagerak onggo mondok at oba kwippigin o, yinuk, Naliku Nitok Minggirak an ALA nen aret yagi,” yegerak me, yokkigi o.

Yetikiyen 18:25

Togop kwe, it nen yogo logonet, Ninogoba nen eeriyak koongge ti, ndak-ndak lek kagak koongge agaarik o, yogwe iigirak kwe, it Iterali mendek ti, an ari yi, inaruk konenggo logowak o. An eeriyak koongge ti, ndak-ndak lek ilik? It eeriyak koonggwi ti, ndak-ndak lek a? It mban iniki kwaakkolaawak o!

Yetikiyen 8:12

Kage mbareegi, at nen an yo'nege logonet, “Aakumi nen ndarak yi wae. It aap Iterali mendek inoweewi inagugi ogut eerak menggim lombok o apit aago kagak eekwi nogo kenegen iigen ilik? It nen yogo logonet, At Aliku ALA enegen niiga'lek wonage, Aliku ALA nen ninanggween yi, abu mbo pegerak wonage, eekerak o, yogwe ti, iyet o.”

Yetikiyen 9:9

Yoge mbareegi, at nen onggo an yo'nege logonet, “It Iterali mendek inom, Yekura mendek inom, maluk ambik lombok eekwi paga o nggween yi paga aap inamiya mban ndak warogo pege, o kota yi paga eekaarak onggo a'me nggelok eeka'lek yiluk-yiluk inowak loonggwi, eeko logonet, Aliku ALA nen nggween yi abu mbo pegerak o, yogwe, Aliku ALA nen enegen niiga'lek aret agaarik o, yogwe, eekwi me,

Amot 2:13

Togop me, nggweendo gandum anggen mbanak yebet ee'nuk nage me, aaninggin nen aan lebe eerogo pege menggi kwak, An togop aret eerogo piyaagin o.

Tepaniya 1:12

Ne ti eyom paga an nen ndi wuninik wonok o Yerutalem maleninabit nage logonet, Anggur amburu abe tookwi iigak, ogogwe o'luwam linogo pege menggi kwak, it aap togop aago wonogo logonet, Aliku ALA nen obeelom eeppinanege, maluk eerogo pinanege, Eerigin lek, mba'nuk, Iniki ugun kobak aago wonogwe nogo, kwaappiinok, aaninggin inoba kwippiyaagin o

Maleyaki 2:14

Eeko logonet, Alom nano eekoorak paga eeki o, yinuk, yogo monggotak nogo alom an yokkira o. Kit awo tawe logonet, kinakuwi kinom lambumbinagagwi eyom ti paga Aliku ALA enggaanom, Nit yogop eeko logowok o, yinuk, kinoone yereegutak nogo, yogondak kinakuwi kinom lambumbinagareegwaarak kinoreewi aret iigak kwe, kinoone yereegutak nogo ndak-ndak liirogon eeka'lek taganogo mbo pugwi nogo, Aliku ALA nen kiyareegerak me, alom ti paga eeppinagage agaarik o.

Maleyaki 3:8

Aap ambi nen an Ala wi-wi ee'naburak op mbakwi ya? Togop ee'naburak meek kwe, it nen aret wi-wi ee'nako agaarik o. It wi-wi ee'nako logonet kwe, Nit nonggop togon agago at wi-wi eekoorak me yigi, yinuk, yo'nugwi iigi o. An wi-wi ee'nakwi nogo ti, inamendek 10 wonage kenok, ambi yendenogo nake leenogo pugwi, nake pi wogwe, eeko logonet, wi-wi ee'nakwi iinok, yagi o.

1 Tamuwen 2:3

Kaliku ALA kat aret me, yi wone ndi wone abok aret keenu age, Aakumi nen yi eekak ndi eekak eekwi nogo, inowak loongge, Eeke menggendak me, It aakumi nen, Nit iya o, yinuk, tiyappatit nugwi, Wi niruwak o, yinuk, inoone paga wogoppatit nugwi, Eerugwaarik o.