Lukat 9:44 - Ala Wone Peenok Peebi Mbanak

⁴⁴ “An wone yokkirage yi, liirogon konenggo logonip o. An aap aret nda'nagagirak yi, nooruwak nduk neebe pigogo aakumi wogorage kaamunggup o.”

Lukat 9:44 ပူးပေါင်းရင်းမြစ်များ

2 Tamuwen 24:14

Yoge mbareegi, Ndawut nen Nggat yoge logonet, “Ai. Togop eeppaniyak ti, niniki aaninggin lombok ee'nake kwe, aakumi ineenggi paga nen eeppaniyak ti mage o. Ata, at Aliku ALA nen ninabuwa nggwok lombok mbake me, at eenggi paga nen eeppinanuwak o,” yoreegerak.

Matiyut 16:21

Inaruk wareegerak ti eyom paga nen at Yetut nogo at oone waganggwi yorage logonet, “An o Yerutalem time noorak agaarak me mondok nage agarik o. Nage neenok, It aap inanggok inom, it Ala unde inoweewi inom, it Ala wone liiru mbanak unde inom, nen noba aaninggin-paaninggin agago paninuk, noorugun o. Nooko mbaremengga, nogo mbere yippunuk, ko'lu Ala nen neenik agago mippanigin o,” yinuk, paganogo yoragagerak.

Matiyut 26:2

“Nogo mbere yippunuk, laago Obaga Mbo Nagagerak lariyak kineenu me, lakwi eyom paga an aap aret nda'nagagirak yi, eyo karo-karo paga nabembanuwak nduk, neebe pigogo aakumi wogoraagin o,” yinuk, yoragagerak.

Marakut 8:31

Inaruk wake nagagerik, wone yorage logonet, “An aap aret nda'nagagirak yi, mondok noba aaninggin-paaninggin agago panugun o. It aap inanggok inom, it Ala unde inoweewi inom, it Ala wone liiru mbanak unde inom, ineebi nen nooko mbaremengga, nogo mbere yippunuk, ko'lu neenik arigin o,” yinuk,

Lukat 1:66

Wone agan nugwi nogo it abok aret inaruk konenggo nogogwaarik, liippunuk, “Ninogoba Ala eenggi ndoonak paga wonage,” kogo nogogwaarik, “Wulaga yi, tawe age logomenggerik, nonggop logomunggwi?” yinuk, yogo nogogwaarak.

Lukat 18:31

Yorage nagagerik, ti'nuk, aap 12 nogo wogoret tayo yi nanuk, it yorage logonet, “Wologwe wae! Nit o Yerutalem wambi nogo ogoorik o. Wambi namonggoorak wonogwe me, it aap Ala yorage kagak yoraga nen an aap aret nda'nagagirak eeppaniyak liiru mbaneegwaarak nogo abok aret time nen a'me nggelok ari kaamunggup o.

Lukat 2:19

Pi wareegwaarak kwe, at Mariya perak, wone agan nugwi nogo abok aret iniki kundugu eekkolage logonet, iniki koongge nagagerak.

Lukat 2:51

Ti'nuk, at inom o Nataret nogo nogogwaarik, at agalo-ogoba inabu'me logonet, inoone liirogon konengge kagak, at agalo nogo nen perak, it aakumi agan nugwi nogo inikime liippake nagagerak.

Lukat 24:44

Nengge nagagerik, yorage logonet, “Ninom logonet, an eeriyak wone nogo aap Muta nen Ala wone yugu liiru mbangge logonet, mbaneegerak nogo inom, it aap Ala yorage kagak yorogo nogogwaarak liiru mbaneegwaarak inom, mbuku Ndawi paga liiru mbanak nogo inom, abok aret a'me lik yigin o, yinuk, yokkirage nagarak nogo yi aret eeppanggaarak o.”

Lukat 9:22

Inaruk wappunuk, yorage logonet, “An aap aret nda'nagagirak nogo mondok noba aaninggin-paaninggin agago panugun o. It aap inanggok inom, Ala unde inoweewi inom, Ala wone liiru mbanak unde inom, ineebi nen mbo panugo logonet, nooko mbaremengga, nogo mbere yinuk, ko'lu Ala nen neenik agago mippanigin o.”

Yaya 16:31

Yogo mbareegwa, at Yetut nen, “Kit yogondak abet aret nombako ogotik ya?

Yaya 16:4

Aa'nduk yokkirage logolik kwe, eekkinaburak eyom panggoni wage kenok, wone yokkiragarak yi, abeko logomunggup nduk, yogondak yi aret yokkiragi o,” yoragagerak. At Yetut ambinom yorage logonet, “An aa'nduk kit ninom logonet, wone yi yokkirage logolik kwe,

Yaya 19:11

Yoge mbareegi, at Yetut nen, “At mbogut paga mendek nen kat an eeppaniyak nduk unde eeppaganetak lek en, kat nen an eeppaniyak meek aret logonetak me, kat eeke nogo ti, maluk mbuuluk negen, ndi, at an neebe wo'niret kiri wagaarak nogo perak, maluk iya tit eekerak o,” yinuk, yoreegerak.

Nappiigak 2:23

At Ala nen peebi eeriyak koonogo pereegerak mugurok aap Yetut nogo pigogo wokkirogo mbaka, kambuwak nduk, it aap maluk eeka kinom nen eebe eyo paga nabenogo pogotak kwe,

Iberani 2:1

Togop me, nit Ala wone ninaruk konembunuk waganeegurak nogo, mbo punuk nomo agan nogwe niyo, ambinom nggirik-nggerok agago porogo logowok o.