Maleyaki 1:12 - Ala Wone Peenok Peebi Mbanak

¹² “It togop aret eerugun kwe, it aap an neebe unde nen yogo logonet, Ninogoba Ala ageyo ndoonak paga yi mendek ndi mendek pi wogwe nogo ti, Ayuk lek o, yogwe, ndi, Yi mendek ndi mendek pugu nogo ti, Abe lek o, yinuk, yogwe, eekwi ti paga an nageyo ndoonak ti, enete maluk eerogo pugwi,

Maleyaki 1:12 ပူးပေါင်းရင်းမြစ်များ

2 Tamuwen 12:14

kat eekendak paga at Aliku ALA awim nen, At Aliku ALA ti, meek aret kogoo, yinuk, agi'ndok kanggwi me, kapuluk kobaane'me pakendak nogo ti, kambigin areto,” yinuk, yoreegerak.

Yetikiyen 41:22

ake warogo wogogak eyo paga ogobakkigirik irip agi nggorek metet ambi eeppunuk ambi oolo inom wakkage kage, irip aru-ogwe inom, ambe agi-ogu inom, ti ndak-ndak metet ambit mban aret wakkage kage, ndi, aanunggut inom, iyok inom, kobat inom, ti, eyo paga mban ogobakkigirik wonage kage, eereegirak. Eeke mbareegi, at aap nogo nen an yo'nege logonet, “Eyo ndoonak Aliku ALA enggaanom paga menggerak nogo yi aret o,” yinuk, yo'nereegerak.

Yetikiyen 44:16

It nen mban nawi wurik alik leenak me unggwi wogwe, it nen mban nageyo ndoonak me ari wa'nuk, eeriyak an yorage nogo nenggaanom paga eekwi, eeko logowak o.

Oteya 13:9

It Iterali mendek yeenggwaaraga an nen aret ineebe lek eerogo piige me, aap ta nen it yeenggwaaraagin o?

Ala Unde 18:21

Naliku ALA an aret me, inogoba Ala an nendage miyuk-meya eerogo panukwak, kugi Molok ayuk wuko logonet, at ake warogo kani kunuwak nduk, inapurilogwe wogoriyak mage o.

Amot 2:7

Iniyok paga liirubu aa'ngga eerogo pogo mengga kwak it aakumi ambi eekkoloorak meek nogo mendek togop aret eerogo piigwi, It aakumi tebenogo piigaarak nogo inawone liirogon mbangga'lek yaga-taga eerogo piigwi, Aput-ogoba imbirak nen kwe tawe ambiret terak eerit nugwi paga an nendage alik leenak nogo maluk eerogo pugwi,

Maleyaki 1:13

ndi, it nen wone ambi yogo logonet, Yi eekwi yi ti, aaninggin ambik aret o, yinuk, laakot mbako logonet, yogwe, eeko agaarik o,” yinuk, at Omaawi Lombok Menggerak Aliku ALA nen aret yegerak o. “It wam kugun wogo inom, inarowak langgonak inom, kugi warak inom, wonok an nake kani kunggwi iinok, an nen, Wa! yinuk, keyage warogo woorak op mbakwi ya? Mondok lek aret o,” yinuk, at Aliku ALA nen aret yegerak o.

Maleyaki 2:8

it an neebe unde yi nen perak, tu abe paga noorak yorage minggirak nogo, mbo punuk alik mendek mamuninabit nogwe paga it aakumi apit aret iniyogobit lik togon wambit nogo menggaarak. It Lewi ninom eeko logorak wone koonogo pereegirak nogo, taganogo mbo pereegwaarak o.

Oroma 2:24

“Kit eekwi paga it endekem konenggulik mendek nen Ala endage miyuk-meya eerogo pogo agaarik o,” yinuk, liiru mbanak wonage nogo kit Yakuri nen aret eekwi kiigi o.