Lukat 9:32 - Ala Wone Peenok Peebi Mbanak

³² Mbanggwi iigak, aap Peterut oreewi inom abu nogo yuurak eeginabeegerak kwe, ineenik ogo nogogwaarik, Yetut abinak pindanggage kagak aap mbere Yetut inom wonogwe iyareegwaarak.

Lukat 9:32 ပူးပေါင်းရင်းမြစ်များ

Yetaya 60:19

At enggela'me eya eerak mondok-mondok logorak ti, at ogoba Naliku ALA an aret o. Ndi, endage tiyanak kenok, Wi! yogo logorak ti, at ogoba Ala an mban aret me, Oonegen o liingge eya eeke nogo ambinom eya eerogo pege, Tut oonikiya eya eeke nogo ambinom eya eerogo pege, Eeke logogin lek o.

Ndaniyen 10:9

Abu ndeyak eerogo paneegerak taati wonage me, at oone ari naruk koneneegirak. At oone ari ti, liirogon naruk konengge me, nambuluk yipuk nenete wanduk nggween paga ngginnagagirak.

Ndaniyen 8:18

At awo yo'nege kagak, nambuluk yipuk nggween paga ngginnagagirak wonage me, at nen an neebe pi'nake nagagerik, mippaneegerak.

Marakut 14:40

Tamban eeppunuk, iyok paga wage nagagerik, it nogo, nogo yuurak eeginabeegerak me, nogo yugwi enegen iige kenok it nen, “Nonggop yoruwi?” yinuk, puk ogogwaarak.

Yaya 1:14

At Wone nogo, aap aret age nagagerik, ninom aret wonagagerak. Ninom logonet, oona ngginik kagak, iniki kunik nen eeppinanege, Ala ndogop menggerak o, yinuk, liirogon yo'nirage, eeke kogo logonet, at Ala aput ambolom ndarak me, ogoba nen tiyappereegerak mondok tiyanak aret kogogurak o.

Yaya 17:24

Ai, nogoba o! Mbogut-nggween yi awo wakkaga'lek kagak, kiniki kunik ee'nake logonet, tiyappaneegindak wonagagirak nogo kwak, An keya wage neenok tiyappaneme-nggendak wonage me, it aap wo'nereegindak yi nen, neyaawak nduk, an nawam time ninom logowok lak, ao, mbake agarik o.

2 Peterut 1:16

Nit ninowe Yetut Keritut, “Wi,” yinuk, pi wakwi iigak woroorak wone yokkirogogurak nogo ti, it aakumi nen timbayok wone mbininggo logonet, inoone amburu ndik-ndik yogo menggaarak nogo paga niniki panggombunuk yokkirogo logolik o. Ata, at Yetut Keritut mondok tiyanak lombok menggerak ninigen abe nen kogogurak nogo aret yokkirogogurak o.

1 Yaya 3:2

Noreewi o. Kit an niniki kunik me, wone ambi yokkira o. Nit yogondak aret Ala apuri ogoorik o. Ndi, peebi nonggop eeppinanege kenok wonogo logorak nogo, nit awo kin kaga'lek kwe, at wage kenok, “Etenggen yi kwak eeppinaniyak nduk, wonogoorak kagi,” yinuk, mbakwi niigak, “At etenggen kokwak eeppinanigin, nineenu aret ogoorik o.”