Lukat 9:51 - Ala Wone Peenok Peebi Mbanak

⁵¹ Ti'nuk, peebi at Yetut mbogut paga lagi noorak eyom panggoni wage mbareegi, Yetut o Yerutalem noorak nduk, iniki mondok ogogumbuk eekkolage nagagerik,

Lukat 9:51 ပူးပေါင်းရင်းမြစ်များ

2 Endagembogut 2:11

Yoge nagagerik, imbirak wone mban-mban tu paga nogwe me, abera'lek me kani wuninik negen kuda nen nggweendo nikkenok wogo nogogwaarik, Elita ogoorogo punuk, o wiya nombok-kombok eeke kagak, at Eliya nogo aret wonok mbogut paga laganggwi iigak,

Marakut 16:19

Ninowe Yetut nogo wone ti yorage mbareegi, Ala nen wonok, mbogut paga pi laganeegerak. Pi lagangge mbareegi, at eenggi abe paga kwi'nagagerak.

Lukat 12:50

Aakumi yiime wuppiigwi kwak an ambi eeppaniyak nduk wonage kwe, yobok togon eeppaniyak awo me, niniki abu meek lombok ee'nake o.

Lukat 13:22

Ti yorage nagagerik, ti'nuk, at Yetut nogo o Yerutalem wage logonet, o kota-kota inom, yaga'lelo-yaga'lelo inom, ambime unggwagak eerit wage logonet, wone mamuniranet wage nagagerak.

Lukat 17:11

Peebi ne ambi paga at Yetut o Yerutalem wage logonet, o Tamariya wukkagak, o Nggalileya nikkagak, tu oolo paga wagagerak.

Lukat 18:31

Yorage nagagerik, ti'nuk, aap 12 nogo wogoret tayo yi nanuk, it yorage logonet, “Wologwe wae! Nit o Yerutalem wambi nogo ogoorik o. Wambi namonggoorak wonogwe me, it aap Ala yorage kagak yoraga nen an aap aret nda'nagagirak eeppaniyak liiru mbaneegwaarak nogo abok aret time nen a'me nggelok ari kaamunggup o.

Lukat 19:11

It aakumi nogo inaruk konenit wogwe iigak, at Yetut nen wone yoranet inom o Yerutalem wok yi wambi wogo nogogwaarik, it aakumi nen Ala abu'me piige menggim mbet-mbet tena'me ariyak mbakwi yelok iige nagagerik, wone eegu laarogo ambi yorage logonet,

Lukat 19:28

Yetut nen wone ti yorage nagagerik, at aa'nduk o Yerutalem wage me, oone waganggwi inom wogo logonet,

Lukat 24:51

Ale'nggen inoba awo piige kagak, at eebe wonok mbogut paga lagangge kogogwaarak.

Lukat 9:57

Nogwe me, aap ambi nen Yetut yoge logonet, “Kat nege logorak mbake keenok, an nimbirak aret nugu logowok o.”

Yaya 13:1

O kiyoma laago Obaga Mbo Nagagerak lariyak eekwi iigak, at Yetut o nggween paga yime mbo punuk, ogoba ka noorak eyom panggoni wagagerak eenu wonagagerak. At apuri at inom o nggween paga nugu nogogwaarak nogo, iniki kunik eeginake nagagerak me, “Iniki kunik ee'ninake tit kagak, kanggi o,” mbaruwak nduk, eeppiyareegerak nogo yi aret kagak, eeppuurak eyom nogo aret ari nagagerak.

Yaya 16:28

An nogoba wonage me nen o nggween paga yime wambi wagagirak. Ndi, yogondak an o nggween paga yime mbo punuk, nogoba ka nage agarik o,” yinuk, yoragagerak.

Yaya 16:5

yogondak perak, at nappani wagagerak nogo ka nage logonet, yokkirage neegak kwe, kit ambi nen, Kat nggeeme nage agandik o? yinuk, yo'nega'lek ogotik o.

Yaya 17:11

An o nggween paga yime ambinom logogin lek o. Yogondak an keya wage kwe, it kapuri yi perak, o yime aret logogun o. Ai, nogoba! Kat kikak nakeelik mondok alik leenak menggendak o. Kat nimbirak niniki ambit monggoorak nogo ndak-ndak, it kat nen wo'nereegindak nogo iniki ambit aret logowak o. Kat kendage nggwok logonet, komaawi lombok eeppaneegindak nogo paga kapuri yi, ndegeninake logot o.

Yaya 6:62

An aap aret nda'nagagirak wonagagim niyok paga lagangge kinigen neego logomonggotik, kit nonggop nombarumunggup.

Nappiigak 1:9

Wone ti yorage nagagerik, ina nigagik iigak, wonok lagi nage mbareegi, ameraakot enggela'me nobareegerak o.

Pilipi 3:14

Keritut Yetut eereegerak paga at Ala nimbirak mbogut paga logokit nduk, yonggo paneegerak nogo mban nengga loolo agago punuk, mbe agan mugurok nage agarik o.

1 Timotiyut 3:16

Nit Ala wone abet mba'nuk waganggo monggoorak kote kumaarak lombok wonagagerak nogo yi o. “At aap aret kin ari wage mbareegi, Yi Ala aput, mbaruwak nduk, Aberiniki nen kin eeppereegerak. Kin eeppege mbareegi, it malayikat nen at eebe inigen kogwe, Ala wone ineenggo'lek mendek wonogome yoranet nogwe, it aap abok aret at abet mbakwi, eeko mbareegwa, Wi, ugwi iigak, wonok laganeegerak o,” yinuk, yogo menggaarak nogo mondok abet aret kogo o.

Iberani 12:2

Ndi, aa'nduk nit abet mba'nuk Ala wone waawok nduk niniki pipuk eerogo pinanege, ti'nuk, abet mbakwi niinok, niniki mondok kole eerogo pinanege, eeke menggerak ti, Yetut aret me, at mban ninigen loorit mugurok nogo logowok o. It aap eyo karo-karo paga nabenogo piigwi iinok, “Aap mondok maluk mendek aret o,” yogo menggaarak nogo, at Yetut nen, “An togop nombariyak me, neebi o,” ti mbarulik. Ata, “Peebi nale'nggen nggwok kaagin me, yogondak we luulu togop ee'naburak op aret o,” yinuk, ogogumbuk a'nuk, eyo karo-karo paga kangge nagagerik, eenik a'nuk, Ala wone lengganogo yorage menggim Ala eenggi abe'nggan paga kwi'nari laganeegerak wonage o.

Iberani 6:20

Ndi, at Yetut nogo ti, aap Meliketerek eeke nagagerak nogo pogom, Ala unde ninowe nggwok mondok-mondok logowak nduk, mippereegerak me, nit peebi unggwi nawok nduk, at aa'nduk ninake tu yarit unggwi nagagerak wonage o.

1 Peterut 3:22

At Yetut Keritut nogo ogoba Ala nen eenik eerogo mippege mbareegi, it malayikat inom, it o oolo ya'i menggaarak Tile inom, yi kugi ndi kugi inom, abok aret at abu'me logowak nduk, tebenogo piige nagagerik, yogondak mbogut paga ogoba Ala eenggi abe'nggan paga kwi'nari laganeegerak wonage agaarik o.