Lukat 9:33 - Ala Wone Peenok Peebi Mbanak

³³ Iigo mbareegwa, it aap mbere nogo Yetut mbo punuk, lagi noorak nduk eekwi iigak, Peterut nen Yetut yoge, “Nogoba wae. Nit yime obeelom aret wonogwe me, kit logobagip nduk, ooliya kenagan, ambi kat, ambi Muta, ndi, ambi Eliya, wurogo pinagarak op aret o,” yinuk, yoreegerak. (Ti yoreegerak nogo we ugun eenggo'lek me, yoreegerak.)

Lukat 9:33 ပူးပေါင်းရင်းမြစ်များ

Ndawi 27:4

Wone ambit ambi Kaliku ALA yokkiriyak mbake, Ambiriluk ambi an eeke logorak uugwe mbake, Eeke nogo yi aret. Keraambe abu obeelom lombok menggendak nogo liippagage, Kat kawi wurik me logorak ninikilom mbake, Eeke logokit nduk, An Kaliku ALA kawi wurik me wonage neegak, Mondok kambi noorak kuli ari nawak o.

Ndawi 73:28

Togop aret eerumunggun kwe, an perak, Kat Ala nimbirak kunik logorak op aret mbake agarik o. Neebe op logorak nogo ti, Kaliku Kitok Menggendak kat ALA aret kombakirak me, Kat eerit nage menggendak nogo yoranet nage logogin o.

Matiyut 17:14

Liippogo nogogwaarik, aakumi kuwak aago inowagam wambi wogo mbareegwa, aap ambi Yetut owagam nage nagagerik, abu'me tebe yinuk, yoge logonet,

Matiyut 17:4

Wone mbanggwi iigo nogogwaarik, at Peterut nen Yetut yoge logonet, “Nogoba wae. Nit yime wonogwe ti, obeelom aret me, kit logobagip nduk, an nen ooliya kenagan ambi kat, ambi Muta, ndi, ambi Eliya, wurogo pinagarak op aret mbaken ilik, lek a?”

Marakut 10:38

Yogo mbareegwa, at Yetut nen, “Kit yo'nugwi ti, kineenggo'lek logonet, yo'nogo ogotik. An nagi toolak nagin ti, kit noorak op mbakop? Aakumi yiime wuppiigwi kwak an ambi eeppanugun ti, kit eeppinagarak op mbakop?”

Lukat 5:5

Yoge mbareegi, Timon nen, “Ai, nogoba. O kii'me nen wuppugwi tit niigak ambi wagangga'lek aret o weegerak kwe, yo'niragandak me, wuppi nawi o.”

Lukat 9:34

Nogo awo yoge kagak, ameraakot wage logonet, nobarogo piyareegerak. Ameraakot inoba nobappiya wage mbareegi, inagabiti nggwok mbakwi iigak,

Lukat 9:49

Yorage mbareegi, Yaya nen, “Nogoba wae. Aap ambi kugi inikime unggwagagerak wonage me, aap ambi nen kat kendage kumbunuk nggiginogo wumbiige kogo nogoorik, at ninom nugulik me, Mage, yogoorak o.”

Yaya 14:8

Yorage mbareegi, at Piliput nen, “Nogoba o! Kat kogoba ninigen kaawok nduk ni'niyet o. Ni'niige kenok, niniki tayok yugun o.”

2 Korindut 4:6

At Ala nen ari logonet, “O apit me eya aruwak o,” yinuk, eya eereegerak nogo inom, ndi, Ala mondok tiyanak, “Wi!” ugwi nogo, Keritut enete liippunuk, yelok kogo logowok nduk, ninikime eya ee'ninabeegerak nogo inom, ti eebe ambit Ala nen mban aret eereegerak o.