Maleyaki 1:9 - Ala Wone Peenok Peebi Mbanak

⁹ “An inogoba Ala nen inabuwa mbarikit nduk, yogondak yo'niruwak nda! Wo'niri wogwe ti mendek niri wogwe iinok, Op aret niri wogop o, yinuk, keyage warogo wogonaburak mbakwi ya? Lek aret o,” yinuk, at Omaawi Lombok Menggerak Aliku ALA nen aret yegerak me, kit at eebe unde aret yokkiragi o.

Maleyaki 1:9 ပူးပေါင်းရင်းမြစ်များ

2 Mbinineegwaarak 30:27

Lako nogogwaarik, it Ala unde inom, Lewi mendek inom, inale'nggen aakumi inoba piigo logonet, inake tamban eereegwaarak nogo at Ala leenogo pateegim o mbogut paga wonage logonet, aruk koneneegerak.

Wundeegwaarak 32:11

Yoreegerak kwe, at Muta nen at Aliku ogoba Ala iniki yanggoniyak nduk, yoge logonet, “Kaliku nogoba ALA wae. Kat keenggi omaawi paga eerubok mendek eeke logonet, kapuri o Metit nen wogoren wundi wagandak kwe, nonggop nduk kanini inoba eeppiyoorak ari agandik?

Yeremiya 26:19

Wone ti yoragagerak paga it Yekura inowe endagembogut Kitikiya nen ilik, it aakumi Yekura menggaarak abok aret nen a, Mika warogo pereegwaarak mbakop? At Kitikiya nogo Aliku ALA agabiti mbake logonet, Ninabuwa mbaru o, yinuk, yoreegerak nogo lek a? Ndi, yoge mbareegi, Aliku ALA nen aaninggin eeppiyoorak yoragagerak nogo eeppiyoolik iniki yanggoppunuk, puk agagerak nogo lek a? Puk agagerak kwe, nit yi perak, aaninggin mondok iya lombok mendek ninoba kwippatiyak nduk, eeko ogoorik o,” yinuk, yorogogwaarak.

Yeremiya 27:18

It aap ti, abet aret Naliku ALA yorage neegak yoraga logonetak en, yi mendek ndi mendek Naliku ALA nawi wurik me eegu wonage inom, aap Yekura inowe endagembogut awi o nggwok abe wurik me wonage inom, ndi, o Yerutalem yime wonage inom, ti wonok o Mbaben pi nogwe iyo, Nomaawi Lombok Minggirak Naliku ALA an nggino yo'nugu logonetak o, yinuk, yegerak o.

Leendawi 2:19

It aap tum waka nen, nogo iniki mbere eeke paga tum ambi wakak awo eekwi iinok, mi'na'nuk koone nggwok ari, Niyo kilirogo pogo mengga kwak, kiniki mbake nogo kogoba Ala enggaanom paga kilirogo pege, Kaagalogwe mbi abu nen inambuluk pit nagaarak tu ambet-ambet paga ngginnarit nagaarak wonogwe nogo Ineenik logowak nduk, inake keenggi at paga nippunuk, yoge, eeke logot o.

Yowen 2:12

Aliku ALA nen ari logonet, Ne yogondak yi aret inambe mage negen eeppunuk leenggu maakwi, Iniki wakkologwe, eeko logonet, Iniki mbere lek ambit eeppunuk, iniyokan yungguninuk, an neya wogo logowak o, Yinuk, yegerak o.

Yowen 2:17

It aap Aliku ALA enggaanom paga eeko menggaarak Ala unde nogo, Ake warogo wogogak ogobakkigirik kagak, Ala awi wurik me tu unggwogo menggam kagak, Oolo time logonet, leenggu maakwi, It nen, Kaliku ALA wae. Keyate kwak kapuri kiniki kundugu nogo, aakumi inenggela'me wonogwe iinok, Inabok nggarik-nggarek agan nugwi, Miyuk-meya eerogo piigwi, It inogoba Ala nggeeme wonage o? yinuk, it-it agan nugwi, Eekwi iyo, Kapuri inaana'le mbangge logot o, yinuk, yokkugwi, Eeruwak o.

Amot 5:22

It nen an nake warogo kani kunggwi, anggen yigirik nake pi wogwe, eekwi ti, an wagangge, Ninom lambunuwok o, yinuk, inaanggumi abe amok warak kenok warogo wo'nugwi ti kunduk, an nenegen pekkage, Eerigin lek o.

Yaya 9:31

It aap maluk eeko menggaarak inoone Ala aruk konenggeelik ti nineenu o. Aakumi Ala ayuk wuppunuk, at eeriyak mbake nogo eekwi iinok, inoone Ala aruk konengge menggerak.

Oroma 2:11

At Ala ti, aakumi ineebe obeelom kero mban maleninakeelik me, togop aret eeppiyaagin o.

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.