Maleyaki 1:11 - Ala Wone Peenok Peebi Mbanak

¹¹ “Oonegen lagi wage menggim nen nok, kilu yi nage menggim kuli, yi aakumi ndi aakumi inenggela'me abok aret an nendage mondok tiyanak logogin o. Aakumi inanebunu lombok inenggela'me nendage abu tiyanak logogin me, an nendage kumbunuk, yi o ndi o abok aret nake obari abe mendek kani kunggwi, an nake abe pugwi iinok, nale'nggen nen wagangge nogo mendek wo'nugwi, eeko logogun o,” yinuk, at Omaawi Lombok Menggerak Aliku ALA nen aret yegerak o.

Maleyaki 1:11 ပူးပေါင်းရင်းမြစ်များ

1 Mbinineegwaarak 16:25

Aliku ALA ti, mondok iya lombok me, At mban tiyappogo logorak op aret o. Yi kugi ndi kugi abok aret inayuk warak aret kwe, At inirimbaga lombok me, at mban ayuk wuko logonip o.

Ndawi 111:9

Apuri wondet aago logowak nduk wone lengganogo piige, Eeppiyoorak wone koonogo pereegerak nogo Mondok-mondok eeko logowak nduk koonogo pege, Eereegerak me, At endage mondok iya alik leenak aret menggerak.

Ndawi 113:3

Oonegen wundi wage menggim nen nok, kilu yi nage menggim abok aret Aliku ALA endage mban tiyanak wonage, Eerak logowak o.

Ndawi 138:5

Kaliku ALA mondok tiyanak lombok menggendak me, Kat eerit nage menggendak nogo ndawi paga kanep pugwi, Eeko logowak o.

Ndawi 141:2

Obari abe kaga kani kunggwi iinok, Kale'nggen mbake menggen kwak, An tamban eeke nogo ti, karuk konengge, O kiyoma age paga ndomba warogo kani kunggwi iinok, wagangge menggen kwak, Neenggi nippunuk yokkege nogo liippanege, Eerumunggun o.

Ndawi 45:17

Kombowologwe nda'narit wundi wogo logonet, Kendage ki eerit wundi wogo logowak nduk eeppiyaagin me, It yi aakumi ndi aakumi abok aret nen Kat mondok-mondok, “Wa!” yokkirit wundi wogo logogun o.

Ndawi 48:10

Ala wae. Kendage yi o ndi o wiganinuk nagagi kwak, Kabok konembunuk, kendage tiyappagawi nogo ti, O irip-irip abok aret wiganinuk nage, Keenggi abe omaawi paga A'me nggelok eeppiige menggendak nogo Yi awi ndi awi ineenu arit nage, Eeke agaarik o.

Ndawi 48:11

Eekaatak onggo ndak-ndak eeppiige paga Puut Tiyon nen ale'nggen mbake, O Yekura yi yaga'lelo ndi yaga'lelo Inale'nggen nen ndawi lubuk yogwe, Eeko agaarik o.

Ndawi 50:1

At Omaawi Lombok Menggerak Aliku Ala oone ari, Oonegen lagi wage menggim nen nok, o kilu yi nage menggim kuli It nggween paga yime menggaarak nogo wiirage,

Ndawi 65:9

O nggween yi, kat unde wake logonet, mayu wuppit wage, Nggween mili lubunogo pit nage, Eeke menggendak paga Anggen ka'let age menggerak o. It aakumi inambi-inombaato ambik nonggo logowak nduk, Kat koonogo piige menggendak me, Yi niyo ndi niyo nage nogo porok ari kero, niyo mban logowak nduk, mayu wambi wage,

Ndawi 86:9

Nogoba o. Kat Ala kalik aret wonage, Abu nggwok lombok wonage, eerubok mendek eeke, Eeke menggendak me, Yi aakumi ndi aakumi ogobakkigirogo piyareegindak nogo Abok aret wogo logomenggaarik, Kat kabu'me tebe yinuk, kalut eekwi, Kat kendage kunogo tiyappagit nugwi, Eeko logogun o.

Ndawi 96:8

Aliku ALA endage abu iya me, tiyappugwi, At ake wogoriyak wonok at oore'nggam pi unggwi wogwe,

Yetaya 12:4

Ne ti eyom paga kit nen it yorogo logonet, “Aliku ALA, Wa, yogwi, At endage kunogo kinoone nggwok paga yogwi, At eerit wagagerak nogo yi aakumi ndi aakumi inenggela'me yoranet nugwi, At endage tiyanak lombok menggerak nogo wiganogo pit nugwi, Eeko logonip o.

Yetaya 12:5

Aliku ALA abu iya lombok eerit wagagerak me, at anep tenok-mbenok yogo logonet, ndawi wakwi, At eerit wagagerak nogo aakumi o nggween paga wonogwe abok aret ineenu eeppiinet nugwi, Eeko logonip o.

Yetaya 19:21

Aliku ALA nen aakumi Metit mendek at eeke menggerak ineenu aruwak nduk, nigiya wage kenok, ne ti eyom paga it nen, “Aliku ALA ti, nit ninogoba aret o,” yinuk, alut eeko logonet, ake warogo wogogwi, yi mendek ndi mendek wogogwi, “Yogop eeko logowok o,” yinuk, Aliku ALA endage paga kumbuk mbanggwi, ndi, kumbuk mbanemenggaarak nogo ndak-ndak aret eekwi, eeko logogun o.

Yetaya 30:27

At Aliku ALA nogo o nda nen kin ari wa'nuk anini kani kunik negen eeke, Ka'luk yarugu-parugu eeke enggela'me wage, Anini lombok inikime logonet, oone ari, Kani nen iri'ngga yoguk togon eeke menggi kwak oone togop ari,

Yetaya 54:5

At ogobakkigireegirak ti, ore an aret me, nendage ti, Nomaawi Lombok Minggirak Naliku ALA aret. Iterali inogoba Kikak Nakeelik Nalik Leenak Minggirak ti, at onggo mbangga an aret me, It o nggween paga yime menggaarak abok aret inogoba Ala an aret o.

Yetaya 59:19

Aliku ALA ambe aagi wumbegetak paga niyo wu'nuk wage menggi kwak wage kenok, Aakumi oonegen kilu yi nage menggim pa'nggwe wonogwe nen Aliku ALA endage tiyanak nogo wage kenok inagabiti mbakwi, It oonegen lagi wage menggim pa'nggwe wonogwe nen at obaanggi-obaangge li'luk eekko'nok wage kenok, ayuk wukwi, Eerugun o.

Yetaya 66:18

“Aakumi inanebunu lombok abok aret inom, inoone alitak abok aret inom, eeriyak iniki koonogo pugwi, eerit nugwi, eeko menggaarak abok aret an neenu me, wage logominggirik, Kuwak ee'nip o, yoraminggirak kuwak eekwi iinok, an tiyanak logonet iya tit eeppiinet nage nogo inigen kaagun o.

Yeremiya 10:6

Kaliku ALA wae. Kat ndak-ndak ambi wonage lek aret o. Kat mondok nggwok aret me, kendage kunggwi iinok, komaawi paga eerit nage menggendak.

Yeremiya 10:7

It yi aakumi ndi aakumi inowe endagembogut yi wae. Taani nen kat kayuk wuriyak lek mbako agaarik? It aakumi inanebunu lombok inom, it inoweewi aap inendagembogut inom, apit aret inenggela'me Kat kokwak aap iniki warak ambi lek aret me, Kat mban kayuk wuko logorak ti op aret o.

Yeremiya 4:2

Ndi, Nit a'me nggelok mban eeppiinet nugwi, Obeelom mban eerit nugwi, Pilit lek abet aret eeko logogun o, yinuk, Neenik Minggirak Naliku ALA nendage kunogo kumbuk mbanggwi, Eekwi iinok, It aakumi inanebunu lombok nen, It eekwi ti, nit togop aret eeko logowok o, yinuk, Nale'nggen-kale'nggen yogo logonet, nendage tiyappanogo logogun o,” yinuk, yegerak me yokkiragi o.

Ndaniyen 2:45

Yugum kole puut paga aakumi ineenggi paga nen langgunogo nappi woroolik alik en yelek togon wangge logonet, ogut mbuti owak paga inom, mbuti tembaga paga inom, nggabok paga inom, mbuti perak paga inom, mbuti emas paga inom, ogobakkigirik nogo aan lebenogo pege kabinggaanggo kagandak alom nogo ti aret. At Tiyanak Lombok Menggerak Ala nogo nen peebi ariyak nogoba kendagembogut kabinggaanggo paga yokkegerak nogo ti aret. Kabinggaanggo kagandak nogo ti abet aret me, Alom yogop aret o, yinuk, yokkigirak nogo ti, abet mba'nok nduk yokkigi o,” yinuk, yoreegerak.

Mika 5:4

At eebe paga iniki ugun tayenak nu'lek aganaka aret logogin o. It aakumi o Atiyut mendek nen nit ninanggween tebenggola unggwogwe, Ninobak wurik nogo langgunogo punuk, unggwi wogwe, Eeruwok nduk, eekwi iinok, Ndomba ndegeninako mengga kwak ninoweewi ineebe 7 ilik, 8 a, pilak yogo logonet, inoba kwi'naruwak nduk, mippiyaagun o.

Tepaniya 2:11

At Aliku ALA nen it aakumi o nggween paga yime inagugi lek eerogo piige kenok, Inagabiti nen, “Aliku ALA ti, iya!” yinuk, yi aakumi ndi aakumi nggween paga wonogwe abok aret inalitik-inalitak menggam logonet, Aliku ALA abu'me tebe yinuk, at alut eeko logogun o.

Tepaniya 3:9

Ti eeppiinok, it yi aakumi ndi aakumi abok aret Naliku ALA an mban nendage kumbunuk yo'nugwi, It iniki ambit eeppunuk, an mban nalut eekwi, Eeko logowak nduk, Wone wunako nogogwaarak paga inambe maluk agagerak nogo, obeelom eerogo piyaagin o.

Takariya 8:7

At Omaawi Lombok Menggerak Aliku ALA nen an yo'nege logonet, “An napuri oonegen lagi wage menggim pa'nggwe wonogwe inom, oonegen kilu yi nage menggim pa'nggwe wonogwe inom, an nen inagap ndagaren

Maleyaki 1:14

“An aakumi inowe nendagembogut mondok iya lombok wonage, ndi, yi aakumi ndi aakumi inenggela'me nendage tiyanak nayuk warak wonage, eeke minggirak me, it aap ambi nen aanggumi inenggela'me ngguunok abe an woorak mendek ambi wonage me, Ala ake pigi o, yinuk, kumbuk mbanogo pemenggaarak kwe, mbo punuk, obaane'me alik aga'lu mendek ogoba an Ala wo'niri wage ti, nambokan laganogo wo'nege me, at mondok pulunik aret logowak o,” yinuk, at Omaawi Lombok Menggerak Aliku ALA nen aret yegerak me, yokkiragi o.

Maleyaki 3:3

Mbuti perak at mendek mban age, abinak age, eeruwak nduk, aap kani woraka kwak a'nuk, eeppiige logogin o. Mbuti emas inom, mbuti perak inom, enete abinak aruwak nduk, kani worako mengga kwak, it Lewi mendek togop aret eerogo piige kenok, ake wogiri wogwe nogo ti, iniki ale'nggen paga wagangge nogo mendek ake pi wogo logogun o.

Matiyut 28:19

kit nen yi aakumi ndi aakumi inanebunu lombok an noone waganggo logowak nduk, eerogo piinet nogo logonet, nogoba Ala endage paga, aput an nendage paga, Aberiniki endage paga, yiime wuppiigwi,

Matiyut 8:11

Aakumi ambik agi-ogu nen wogo logomenggaarik, Abarakam kunduk, Itak kunduk, Yakup kunduk, inom at mbogut paga mendek abu'me piige menggim laago larak noorak nduk, kuwak ari nagun kwe,

Lukat 1:10

Mippogo mbareegwa, aap Takariya nogo nen obari abe kaga kani kunikit nduk, unggwage nagagerik, kungge kagak, it aakumi apit kuwak aago nogo endekem logonet, tamban eereegwaarak.

Oroma 12:1

Ti kenok, nowe-nawot o. At ninogoba Ala ninabuwa mba'nuk, nggwok togon eeppinanege menggerak me, Ala ake warogo pogo mengga kwak, kit nen, “Nineenik logonet, Ala ake mban eerit nugu logowok nduk, nineebe apit aret Ala ake leenogo pogo o,” yinuk, “Ineebe apit aret Ala wogo'nuk logowak lak, an ao,” mbake logonet, yokkirage agarik o. Ti eerumonggotak paga Ala nen, “It yi abet aret nalut ee'nakwi iigi,” yinuk, ale'nggen kinombake logogin o.

Pilipi 4:18

Kit nappani wogogutak nogo, abok aret waganeegirak me, lek aga'lek wonage aret o. Ala ake pugu kani kunggwi obari obeelom kenok Ala nen, “Op wo'nega o,” yinuk, iniki ale'nggen mbake menggi kwak, kit an nake pugu aap Epapororitut nen wo'niruwak nduk nappi wogogutak nogo, wonok niri wage mbareegi, wagangge nagagirik, ndiinik-piinik agago pereegirak lek aga'lek wonage aret o.

2 Tetalonika 1:12

Ninogoba Ala at ninowe Yetut Keritut imbirak iniki kunik nen eeppinagagwi iigak, kit togop aret eerit nogo logonet, at tiyappugwi kiinok, at nen kit kunduk tiyappinagage logogin o.

1 Timotiyut 2:8

Togop me, it aap yi awi ndi awi abok aret inanini mbakwi, wone wakwi, eeka'lek obeelom mban logonet, ineenggi nippunuk, tamban eeko logowak nduk, “Ao!” lombok inombake minggirak.

Wayu 11:15

Yo'nege mbaki, nenegen wonage me, malayikat 6 inarompet oone eeko mbaka, ambi nogo nen arompet nogo oone eeke mbaki, it mbogut paga time nen inoone nggwok yogo logonet, “O nggween paga time aakumi inabu'me piinok menggam abok aret, at ninogoba inom, at leenogo mippereegerak Keritut inom, imbirak inoone konenggo logowok nduk, inabu'me ari waga o. Ari wogwe iinok, Keritut nogo nen inowe endagembogut logonet, mondok-mondok wone lengganogo yorage logogin o,” yinuk, yogwe iigirak.

Wayu 15:4

Ninogoba o. It taani nen kayuk wukwi, kendage tiyappagagwi, eeka'lek logogun mbaken? Lek aret o. Kat maluk eekeelik kalik leenak obeelom mban menggendak o. Kat mondok a'me nggelok mban inowak loongge menggendak ineenu me, It aakumi inanebunu lombok abok aret kowagam tebe yi wogo logomenggaarik, kalut eeko logogun o,” yinuk, ndawi wakwi iigirak.

Wayu 5:8

Wagangge mbaki, it aakumi nen iigulik mendek ineebe 4 nogo inom, mbogut paga wonogwe inoweewi ineebe 24 nogo inom, Ndomba Aagaluk nogo abu'me tebe yinuk,