Maleyaki 2:10 - Ala Wone Peenok Peebi Mbanak

¹⁰ Nit abok aret ninogoba ambit aret nogo lek a? Ninogoba Ala ambit nen nineebe ogobakkigi'ninabeegerak nogo lek a? Ti aret kagak, nit-nit wone koonogo pogo monggoorak nogo ndak-ndak eeka'lek ti paga ninombomini eeko logorak Aliku ALA inom abuk nggaruk togon koonogo pereegwaarak nogo aret lale-pale eerogo pugwi ti, nonggop nduk eeko ogoorik?

Maleyaki 2:10 ပူးပေါင်းရင်းမြစ်များ

Nekemiya 13:29

“Ai, nogoba Ala o. It aap ti nen kat keebe unde logonet, ineyabu eeko menggaarak inom, it aap kat keebe unde eege, aap Lewi mendek eege, ‘Ndogop eeko logowak o,’ yinuk, wone koonogo piyareegindak inom, yit tarip eerogo piigaarak me, inoba aberak mban logot o,” yinuk, tamban eereegirak.

Ayup 31:15

At nagalo inikime ogobakkigirogo paneegerak nogo nen It kunduk inagalomini inikime ogobakkigirogo piyoolik mbakop? Ninagalomini inikime ogobakkigirogo pinaneegerak ti, Eebe ambit Ala aret nogo lek a?

Ndawi 100:3

At Aliku ti, Ala aret me, kineenu a'nip o. At nen aret nineebe ogobakkigirogo pinaneegerak me, Nit at mendek aret ogoorik o. Ndomba ndegeninako mengga kwak, Ndegenninake menggerak at apuri nit aret o.

Wundeegwaarak 19:4

An nen it aakumi Metit mendek eerogo piyareegirak nogo inom, ndi, towe wu aagaluk a'naabit paga kwippunuk, wonok nage menggi kwak an nen nonggop negen agago inaani wogoren yime piya wagarak nogo inom, ti muk neegaarak o.

Wundeegwaarak 19:5

Yogondak it nen an noone liirogon konembunuk eekwi, ndi, wone abuk nggaruk togon yereegurak nogo nggirik-nggerok eerogo pipporogo wonogwe, eekwi iinok, aakumi inanebunu lombok iigak, it mban namendek niniki kundugu kwak, an napuri togop aret logogun o. Yi awi ndi awi abok aret ti, an unde minggirak namendek aret kwe,

Wundeegwaarak 24:3

Yoge mbareegi, at Muta nogo wambi nage nagagerik, Aliku ALA nen wone yoreegerak nogo inom, “Yogop ee'nu ndogop ee'nu,” yinuk, lengganogo yoreegerak nogo inom, abok aret liirogon mbininogo it Iterali mendek yorage mbareegi, it apit inoone ambugwi aret, “Aliku ALA nen yo'niragaarak ti, eeko logowok aret o,” yinuk, yereegwaarak.

Wundeegwaarak 24:7

wone Ala inom eeko logorak abuk nggaruk togon yugu liiru mbanak nogo woppunuk, oone nggwok paga it aakumi Iterali inenggaanom mbininogo yorage mbareegi, it nen yogo logonet, “Aliku ALA nen yo'niragaarak abok aret konenggwi, eebe aret eekwi, eeko logowok o,” yereegwaarak.

Yetaya 43:1

Togop aret wonogogurak kwe, Kat Yakup wae. Kat mendek nggwok aruwak nduk leenogo pagage, Kat Iterali wae. Kat mendek wiganuwak nduk eerogo pagage, Eereegerak Aliku ALA nen ari logonet, “An wondet eerogo piyareegirak me, inagabiti mbarugwaarik o. Inendage kunogombo wiiragagirak me, it an napuri aret agaarik o.

Yetaya 43:15

An inogoba Kikak Nakeelik Alik Leenak inendage Iterali toonogo piyareegirak inowe endagembogut Naliku ALA an aret yoragi o,” yinuk, yegerak me, yokkiragi o.

Yetaya 43:7

It an nendage tiyappogo logowak nduk ogobakkigirogo piige, Ineebe longgo warogo piige, ina koonogo piige, Eereegirak nendage kunogo agan nogo menggaarak abok aret wogoren piya wogo logowak o,” yinuk, yegerak me, yokkiragi o.

Yetaya 44:2

Ogobakkigirogo pege, eenggi-iyok warak eerogo pege, yeenggwaage, Eereegirak an Naliku ALA nen wone ambi yori o. An nen nggween mbuk kenok, niyo kilirogo pege, Nggween woloonak wonage me, mayu lubu-lubu wuppi wage, Eerigin me, At paga wiganak an Naberiniki inoba wuppi wage, Ndi, ombowologwe paga nale'nggen inoba piige, Eerigin o. An nayeloman Yakup ti, An leenogo pereegirak Yetiyurun ti, agabiti mbarugurik o.

Yetaya 51:2

Kinombo Abarakam inom, ndakkinabeegerak kwe Tara inom, pegiigwi, Eeko logonip o. At Abarakam alik wonage me wiige, nale'nggen oba pege, At ombowologwe ambik aret wiganogo piige, Eereegirak kwe,

Yetaya 63:16

Kat ninogoba aret o. Ninombo Abarakam nen nit liippinanege, At Iterali kunduk, Yi an paga wiganak aret, ninombake, Eekulik aret kwe, Kaliku ALA wae. O maan nen kendage ti, Wondet Eerogo Pinanega ninogoba kat aret, yogo monggoorak.

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Yetikiyen 33:24

“Aakumi nen ndarak yi wae. It aakumi o langgu-langgu wambeegim Iterali inanggween paga wonogo logonet, Abarakam alik aret kagak nggween yi abok aret at unde eeppatinuk logowak nduk, wogoreegerak kwe, nit nineebe ambik lombok me, nggween yi, nit unde eeppatinuk logowok nduk, wo'niragagerak kogo o, yinuk, yogwe me,

Maleyaki 1:6

At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Maleyaki 2:11

It Yekura mendek inom eeko logorak koonogo pereegwaarak nogo, lalenogo pugwi, it Iterali menggam inom, o kota Yerutalem inom, maluk inamineeri ne agan noorak nogo mendek eereegwaarak nogo ti, it Yekura mendek nen inogoba Ala lek aakumi inambik inagugi eeko menggaarak mendek inapuri komologwe wogonabeegwaarak paga at Aliku ALA awi wurik alik leenak iniki kunik nogo, enete maluk eerogo pugwi, eereegwaarak ti aret.

Maleyaki 2:8

it an neebe unde yi nen perak, tu abe paga noorak yorage minggirak nogo, mbo punuk alik mendek mamuninabit nogwe paga it aakumi apit aret iniyogobit lik togon wambit nogo menggaarak. It Lewi ninom eeko logorak wone koonogo pereegirak nogo, taganogo mbo pereegwaarak o.

Matiyut 10:21

Ore ambi waruwak nduk, ore ambi nen eenggi pigogo wogorage, apuluk waruwak nduk, ogoba nen eenggi pigogo wogorage, inapurilogwe nen inagalomini-inogobamini inom ogooppunuk, inooruwak nduk, yorogwe, eerugun o.

Matiyut 22:16

Wone mbanggo nogogwaarik, it inoone waganggwi ando inom, it Keroriyan mendek inom, Yetut owagam nappiya wogogwaarak wogo nogogwaarik, Yetut yogo logonet, “Ngguru wae. Kat nen, Aap ambi iya, ndi, ambi meek, mbake logonet, ninete liippinaninuk yo'nirageelik, nit eekwi paga Ala ari menggerak wone mondok pagak togon yo'nirage menggendak nineenu me,

Matiyut 3:9

Kinikime nen, Ninombo ti, Abarakam me, nit obeelom aret o, yinuk, mbakwi ti mage o. At Ala nen, Yugum yi, Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Lukat 3:8

Kit maluk eeko monggotak nogo, kiniki koombunuk mbo pogotak kenok, eyo anggen abe yi'nage menggi kwak, ndak-ndak aret eeko logonip o. Kit kinikime nen mbako logonet, Ninombo ti, Abarakam aret me, nit obeelom aret o, mban mbakwi ti mage o. At Ala nen, Yugum yi, at Abarakam ombowologwe aret a'nip o, yinuk, yorage kenok, ariyak op aret iigak, kit mban iya lek me, nonggop nduk yogo ogotik?

Yaya 8:39

Yorage mbareegi, it nen, “Nit ninombo ti, Abarakam aret me tit ari!” Yogo mbareegwa, Yetut nen it yorage logonet, “Kit Abarakam ombowologwe abet aret logonetak en, at eeke nagagerak nogo kit ndak-ndak aret eeko logonetak.

Yaya 8:41

kit perak, kinogoba lombok nen eeke menggerak nogo ndak-ndak aret eekwi kiigi o.” Yorage mbareegi, it nen, “A puk! Nit terak ndarak lek o. Ninogoba ambit Ala lombok aret o.”

Yaya 8:53

nit ninogoba Abarakam kambeegerak nogo at mbuuluk. Ndi, kat nggwok me nduk yagan ya? It aap Ala nen yorage kagak yo'niraga nogo kunduk, kambeegwaarak kwe, kat ta ndak-ndak, Eekkola, nduk ari agandik?”

Yaya 8:56

At kinombo Abarakam nogo nen an eeri woroorak nogo neyoorak ale'nggen ambik mbareegerak me, peebi neege nagagerik, iniki ale'nggen aret mbareegerak.”

Nappiigak 17:24

Yorage nagagerik, “At nggween inom, yi mendek ndi mendek nggween paga mendek abok inom, wakkagagerak Ala nogo ti, mbogutnggween unde at aret me, at kugiwak awi aap nen wureegwam nogome wonageelik o.

Nappiigak 17:25

At nen mban yi aakumi ndi aakumi ineenik eeginake, ambe aagi wogorage, yi mendek ndi mendek wogorage, eeke menggerak me, at amendek lek kenok, aakumi inamendek ambi at wogoriyak abu lek o.

Nappiigak 17:26

At yi awi ndi awi abok o nenaarit nogo logowak nduk, kuli ogoorogo piinet nage, ti'nuk, nineyom-naneyom eerit nogo logowak nduk, koonogo pege, eeke nagagerik, yi aap ndi aap inanebunu lombok yi awi ndi awi wiganuwak nduk, alom aap ambit aret wakkagagerak.

Nappiigak 7:2

at Tepanut nogo nen, “Nogobamini inom, noreewi inom, kinaruk logonip o. Ninombo Abarakam o Karan waga'lek logonet, awo o Metopotamiya wonage me, at mondok tiyanak menggerak Ala nogo nikka wage nagagerik, Abarakam yoge logonet,

Nappiigak 7:26

Nogo ambi yippunuk, ko'lu nen at awuri Iterali mendek mbere yawi pugwi enegen iige nagagerik, ogoorinake logonet, Nawuri o. Kit kimbirak nore-kore aret kwe, nano nduk yawi wat-wat yogo ogotik o? yinuk, yorage mbareegi,

Oroma 4:1

Togop me, wone yi, nit aakumi ninombo Abarakam eereegerak nogo nonggop yuwok o?

Oroma 9:10

Nogo ti mban lek o. Ata, kwe Iribeka inom yoreegerak. Kwe Iribeka aagalogwe kulu'mbere ndaganabeegerak nogo ti, inogoba ambit ninombo Itak nogo aret.

1 Korindut 8:6

nit perak, ninogoba ambit Ala aret wonage o. At nen mban yi mendek ndi mendek abok aret wakkagagerak me, nit at ake aret nineenik ogoorik o. Ndi, ninowe Yetut Keritut kunduk ambit aret o. At eereegerak paga yi mendek ndi mendek warak eerogo pege nagagerik, nit nineenik logowok nduk, eeppinanege menggerak nineenu ogoorik o.

Epetut 4:25

Togop me noreewi o. Keritut ninom kunik eenggi-iyok kokwak nit aret me, kit-kit aret pilit pugunggo monggotak nogo mbo punuk, kit abok aret wone abet kenok mban yogo logonip o.

Epetut 4:6

Nit aakumi abok ninogoba ti, Ala ambit aret logonet, oome-endekem at eebe mondok endak warak menggerak. Yi mendek ndi mendek abok aret at abu'me menggerak me, yi eekwi ndi eekwi abok aret at nen mban koonogo yo'nirage kagak eeko monggoorak.

1 Tetalonika 4:6

Nit maluk eerit nugu logowok nduk, at Ala nen mii'ninabulik o. Ata, maluk eeka'lek at ake leenak logowok nduk, mii'ninabeegerak me, nit aa'nduk ninoone omaawi paga yokkirogo nogogurak nogo ndak-ndak, maluk togoti eekwi iinok, Ala nen onggo koonogo eeppinanege menggerak me, kinoreeluk ambi maluk eeppege logonet, at akwe kote wuriyak mage o.

Iberani 12:9

Ndi ambi, nit ninogobamini abe nda'ninabeegwaarak nogo nen niniki koonnaruwak nduk, ninaruk wakwi iinok, inoone liirogon konembunuk, eeko monggo kwak, at niniki lombok unde menggerak ninogoba Ala oone yo'nirage nogo, liirogon konembunuk ndak-ndak eekwi niinok, mondok-mondok nineenik logogun lek mbakop? Lek o. Nineenik logogun aret o.

Yotuwa 24:3

Eerit nogwe iigak, an nen kinogoba Abarakam nogo niyo Eparat enebagan time nen wagangge nagagirik, o Kanan yime wonok nege logonet, ombowologwe ambik wigak yuwak nduk, Itak aret wogoreegirak.