Maleyaki 1:6 - Ala Wone Peenok Peebi Mbanak

⁶ At Omaawi Lombok Menggerak Aliku ALA nen ari logonet, “Aap ambi aput nen ogoba ayuk wuke, ndi, aap ambi ayeloman nen ogoba ake eeke nogo ayuk wuke, eeko menggaarak me, an inogoba kenok, nayuk wuko logorak op aret kwe, wuka'lek nonggop nduk agaarik o. Ndi, it an nayeloman mini nake eeka aret kenok, an nayuk wuko logonet, inagabiti mbako logorak op aret kwe, mbaka'lek ti, nonggop nduk agaarik o,” yinuk, yegerak o. “It aap an neebe unde nen aret an nendage maluk eerogo pogo agaarik o. Nendage maluk eerogo pogo logonet kwe, Nit nonggop negen at endage maluk eerogo pogoorak me, yo'nirage agaarik? yinuk, yogwe,

Maleyaki 1:6 ပူးပေါင်းရင်းမြစ်များ

Ndawi 123:2

Aap ambi ayeloman aap nen ogoba paga Iniki panggonak logonet, at mban pekkage, Kwe ambi ayeloman kwe nen agalo paga iniki panggonak logonet, at mban pekkage, Eeko mengga kwak, Aliku ninogoba Ala nen Ninabuwa mbaka'lek tit kagak Ninigen loorit mban unggwogo logowok o.

Wundeegwaarak 20:12

Naliku an kinogoba Ala nen kinanggween wokkiraawam time logonet, li a'nuk kanggo logomunggup nduk, kinagalo-kinogoba inayuk wuko logonet, inoone liirogon konenggo logomunggup o.

Kini Wuppiige 17:6

Aap inanggok inenggare-nggare mendaarak ti, inombowologwe aret. Ndi, wologwe nen iya inombakwi nogo ti, inogobamini aret.

Kini Wuppiige 30:11

It aap ando inapuri nen inogobamini pulunogo piigo logonet inagalomini inale'nggen inoba piiga'lek mbo piigwi,

Kini Wuppiige 30:17

Wulaga ambi nen ogoba eeke paga enggali nen enegen laambok andiigwi wake, Ndi, agalo yoge nogo, “Eeriyak neebi,” mba'nuk, meek eerogo pege, Eeke nogo ti, Towe ya'ngge-ya'ngge o kobappaga nugwi nogo nen at enegen ti, kilirogo nunggwi, Ndi, towe pen ware nen at eebe warak nibik togon nenggak eekwi, Eeko logogun o.

Yetaya 1:2

Kat mbogut yi wae. Karuk konengge, Kat nggween yi wae. Liippege, eekwi kiigak, Aliku ALA nen yegerak nogo yi o. “Napuri an nen ndegeninake, tawe eeginake, eeke nagagirak kwe, It an noone konembunuk eeriyak ineebi nombako agaarik o.

Yetaya 43:23

Nake warogo kani kuniyak ndomba wonok niri wogwe, Nayuk wuko logonet, nake warogo wo'nugwi, Eeka'lek aret agaarik o. Ndi, aaninggin inoba age kero, anggen yigirik nake wo'niri wogwe, Obari abe kaga nogo kani kuni wogwe, Eeko logowak o, yinuk, Noone omaawi paga yoraga'lek aret agarik o.

Yetaya 45:10

Ndi, aap ambi apuluk nen, Kat nen an nano mendek ndarogo panegendak o, yinuk, ogoba yoge, Ndi, agalo yoge logonet, Kaagaluk an nano kwak nda'nakendak o, yinuk, yoge, Eeke kenok, abuwa o,” yinuk, yegerak me, yagi o.

Yetaya 64:7

Nit eekwi paga kat kenggaawak kumaappatinuk wonage, Nit maluk mban eerit nogwe paga nineebe lek eerogo patuwak nduk mbo pinanege, Eekendak me, Yeenggwa niret o, yinuk, kendage kunogo yokkugwi, Koone yo'nirage woppunuk eekwi, Eeka'lek aret ogoorik o.

Yetaya 64:8

Togop kwe, Kaliku ALA o. Kat ninogoba aret o. Nit yi, nggween nggabok mendek aret. Ndi, nineebe longgo warogo ogobakkigi'ninabeegindak kat aret me, Nit abok kat keenggi paga eerak aret ogoorik o.

Yeremiya 23:11

“It aap an noone yoraga inom, neebe unde inom, An noone liippega'lek ugun eerit nugu logonet, nawi wurik me kunduk maluk eerit nugwi iigirak o,” yinuk, Aliku ALA nen aret yegerak o.

Yeremiya 3:4

Ninogoba o. Nit awo tawe logonet kat ninom niniki kunik me, ko'lu-kii'me mbe'nirage, Kanini mondok-mondok ninoba pinanege, Eeriyak mbaken? yinuk, yo'nugwi ti, Yogondak iluk aret yo'negaarak nogo lek a? It togop aret yogo logonet kwe, yi maluk ndi maluk ambik aret ugun-ugun eerit nogo menggaarak,” yegerak me, yokkiragi o.

Yeremiya 31:9

At Iterali ogoba ti an aret age, ndi, at Eparayim nogo ti, an naput manggu ndarak aret age, Eerak aret wonage me, Tu paga wage logonet, inale ambik yogwe iinok, an nen iniki eyak wappiige, Yi niyo ndi niyo nage menggim aa'nggi paga time wogoren wage, It iniyogobit mbanirage kero, tu kobappaga wogoren wage, Eerigin o.

Yeremiya 35:16

Aap Erekap aput Yonarap paga wiganak nen inombo wone lengganogo yoragagerak nogo, inaruk konembunuk liirogon aret eeko nogogwaarak kwe, it aakumi ti perak, an yorage nogo inaruk koneniyak ineebi mbako menggaarak, yegerak o.

Yetikiyen 22:26

It aap an neebe unde o time wonogwe nogo nen an noone yugu liiru mbanak nogo meek eerogo pogo logonet, ugun taganogo pit nogwe, nake alik leenak namendek nogo maluk eerogo pugwi, eeko logonet, Yi mage o, yi eeriyak o, yugu nogo yelok kaga'lek ugun eerit nugwi, Yi ogole warak o, Yi ogole warak lek abe o, yinuk, yogwe nogo, Ti alik lek ambit aret o, yinuk, mamuninabit nogwe, nogo 6 yippunuk, ko'lu paga yonggonggologo logorak leenogo pereegirak kagak eekwi iigak, inigen iyoolik yuwak puk wonogwe, eekwi paga it inenggela'me an nendage nogo ayuk lek aret agagerak o.

Oteya 12:8

it Eparayim nen yogo logonet, “Nit nineenggi warak lombok age, Ninamendek ambik lombok kuwak eerogo pakwi, Eekoorak nogo Aakumi nen, Nit wi-wi ee'ninako logonet, ineenggi warak aga o, yinuk, yo'nirogwe, Aakumi maluk eeppiinet nogo logonet, inamendek ambik kolaga o, yinuk, yo'nirogwe, Eeriyak meek o,” Yinuk, iniki wogoppako menggaarak o.

Oteya 4:6

Ndi, it an napuri kunduk, neebe liippanega'lek me, ineebe lek aret arugun o. It neebe unde nen an liippaniyak wone nogo, it yoraga'lek mbo pereegwaarak paga an nen it mbo piige, Eeko logorak wone an inogoba Ala nen yoragagirak nogo, Mari eerogo pereegwaarak paga an nen it inapuri liippiyaagin lek mbo piige, Eerigin o.

Oteya 5:1

Aliku ALA nen ari logonet, “It an neebe unde abok aret ti, wone yi, inaruk konenggwi, It aakumi Iterali mendek ti, yorage yi, liippugwi, Aap endagembogut akuwi-apuri inom ti, inaruk liirogon konenggwi, eeko logowak o. Keele o Mitapa paga pugwi, Puut Tabot paga towe yonggo'naruwak nduk yum mbiganogo pugwi, O Titim nggwiya wambuurak nggween ogurogon kabunggwi, Eeko mengga kwak, It ti, togop menggaarak me, Aaninggin eeppiyoorak wone yi ti, it inake aret yorage agarik o. It abok aret ti, eerit nugwi paga an nen aaninggin inoba kwippiyaagin o.

Ala Unde 19:3

Naliku inogoba Ala an aret me, inalitak lombok nen inagalomini-inogobamini inayuk wukwi, ndi, nogo 6 yippunuk, ko'lu paga yonggonggologo logorak nake leenogo pateegirak nogo liirogon aret abekwi, eeko logowak o.

Tepaniya 3:4

At enggela'me it Ala nen yorage kagak yoraga nogo ti, liirogon yoraga'lek ugun-ugun yorogwe me, “Yi abet aret yo'nirogwe,” mbaka'lek wonogwe, At enggela'me it aap Ala unde nogo nen Ala ake leenogo pugu nogo, maluk eerogo pugwi, Ala wone Muta nen liiru mbaneegerak nogo, taganogo punuk, it mbakwi nogo mban mugurok nogwe, Eeko menggaarak o.

Maleyaki 2:1

“Eeriyak wone an yorage yi, it an neebe unde nen aret inaruk konenggo logowak o.

Maleyaki 2:10

Nit abok aret ninogoba ambit aret nogo lek a? Ninogoba Ala ambit nen nineebe ogobakkigi'ninabeegerak nogo lek a? Ti aret kagak, nit-nit wone koonogo pogo monggoorak nogo ndak-ndak eeka'lek ti paga ninombomini eeko logorak Aliku ALA inom abuk nggaruk togon koonogo pereegwaarak nogo aret lale-pale eerogo pugwi ti, nonggop nduk eeko ogoorik?

Maleyaki 2:8

it an neebe unde yi nen perak, tu abe paga noorak yorage minggirak nogo, mbo punuk alik mendek mamuninabit nogwe paga it aakumi apit aret iniyogobit lik togon wambit nogo menggaarak. It Lewi ninom eeko logorak wone koonogo pereegirak nogo, taganogo mbo pereegwaarak o.

Maleyaki 3:5

“An nen inowak loonogo maluk onggo eeppiyaakit nduk woraagin o. Wage logominggirik, it aap tili pagangga inom, aap kumi ugun-ugun eeginaka inom, pilit pugunogo, Ndogop eeke kagarak, yaga inom, onggo koloorak eyabu eekwi wi-wi eeginaka inom, it aap kumi togwe kunduk, elege moono kunduk, tebenogo piiga inom, it aap nggiru inawone yaga-taga eerogo piiga inom, it an inagabiti nombakulik nogo mendek abok aret, Ndogop eekwi kiigirak o, yinuk, yorage logokit nduk, woraagin o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Matiyut 15:4

At Ala nen, Kinagalo-kinogoba inoone liirogon konenggo logonet, inayuk wuko logonip o. Ndi, kinagalo-kinogoba inoone taganggwi kiinok ti, kambumunggup aret o, yinuk, yereegerak kwe,

Matiyut 15:6

ogoba ayuk wurogo wogoga'lek kagak, kit nen, Ti op aret eekendak o, yogo monggotak ti paga Ala nen, Yogop ee'nu, ndogop ee'nu, yereegerak wone nogo, taganogo punuk, kit kinombomini eeko nogogwaa rak wandek nogo tiyappugwi kiigi o.

Matiyut 19:19

Kinagalo-kinogoba inayuk wuko logonet, inoone liirogon konenggo logonip o. Kit kineebe kiniki kunik eekkologo monggotak pogom, kinom monggotak togop aret kiniki kunik aganako logonip o.”

Matiyut 6:9

Ata, kit tamban yogop aret eeko logonip o. Ninogoba mbogut paga mendek ao. Kat kendage abu abe alik leenak menggendak me, tiyappagago ogoorik o.

Matiyut 7:21

Yorage nagagerik, wone ambinom yorage logonet, “It aakumi inoone paga nen mban, Ai, ninogoba. Ai, ninogoba. Yo'nogo menggaarak nogo abok tigitogon at mbogut paga mendek abu'me piyaagin mondok lek o. An nogoba mbogut paga mendek iniki mbake nogo ndak-ndak eeko menggaarak kenok mban at abu'me piyaagin o.

Marakut 10:19

Yoge nagagerik, “Yogop ee'nu, ndogop ee'nu, yereegerak wone yugu nogo ti, Aap wariyak mage o. Kumi ugun wurinaburak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Aap wi-wi eeginaburak mage o. Kinagalo-kinogoba inayuk wuko logonet, inoone liirogon konenggo logonip o, yereegerak wone nogo kat keenu aret o.”

Marakut 7:10

At Muta nen, Kinagalo-kinogoba inayuk wuko logonet, inoone liirogon konenggo logomunggup o. Ndi, aap ambi nen agalo-ogoba kugi pulunogo piige kenok, aap ti, kambuwak nduk, mondok warogo puwak o, yinuk, yereegerak kwe,

Lukat 10:29

Yoge mbareegi, aap nogo, “An op aret,” nombaruwak nduk, Yetut yoge logonet, “Ndi, niniki kunik eeginabikit nen it ninom wonogwe ta o?”

Lukat 18:20

Yoge nagagerik, “Wone yogop ee'nu, ndogop ee'nu, yereegerak wone yugu ti, Kumi ugun wurinaburak mage o. Aap wariyak mage o. Yi mendek ndi mendek yogoot kiraariyak mage o. Pilit wone aakumi inoba piyoorak mage o. Kinagalo-kinogoba inayuk wuko logonet, inoone liirogon konenggo logonip o, yinuk, yereegerak wone nogo kat keenu aret o.”

Lukat 6:36

Kinogoba nen aakumi inabuwa mbake logonet, obeelom eeppiige menggi kwak, kit ndak-ndak aakumi inabuwa mbako logonet, obeelom eeppiinet nogo logonip o,” yinuk, yoragagerak.

Lukat 6:46

Yorage nagagerik, ambinom yorage logonet, “Kit an yokkirage minggirak nogo eeka'lek logonet, nonggop nduk, Ai, nogoba! Ai, nogoba! mban yo'nogo ogotik?

Epetut 6:2

Ala nen wone, “Yogop ee'nu, ndogop ee'nu,” ari logonet, “Kinagalo-kinogoba inayuk wuko logonet, inoone liirogon aret konenggo logomunggup o,” ari nagagerik, ti'nuk, “Nggween paga yime yi wone ndi wone kinoba aga'lek, kineebe obeelom li a'nuk, kanggo logomunggup o,” yinuk, yereegerak nogo ti, wone, “Yogop ee'nu, ndogop ee'nu,” yoragagerak eekwi iinok, onggo koloorak wone aa'nduk lombok yoragagerak nogo ti aret.

Pelaareegerak 1:31

Ndi, aap ambi aput mbo pegeelik yarugu wonok nege menggi kwak, at Aliku kinogoba Ala nen kit o karume tu paga wogwe kiigak, kineebe kuurik me aret yarukkiren o yime aret pinagi wagagerak nogo kineenu aret o.

Pelaareegerak 32:6

Kit aakumi kiniki lek wi-wa yi wae. Ala nen obeelom eeppinagit wage onggo nogo togop eeriyak op mbakop? At Ala ti, kinogoba a'nuk, kinonggo mbanogo pinagage, Kinanebunu ambit mendek agago pinagage, Eereegerak ti lek mbakop?

Pelaareegerak 5:16

At Aliku kinogoba Ala nen kinanggween wokkiraawam time logonet, yi wone ndi wone kinoba aga'lek kineebe obeelom li a'nuk kanggo logomunggup nduk, at Aliku kinogoba Ala nen yokkiragagerak ndak-ndak kinagalo-kinogoba inayuk wuko logonet, inoone liirogon aret konenggo logomunggup o.

1 Peterut 1:17

“Ninogoba Ala o,” yinuk, tamban eeko monggotak me, at Ala nen nit yi aap ndi aap ninalitak lombok eeko logomonggoorak nogo abok ninawone ndak-ndak mbanigin me, yogondak mbogut paga unggwi naga'lek nggween paga yime luulu logonet, Ala mban kinagabiti eeppunuk, eerit nogo logonip o.