Lukat 9:47 - Ala Wone Peenok Peebi Mbanak

⁴⁷ It iniki mbako logonet, wone wakwi nogo at Yetut yelok iige nagagerik, wulaga mbuuluk ambi waganogo eraaninu mippunuk,

Lukat 9:47 ပူးပေါင်းရင်းမြစ်များ

Ndawi 139:2

An kwi'nage, mi'nage, eeke neegak, liippanege, Niniki koonit nage minggirak nogo O nda nen yelok na'neya wage, Eeke menggendak o.

Ndawi 139:23

Ala wae. Kat nen an liirogon malennake, Niniki mbake keenu age, nabut mbangge, Niniki koonit nage nogo liippanege, Eeru o.

Yeremiya 17:10

“Naliku ALA an perak, aakumi inobaabut eeko logomenggaarak nogo ndak-ndak onggo wogorage, Ndi, eerit namenggaarak nogo ndak-ndak eeppiige, Eeke logokit nduk, It aakumi iniki koonggwi nogo liippiige, iniki mbakwi nogo inabut mbangge, eeke minggirak o,” yinuk, yegerak.

Matiyut 12:15

At Yetut nogo nen it wone mbanggwi yelok iige nagagerik, o time teppunuk, nage mbareegi, aakumi ambik inom nogogwaarak me, it kugi andi abok aret obeelom eeginake nagagerik, yorage logonet,

Matiyut 9:4

It iniki mbakwi nogo at Yetut yelok iige nagagerik, yorage logonet, “Kit nonggop nduk kinikime maluk aret koonggo ogotik?

Lukat 5:22

Mbakwi nogo Yetut yelok iige nagagerik, yorage logonet, “Kit nonggop nduk kiniki togop mbako ogotik?

Yaya 16:30

Yogondak kat yi wone ndi wone abok keenu aret me, Wone ngge koonggo ogotik o, yinuk, aakumi kin wogiyoorak lek aret keego o. Ti paga kat Ala wonage me nen wagagindak abet aret kombako o,” yoreegwaarak.

Yaya 2:25

It aakumi iniki mbakwi nogo ti, Yetut eenu menggerak me, aap ambit nen at ambi eeke abok paganogo at yoriyak mondok lek aret o.

Yaya 21:17

Ne mbere yoge nagagerik, ti'nuk, ne ambinom yoge logonet, “Yaya aput Timon wae. Kat an kiniki kunik ee'nake ilik, lek a?” Yoge mbareegi, at Yetut ne kenagan paga, “Kat an kiniki kunik ee'nake ilik, lek a?” yoreegerak paga, at Peterut iniki maluk age nagagerik, yoge logonet, “Nogoba o. Kat yi abok ndi abok keenu aret me, an niniki kunik eekkake nogo kat keenu aret o.” Yoge mbareegi, at Yetut nen, “Nandomba ndegeninake logot o.

1 Korindut 14:20

Noreewi o. Kit kiniki koonggwi nogo ti, it wologwe-mbuulogwe iniki koonggo mengga kwak, kiniki togop koonggo logogup o. Ata, it aap iniki warak koonggo menggaarak pogom koonggo logonip o. Maluk eeriyak eekkinake kero, elege awo ngget ndarak maluk ineenggo'lek menggaarak nogo pogom, kit togop aret logonip o.

Iberani 4:13

Nit aakumi inom, yi mendek ndi mendek ogobakkigirik inom, abok aret at Ala enegen kage menggerak me, ambit-ambi at enegen neega'lek me nduk, kumaa'nariyak abu meek o. At enggaanom paga yi mendek ndi mendek abok aret kin paga wonage me, at abok aret enegen kage menggerak o. Togop aret me, nit eeko monggoorak nogo ambi kumaappugun lek abok aret mbininogo at yorugun o.

Wayu 2:23

Kwe ti, aagalogwe nogo abok aret inoorit nage neenok, it an napuri yi awi ndi awi kuwak eeko menggaarak nogo abok nen, Nit niniki mbakwi inom, niniki koombunuk eerit nogwe inom, abok aret liippinaninuk onggo ndak-ndak wo'nirage menggerak ti, at aret kogo o, yinuk, an neebe ineenu arugun o.