Maleyaki 1:14 - Ala Wone Peenok Peebi Mbanak

¹⁴ “An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Maleyaki 1:14 ပူးပေါင်းရင်းမြစ်များ

Wakkagagerak 27:12

nogoba owagam nage neenok, eenggi pi'nake logomenggerik, nomoori lek kenok, Nambokan lagangge o, mba'nuk, awone kili'nirigin lek pulunogo aret panigin kagi.”

2 Tamuwen 24:24

Yoreegerak kwe, aap endagembogut nen aap Arawuna nogo yoge, “Togop yagandak kwe, lek o. At Aliku nogoba Ala ake warogo kani kuniyak ti, onggo pega'lek neegak, warogo wogoriyak neebi me, onggo kat koona kuniyak uugwe mbake agarik o.” Yoge nagagerik, wu syikal 50 paga anggen mbelangge menggim nggween inom, tapi inom, kuneegerak.

Ndawi 47:2

It aakumi nggween paga mendek abok aret Inowe endagembogut abu nggwok Tiyanak Lombok Menggerak Aliku ALA ti, mondok iya me, Aakumi abok aret, “Ia!” yinuk, Inagabolo ne agan nage menggerak o.

Ndawi 47:3

Yi aakumi ndi aakumi ninabu'me piya wage, Aakumi nggween paga nit ninoone mban konenggo logowak nduk, eerogo piige, Eereegerak o.

Ndawi 47:8

At Ala wone lengganogo yorage menggim alik leenak nogo paga kwi'ndak logonet, Yi aakumi ndi aakumi wone lengganogo yorage agaarik o.

Ndawi 48:2

Ninogoba Ala abuut ti, abu tiyarogon wonage me, Kigirikwe lombok wonage agaarik o. Abe kigirikwe lombok wonage kenok, It aakumi nggween paga abok aret puut ti nogo Iniki ale'nggen mbako menggaarak o. Puut alik leenak Tiyon o omarip paga pa'nggwe wonage nogo ti, Aap endagembogut mondok iya lombok agota aret o.

Ndawi 68:35

Ala wae. O abu alik leenak menggenom nogome nen kayuk warak lombok wundi wage, Iterali inogoba kat Ala nen kapuri omaawi eeppiige, Inayuk warak logowak nduk eerogo piige, Eeke menggendak me, Ninagabiti nen, “Iya!” kombako ogoorik o. Kendage mondok-mondok tiyappogo logowok o.

Ndawi 76:12

At Aliku ALA nen It aakumi inoweewi nagawan-nagawan nogo inendage lek eerogo piige, Aap inendagembogut o nggween paga wonogwe yi, Inamineeri ne agan nawak nduk eeppiige, Eeke menggerak o.

Ndawi 95:3

Aliku ti, mondok nggwok Ala aret wonage, Aakumi inagugi abok aret inirimbaga at endagembogut abu tiyanak aret wonage,

Yetaya 57:15

At endage Kikak Nakeelik, Alik Leenak, Abu Tiyanak, Ayuk Warak, Mondok Itok Menggerak nen ari logonet, “An o abe alik leenak abu tiyanak minggim wonage minggirak kwe, It aap, An maluk eekirak, ao, mbakwi nogo iniki ale'nggen eerogo piige, Iniki tebenak wonogwe iinok, iniki eyak wappiige, Eerikit nduk, It aap, An maluk eekirak, ao, mbakwi inom, iniki tebenak inom, ninom wonage minggirak o.

Yeremiya 10:10

Kaliku ALA perak, kalik Ala aret! Kat kanggeelik mondok keenik wonage, Kendagembogut kitok mondok wonage, Eeke menggendak o. Kanini mbake keenok, nggween yi nuk-nuk ari, Kanini yi aakumi ndi aakumi inoba piige keenok, ko wappunuk, wonaga'lek iniki ma'nogwe, Eeko menggaarak.

Yeremiya 46:18

At endagembogut endage Omaawi Lombok Menggerak Aliku ALA nen ari logonet, “Yi puut ndi puut enggela'me puut Tabot menggi kwak, Niyo kole yenggenak laut ambet paga puut Karemen menggi kwak, At ayuk warak ambi togop aret ari woraagin o, yinuk, an mondok neenik minggirak nendage kumbunuk yagi o.

Yeremiya 48:10

Aap ambi Naliku ALA nen eyabu unde eeppiminggirak eeka'lek mbo pege kenok, at pulunik aret logowak o. Aap ambi awooluwak paga aakumi inamiya lenggenak lek kenok, at pulunik aret logowak o.

Yeremiya 48:15

O Mowap yigirogo pi unggwogwe, O Mowap kota-kota oonda mbani unggwogwe, At aagalogwe aap tawe abu leenak wakaa'ngget mendek inoorogo piigwi, Eerugun o,” Yinuk, at endagembogut endage Omaawi Lombok Menggerak Aliku ALA nen aret yegerak o.

Ndaniyen 4:37

At mbogut paga time endagembogut menggerak nogo, eeke menggerak abok aret abe mban eeke, at eerit nage nogo a'me nggelok mban eerit nage, iniki wogoppakwi iinok tebenogo piige, eeke menggerak me, yogondak an Nebukanetat nen at ayuk wuke, alut eeke, endage tiyappege, eeke agarik o.

Ndaniyen 9:4

Tamban eeke logonet, nogoba Aliku Ala yoge, nomaluk pagangge, eereegirak nogo yi aret. “Nogoba wae. Kat abu tiyanak kayuk warak aret o. It aakumi iniki kunik eekkakwi, koone yugu liirogon porogo logonet eekwi, eekwi iinok, inabuwa mbake logonet, kinom wone koonogo pege nogo mbeyok ariilik a'me nggelok mban eeppiige menggendak, kat Ala aret o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Takariya 14:9

Aliku ALA nogo o nggween paga yime abok aret inowe endagembogut a'nuk, wone lengganogo yorage logogin o. Ne ti paga inogoba ambit Aliku ALA aret arigin me, at endage mban yogo logogun o.

Maleyaki 1:11

“Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Maleyaki 1:8

Aliku ALA ageyo ndoonak ti, iya lek o, yinuk, abe puurak kagak nomoppegak awinde-obande eerak mendek nake pi wogwe ti paga nayuk lek eerogo pogo agaarik o. It nen nake warogo wo'niriyak wonok wogo logonet, wam enegen mbuk kagak wonok niri wogwe nogo ti, maluk eekwi lek nduk yogo agaarik ya? Ndi, wam arowak langgonak inom, kugi warak inom, wonok niri wogwe nogo ti, maluk eekwi lek nduk yogo agaarik ya? It nen wam togop mendek kagak inogoba o unde menggerak nogo wogori noorak wakkaawak nda! Napuri wa, yinuk inikilom inombake, keyage warogo wogonake, eerigin mbakop? Lek aret mbaki o,” yinuk, at Omaawi Lombok Menggerak Aliku ALA nen aret yegerak o.

Maleyaki 2:1

“Eeriyak wone an yorage yi, it an neebe unde nen aret inaruk konenggo logowak o.

Maleyaki 3:9

It abok aret nen an wi-wi ee'nakwi me, it aakumi ti abok aret pulunogo piyareegirak wonogo agaarik o.

Matiyut 24:51

ayeloman nogo eebe nibik-nobak eerogo it aakumi iniki laakot logonet, eeko menggaarak piige menggim nogome mambemenggerak logonet, leenggu maake, eyak nggilik maake, eeke logogin mbaki o,” yinuk, yoragagerak.

Matiyut 5:35

ndi, nggween yi, Ala iyok pege menggim me, nggween endage kumbunuk yorogwe, ndi, o Yerutalem ti, aap nggwok endagembogut wonage menggim me, kota Yerutalem endage kumbunuk, yorogwe, eeriyak mage o, yinuk, yokkiragi o.

Lukat 12:46

Ayeloman nogo nen, Nogoba ne ndi eyom paga woraagin o, ndi, Oonegen ndi paga woraagin o, mbaka'lek ugun kobak kagak wage logomenggerik, ayeloman nogo eebe nibik-nobak eerogo it aap iniki at oba panggombunuk, abet mbaka'lek piige menggim nogome aret nappigin o.

2 Korindut 8:12

Ninamendek lek me, wogoga'lek kenok ti paga, Ala nen eebi ninombake menggerak lek o. Wonage kagak wogoga'lek kenok perak, eebi ninombake menggerak me, eebe wonage kenok wogogwi, “Wogorikit lak eebe lek me, ao,” mbakwi, ti imbirak wogogwi mban aret me, inikilom mbake menggerak.

Pelaareegerak 28:58

Ndi, kit nen eeko logorak wone yugu mbuku paga liiru mbanak wonage yi apit aret, kiniki liippunuk mugurok nogwe, at Aliku kinogoba Ala endage abu tiyanak aakumi iya mbakwi yi, ayuk wukwi, eeka'lek aret logomunggup kenok,

1 Timotiyut 6:15

Ala nen ninowe Yetut Keritut, “Ndiyom paga kin eeppi woroorak,” koonogo pereegerak nogo ndak-ndak aret kin eeppi woraagin o. Nit alut eeko monggoorak mondok alik omaawi menggerak ti, Ala aret o. Aakumi inoweewi inogoba at aret. Yi aap ndi aap inendage warak inowe endagembogut ti, at mban aret o.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 21:8

it Ala wone mugurok noorak inagabiti mbaka inom, abet mbariyak ineebi mbaka inom, maluk peyak wurik kagak ugun eerit nega inom, aakumi inooka inom, kumi ugun wurinaka inom, magagirak iyagalo inom, kugiwak amili kungga inom, pilit pugungga inom, it abok aret it logowam pipuk eerogo pereegim kani omoonuk wunuk mban ari menggim nogome mbo nappiyaagin o. Aa'nduk ineenik logonuk, kambemenggaarak kwe, kani omoonu'me nappiyoorak nogo ti, peebi ne ambi kanggwi nogo kokwak aret o,” yinuk, yo'nege kagarak.