Maleyaki 2:15 - Ala Wone Peenok Peebi Mbanak

¹⁵ At Aliku ALA nen it aap akwe imbirak ti, ineebe ambit aret eerogo piyareegerak nogo lek a? Ambit aret kunogo piyareegerak me, ineebe inom, iniki inom, ti, at unde aret o. Nonggop nduk aap akwe imbirak ambit togop aret eerogo piyareegerak? Lek o. At mendek awi wiganogo piyaawak nduk, eereegerak o. Togop me, kiniki alik age kero, arum wakkologwe, ndi, kit tawe paga kinakuwi wogonako logonet, kinom wone koonogo pereegutak nogo taganogo pugwi kiyo, liippugwi, eeko logonip o.

Maleyaki 2:15 ပူးပေါင်းရင်းမြစ်များ

Wakkagagerak 1:27

Aakumi at etenggen pogom ogobakkigirogo piyareegerak. Ogobakkigike logonet, at etenggen pogom aap wakkage, kwe wakkage, Eereegerak.

Wakkagagerak 2:7

Ti'nuk, peebi at Aliku Ala nen nggween mbuuluk ambi nggalenogo wagangge nagagerik, aap aret ogobakkigirogo punuk, at eenik nogo ogobak me pu eerogo mambege mbareegi, aap nogo eenik a'nuk oone warak aret agagerak.

Wakkagagerak 24:44

yoge neenok, at nen, Namen o, yinuk, an wo'nege logomenggerik, Kaanggumi unta nogo inom aret toologo wogora, yinuk, toologo wogorage kenok, Nogoba aput akwe Aliku ALA nen leenogo pegerak nogo yi aret kagi, mbarikit nen, Eeru o, nogoba.

Wakkagagerak 27:46

Yoge nagagerik, ti'nuk peebi at Iribaka nen Itak yoge logonet, “It kumi Ket mendek ti, inenggaawak paga pegiyoorak abu neebi ee'nake me, at Yakup togon togop mban kumi Ket mendek wogonabigin kenok, an neenik logorak neebi me, ineraaket nen kambigin aret o,” yoreegerak.

Wakkagagerak 6:2

Ndi, it Ala apuri nen it endekem mendek inapurilogwe komologwe amuni mbanak kigirikwe iinok, iniki nen uugwe mbako nagaatik, we ugun aret wogonako nogogwaarak.

Etara 9:4

Kwi'nage nagagirik, wonage neegak, it aakumi wogoren piya nagagerak wogogwaarak nogo nen wone yugu liippega'lek ugun eerit nugwi iinok, it Iterali ando inogoba Ala wone yereegerak inagabiti mbakwi nogo nen an wonage me kuwak ari wogogwaarak wonogwe iigak, an nomanggen tayok yereegerak kwi'ndak wonage neegak, o kiyoma Ala ake warogo wogogo menggam kuli aret ari nagagerak.

Nekemiya 13:24

ndi, it inapuri ndaganabeegwaarak nogo eegu nen wone Yakuri inoone paga yogwe lek Atorot inoone paga a, it aakumi alik inoone paga a, yogwe, eekwi iige nagagirik,

Ayup 27:3

An kangga'lek neenik awo wonage neegak, Ala ambebubu nogobak me mambanege kenok,

Wundeegwaarak 20:14

Kumi ugun wurinaburak mage o.

Kini Wuppiige 4:23

Ndi, keenik logonet, eerit nage logorak ti, Niyo eneeri kwak kiniki aret me, Wone ti unde wake logonet, kiniki inom mondok-mondok unde wakkolage logot o.

Kini Wuppiige 6:25

Kambi noorak ake kawu ambiriluk wonage kwe, kumi mbabilu nogo nen aret nunggwi, Keenik logorak iya kwe, kumi inogonggelomini warak nen kenggaawak lek eerogo pagarak nduk eekwi, Eeko menggaarak me, “Kumi kigirikwe me,” yinuk, kiniki nengge, Yilunogo pagawok nduk inigen nimik yokkugwi iinok, muguren nege, Eeriyak mage o.

Kini Wuppiige 7:25

Kwe ti nen aap yigeebu wuppiigetak ineebe ambik aret wonogwe, Inoorogo piigetak ti, ineenggi lingginiyak meek apit lombok wonogwe, Eerak wonogwe me, Kit ndak-ndak eekkinabukwak, nomo agan at eerit nage menggim nogwe, At eerit nage tu ti paga nogwe, Eeriyak mage o.

Wone Alom Kibingga 12:7

Ndi, kat keebe liirubu paga eerak me, kiyokan nggween ari nage, Kiniki at nen wokkereegerak iyokan Ala wonageme ari nage, Eeka'lek kagak, At ogobakkigirogo pagareegerak Ala nogo abeke logot o

Yeremiya 2:21

Eyo anggur awi abu abe kero leenogo yako mengga kwak it togop aret eerogo piyareegirak kwe, Yogondak an mbakirak ndak-ndak aga'lek eyo anggur abe lek ogun penaame mendek kwak ogogwaarak ti, Nonggop eeginabeegerak paga ogogwaarak?

Oteya 1:10

Togop aret kwe, mbini niyo aa'nggi paga wonage nogo ambik me, aaninggin wakkogwe, ineenggi lingginggwi, eeriyak meek menggi kwak, it Iterali mendek ineebe togop aret arugun o. Ogo mbaremengga, Kit an napuri lek o, yinuk, yoragagim nogome, It an neenik minggirak Ala napuri aret o, yinuk, yoraagin o.

Ala Unde 20:10

Aap ambi nen at inom menggaarak ambi akwe wuke kenok, aap kwe nogo imbirak kambuwak nduk, inoorogo piigo logowak o.

Maleyaki 2:14

Eeko logonet, Alom nano eekoorak paga eeki o, yinuk, yogo monggotak nogo alom an yokkira o. Kit awo tawe logonet, kinakuwi kinom lambumbinagagwi eyom ti paga Aliku ALA enggaanom, Nit yogop eeko logowok o, yinuk, kinoone yereegutak nogo, yogondak kinakuwi kinom lambumbinagareegwaarak kinoreewi aret iigak kwe, kinoone yereegutak nogo ndak-ndak liirogon eeka'lek taganogo mbo pugwi nogo, Aliku ALA nen kiyareegerak me, alom ti paga eeppinagage agaarik o.

Matiyut 15:19

Kinikime maluk eeriyak koonggwi inom, aap wakwi inom, kumi kundugume wurinakwi inom, komologwe tawe wurinakwi inom, yogoot waganggwi inom, pilit wone inoba piigwi inom, miyuk-meya eerogo piigwi inom, nogo ti, kinikime nen aret wungge menggerak me,

Yaya 20:22

Yorage nagagerik, ambe aagi inoba pu eerogo piige logonet, “Aberiniki kolaanip o,” yorage nagagerik,

Nappiigak 3:25

It Ala nen yorage kagak yoraga nogo, inombowologwe kit aret o. Ala nen at Abarakam yoge logonet, Yi aakumi ndi aakumi o nggween paga yi menggaarak nogo abok aret kat ndaganabemenggendak paga inale'nggen kogo logogun o, yinuk, wone abuk nggaruk togon kinombomini yoragagerak nogo, kit kinake aret yoragagerak o.

1 Korindut 7:14

Aap iniki abet mbaka'lek nogo akwe abet mbake nogo paga Ala nen ore imbirak ale'nggen inoba piige, ndi, kwe iniki abet mbaka'lek nogo ogonggelo abet mbake paga Ala nen ore imbirak ale'nggen inoba piige, eeke menggerak. Imbirak ale'nggen inoba piyaanetak lek en, it inaagalogwe-inapuri ndarak nogo ti, we terak ndarak negen logonetak kwe, imbirak ale'nggen inoba piige ti paga Ala nen, “Yi an napuri aret o,” yinuk, inarum aret menggerak kogo o.

1 Korindut 7:2

aap nen kumi inom ugun maluk eekwi iyo, it aap inalitak lombok nen inakuwi kologwe, ndi, kumi nen kunduk inogonggelomini kologwe, eeko logowak o.

Epetut 6:4

Kit aap kinapuri wonogwe kenok, inanini aruwak nduk, eeppiyaagup o. Ata, Ala wone mugurok nogo logowak nduk, inaruk wakwi, Ala wone mamunirogwe, eeko logonet, tawe eeginako logonip o.

Titut 1:6

Ala apuri unde logowak nduk mippiyoorak nogo ti, aakumi inoone inoba piigulik kenok, inakuwi ambit wogo kenok, “Inapurilogwe nen ugun-ugun eerit nugu logonet, inagalomini-inogobamini inoone taganogo piigwi kwe, inaruk waka'lek kiraap!” yogolik Ala wone abet mba'nuk eeko menggaarak inogobamini kenok, it ti mendek mban mippiyoorak op o.

Urut 4:12

Kwe Tamat nen aap Yekura obaane'me Peret ndareegerak paga nen ineebe nggwok wigak yereegwaarak nogo ndak-ndak, at Aliku ALA nen kwe tawe yi paga nen kapuri togop aret wokkiruwak o,” yinuk, yoreegwaarak.

1 Tamuwen 2:20

Wogori wagak eeke kenok, at Eli nen Elakana akwe imbirak keyage warogo ale'nggen inoba piige logonet, aap Elakana nogo yoge, “Kakwe yi nen, Naagaluk wo'niriyak o, yinuk, Aliku ALA yoreegerak wogoge mbareegi, Aliku ALA wogoreegerak nogo obaane'me kapuri ambinom wokkege logogin o,” yorage kenok, at Elakana akwe imbirak iniyokan iname o Arama aret nogo nogogwaarak.