Maleyaki 1:4 - Ala Wone Peenok Peebi Mbanak

⁴ Togop me, it aakumi Erom mendek nen, “Nit ninawi lek eerogo pereegerak nogo, obaane'me wurugun aret o,” yinuk, yemenggaarak kwe, at Omaawi Lombok Menggerak Aliku ALA nen ari logonet, “It nen inawi obaane'me wuremenggaarak kwe, an nen minogo pigin o. Aakumi nen, O Erom yi, endage ti, Maluk Eeko Menggam me, Aliku ALA anini mondok-mondok inoba piige kagak menggam yi aret o, yinuk, yogo logogun o.

Maleyaki 1:4 ပူးပေါင်းရင်းမြစ်များ

Ayup 12:14

At nen minogo pege kenok, aap ambi nen obaane'me wuke, Ndi, at keele maarogo pege kenok, aap ambi nen keele piinogo ame nappege, Eeriyak meek o.

Ayup 34:29

At oone lek puk mban wonage kenok, Aap ta nen maluk at oba pege, At etenggen kumaappatinuk wonage kenok, Aap ta nen enegen kage, Eeriyak mbakop? Lek me, It Ala mugurok noorak ineebi mbakwi nen Keele pugu kwak aakumi yilunogo piinok, inoone omaawi yorogo logogun me, It aakumi inanebunu ambi nen ilik, aakumi abok nen a? It tebenogo piyoorak meek aret arigin o.

Ayup 9:4

At Ala ti, yi wone ndi wone eenu wonage, At mondok omaawi aret wonage, Eeke menggerak me, At eerit nage kagak it ambi nen inogogumbuk a'nuk Non mbanogo pege kenok, teppiyaagin mbaken?

Ndawi 127:1

Aliku ALA nen o wuriyak mbaka'lek kagak, It aap o wuka nen o wukwi nogo Aanom warogo wuko menggaarak o. Aliku ALA nen o kota arum wonageelik kenok, It aap o arum waka nogo, We aanom warogo aret tum menggaarak o.

Ndawi 137:7

Kaliku ALA wae. O Yerutalem lek eerogo pit wanggwi iigak, It aakumi Erom mendek nen yogo logonet, “O langgu-langgu eerogo pugwi, Langgunogo pit ogowa pugu paga pi wanggwi, Eeko logonip o,” yinuk, Yogogwaarak nogo aberu o.

Ndawi 33:10

Yi aakumi ndi aakumi eeriyak koonogo pegaatak nogo At nen lek eerogo pege, It aakumi inanebunu lombok nen, “Ndogop eeruwok,” mbakwi nogo At nen non mbanogo piige, Eeke menggerak kwe,

Kini Wuppiige 21:30

“Aliku ALA tebenogo puwok o,” yinuk, aap iniki warak nogo nen at yogwi, Aap yelok kaga nen, Wone ndogop yogwi niinok, “E o,” yuurak yelok kagarak me yogwi, Aap wone koongga nen iniki liirogon koombunuk yogwi, Eeremenggaarak kwe, meek aret kaagun o.

Yetaya 10:4

Lek aret me, aakumi keele maagaren nogwe inenggela'me yipik agan nogwe, Aakumi inoorit nogo logonet, kit kinom kinookwi, Eekwi ti mban aret eekkinako logogun o. Ti abok eekkinabugun aret kwe, At anini kinombake nogo lek aga'lek ambinom kinoba pinagakit nduk, “Ndime eeri nanip o,” yinuk, eenggi titik irage agaarik o.

Yetaya 11:14

Ata, it abok aret lambu yinuk, It aap oonegen kilu yi nage menggim pa'nggwe it Pilitin mendek puut elan-elan wonogwe nogo, ne ambit wigak togon inoba kwi'nari nogwe, Aakumi oonegen lagi wage menggim pa'nggwe wonogwe nogo Inagugun ko'nok ndi yogwe, O Erom inom, Mowap inom, tebenggologwe, It aakumi Amon mendek inabu'me tebenogo piya nogwe, Eeko logogun o.

Yetaya 34:10

Liingge inom, oonikiya inom, kani noguk yaga'lek mondok wunuk mban ari, Ka'luk mondok kwit agan lagangge, Eeke logogin o. O time mbo punuk mbaganemenggaarak me, aakumi tu ti paga ambi naga'lek aret iigak, nda'narit wundi wogo logogun o.

Yetaya 34:5

Aliku ALA awooluwak paga mbogut paga abu ambelom eerogo pege nagaarik, It aakumi Erom mendek mban inalik lenorogon ineebe lek eerogo piyaakit nduk, wambi wage yi, kaanip o.

Yeremiya 31:17

Peebi inagalo obeelom eerogo puurak iniki lunik logorak op aret o,” yinuk, Aliku ALA nen aret yegerak o.

Yeremiya 49:20

Togop me, at Aliku ALA nen o Erom eeppuurak koonogo pege, Ndi, it o kota Teman wonogwe nogo eeppiyoorak koonogo piige, Eereegerak yi, Konenggo logonip o. Ndomba aagalogwe kwak it inapuri elege-aabologwe nogo niik eerogo wumbiige, Ndi, it eekwi paga ndomba inagari'ngga nenet nogo menggam kwak, it wonogo menggam time abu maluk eerogo pege, Eerigin o.

Yeremiya 49:7

O Erom eeppuurak wone nogo yi aret. At Omaawi Lombok Menggerak Aliku ALA nen ari logonet, “O Erom time iniki warak wonogogwaarak nogo yogondak ambi wonogwe ilik lek a? It aap iniki warak nen wone abe koonogo yorogo menggaarak nogo, ineebe abu lek aret ya? Ndi, iniki warak nen wone koonogo yorogwe nogo iniki apit agaarak ya?

Yeremiya 49:8

At Etawu ombowologwe wiganak maluk onggo inoba piige logonet, aaninggin lombok inoba kwippiyaagin me, Kwippiyoorak eyom paga it o Nderan menggaarak ti, Yungguk togon kole mbaganit yugum ambe nggaganak inikime aken time mbet-mbet aret kumaa'nari nawak o.

Yeremiya 5:17

Iterali paga wiganak ineyabu eerak anggen yugu inom, inambi-mbiingga inom, lek eerogo nenet nogwe, Inapuri wologwe-komologwe lek eerogo piigwi, Inaanggumi kambin-ndomba inom, lembu-tapi inom, lek eerogo pit nogwe, Ineyabume anggur yarak ero inom, eyo wuli ero inom, muurogo pit nogwe, Ndi, inawi kota-kota yugum pak wurik me iniki ti paga panggonak wonogwe nogo pup eerogo pugwi, Eeko logogun o,” yinuk, yegerak me yokkiragi o.

Leendawi 3:37

Ninogoba Ala nen eeriyak wone lengganogo wumbenetak lek en aap ta nen, “Togop aruwak o,” ari kenok, a'ne mbakop?

Yetikiyen 11:10

Wooluwak paga inookwi iinok, kambugun o. It Iterali inanggween paga lombok inomaluk onggo inoba piige neenok, it nen Naliku ALA an aret ineenu arugun o.

Yetikiyen 25:13

o Erom an nomaawi paga eeppege logonet, aakumi at paga wonogwe inom, inaanggumi inom, lek eerogo piige, yi oone ndi oone lek o wogo logowak nduk, eeppege, o Teman nen nok, o Nderan kuli wooluwak paga inoorak kambuwak nduk eeppiige, eerigin o, yinuk, Naliku Nitok Minggirak an ALA nen aret yagi o.

Yetikiyen 25:14

It Erom mendek eereegwaarak paga nanini nen onggo eeppiyoorak mbake nogo, eeppiyaawak nduk, napuri Iterali inikime eeppiyaagin me, an nanini mbake, nanini kani kunik negen eeke, eeke nogo, it ndak-ndak eeppiinet nogo logogun o. An nanini nen onggo eeppiige minggirak nogo, it o Erom mendek ineenu arugun o,” yinuk, at Aliku Itok Menggerak ALA nen yegerak me, yagi o, yinuk, yoragagirak.

Yetikiyen 26:14

An nen o kota ti, yugum tabak eerilek ndoonak kwak eerogo pege, yum yikwe yonggoka wolombogo logowam eerogo pege, eerigin me, obaane'me wurogo pugun mondok lek aret o, yinuk, Naliku ALA nen aret yagarak me, eerigin o,” yinuk, Aliku Itok Menggerak ALA nen aret yegerak me, kat o Tirut aret yokkigi o.

Yetikiyen 35:4

kota-kota at paga wonage nogo yigirik-noonom eerogo pege, eeke neenok, puut Teyit ti, aakumi wonogolik o karume aret arigin o. Ti eeke neenok, Naliku ALA an aret at eenu arigin o.

Yetikiyen 35:9

O Teyit time yi oone lek ndi oone lek aago kagak mondok-mondok aret wonage logowak nduk, eerogo pege neenok, at wonage menggim kota-kota time aakumi wonogo logogun lek aret o. Ti eeke neenok, Naliku ALA an aret at eenu arigin o.

Amot 1:11

Aliku ALA nen ari logonet, “It aakumi o Erom menggaarak ti, ne kenagan mban maluk eerulik, ne ambi inom eekak mban eeko nogogwaarak me, An nanini eeppiyoorak koonak wonage nogo teppiyaagin lek eeppiyaagin aret o. It Erom mendek ti nen inawuri inabuwa mbaka'lek wooluwak nutik muguren nogwe, Inanini mi'nagak mban eekwi, Kani kunik wunuk mban ari menggi kwak inawuri inanini mban eeppiinet nogwe, Eeko nogogwaarak me,

Amot 3:15

It inawi o togwi eeke kenok, ari unggwagak wurik nogo yinik-minik eerogo pege, Mo andi kenok, ari unggwagak wurik nogo langgunik-panggunik eerogo nggimbege, Inawi wurik me wanggalep inom, meeli inom, ogobakkigirik nabenak nogo yigirogo pege, Inoweewi inendagembogut inawi nggwok abe wurik nogo, yigirik-noonom eerogo pege, Eerigin o,” yinuk, Aliku ALA nen aret yegerak me, yokkiragi o.

Amot 5:11

It aap ambi eekkoloorak meek mendek nogo wi-wi aganako logonet, inambi gandum anggen mbanak nogo ndinogo waganggwi, Eeko monggotak o. Togop me, kinawi nggwok yugum abe amuni mbanak paga wurumonggotak kwe, o time ye mbanggola unggwogwe, Anggur awi yarumonggotak abe mili kwit agan laganemenggerak kwe, amburu toologo nunggwi, Eeko logomunggup lek o.

Amot 6:11

At Aliku ALA nen wone lengganogo wumbegerak me, o nggwok abe wurik nogo yigirik-noonom eerogo pit nugwi, O mbuulogwe wurik nogo yinik-minik eerogo pit nugwi, Eerugun o.

Amot 6:2

Kit nen o Kalene nogo logomonggotik, kinigen yambonit nugwi, Time nen o kota nggwok lombok Kamat nogo pekka nogwe, Ti'nuk, it aap Pilitin wonogo menggam o Nggat pekka nogwe, Eeko logonip o. Eeko logomonggotik, it inabu'me piinok menggam ti abe, ndi, kit kinabu'me piinok monggo'nom ti meek, It inanggween ti nggwok, ndi, kit kinanggween ti mbuuluk, kaamunggup mbakop?

Obaya 1:1

Aap Obaya nen abinggaanggo kagagerak nogo yi aret. Aliku Itok Menggerak ALA nen o Erom eeppuurak yereegerak nogo yi aret. Aliku ALA nen wone yegerak ninaruk konenggoorak nogo ti, Aap ambi nen, “Nit mi'nogo logomonggoorik, o Erom mendek ninom wim eeri nawok o,” yinuk, Yi aakumi ndi aakumi yoranet nawak nduk, nappegerak ti aret.

Obaya 1:10

“It Erom mendek inanini nen inawuri Yakup mendek eeppiinet nogo nogogwaarak paga, It aap yi, yogop eeka o, yinuk, inenggali wappiigwi, Inenggaawak lek eerogo piigwi, Eeremenggaarak Mondok aret logogun o.

Maleyaki 1:3

ndi, Etawu perak, neebi lombok mbake, eereegirak me, at Etawu wonage menggim puut nggelok-nggobok time karume aakumi logorak lek eerogo pege logonet, yate anggween nogo karume nugu menggaarak mba'ngge nogo inawi logowak nduk, eerogo pereegirak o,” yinuk, Aliku ALA nen aret yegerak o.

Matiyut 12:30

An ninom lambunik wonogwe lek iinok ti, ninom ogoorak aret wonogwe o. Ndi, an ninom kuwak eekulik nogo nen it ninom kuwak eeke minggirak nogo mappiigo menggaarak aret o.